29.08.26
Çempionlar Liqasının 1/8 final mərhələsinin “Qalatasaray” - “Çelsi” oyunu bu il fevralın 26-sı, Xocalı soyqırımının 22-ci ildönümü gününə təsadüf edir. Bu səbəbdən bir müddət əvvəl Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası katibliyinin əməkdaşları UEFA-ya və “Qalatasaray” klubuna müraciət ünvanlayaraq soyqırım qurbanlarının xatirəsini anmaq üçün İstanbul təmsilçisinin futbolçularının meydana qara sarğı ilə çıxmasını, qətlə yetirilənlərin ruhlarını bir dəqiqəlik sükutla yad olunmasını təklif ediblər.
Təbii, bu təşəbbüs müsbət qiymətləndirilməlidir və buna qətiyyən kölgə salmaq olmaz. Amma gəlin görək, Çempionlar Liqası kimi mühüm bir oyunda belə bir aksiyanın baş tutması mümkündürmü? Söhbət heç də hansısa ikili standartdan və ya beynəlxalq təşkilatların bizi istəyib-istəməməsindən getmir.
Məsələ burasındadır ki, bu müraciət qitənin ali futbol qurumuna göndərilməzdən əvvəl, görünür, bilməyərəkdən bir mühüm məqam nəzərə alınmayıb.
FİFA və UEFA (ümumiyyətlə, çəkisi və nüfuzu yüksək olan idman qurumları) istənilən dövlətlər arasındakı siyasi münasibətlərin futbol meydanlarına çıxarılmasını tamamilə qadağan edir. Bu mənada, hazırda mediada və sosial şəbəkələrdə “Qalatasaray” - “Çelsi” matçından əvvəl Xocalı ilə bağlı aparılan kampaniyanın baş tutmayacağını əminliklə söyləmək olar. Hələ soyqırım qurbanlarının xatirəsinin bir dəqiqəlik sükutla anılması bir kənara, hətta İstanbul klubunun oyunçuları istəsə belə, oyuna qara sarğı ilə çıxa bilməzlər. Əvvəla, matça təyinat alan UEFA nümayəndəsi, hətta azərbaycanlı olsa belə, bu aksiyaya icazə verməz. Çünki bu kimi təşəbbüs və tədbirlər FİFA və UEFA-nın nizamnaməsinə ziddir. Deyək ki, klub Azərbaycana qardaş münasibətə görə özü buna təkidlə cəhd edir, bu halda da hüquqi qaydalar UEFA-nın tərəfindədir. Bu qurumun nümayəndəsinin səlahiyyəti o qədər genişdir ki, oyunun keçirilməsini qadağan edə də bilər.
Əgər FİFA və UEFA bu kimi siyasi aksiyalara icazə versəydi, təsəvvür edin, az qala bütün matçlardan əvvəl idman arenaları yasa bürünərdi. Avropada dövlətlərarası münaqişələr zamanı faciə ilə üzləşən tək biz deyilik ki...
Düzdür, beynəlxalq oyunlarda matçlardan əvvəl faciə qurbanlarının və ya hansısa mühüm bir şəxsin vəfatı ilə bağlı bir dəqiqəlik sükut aksiyasına rast gəlinir. Amma bu, qonşu dövlətlərlə gərgin siyasi münasibətlər səbəbindən baş verməyən hadisəyə görə olur. Yəni qeyri-müharibə şəraitində - ölkə daxilində təbii fəlakət, təyyarə qəzası, kütləvi ölümlə nəticələnən digər faciələr, eləcə də futbol, idman və öz dövləti qarşısında xidmətləri olan şəxsin vəfatına görə UEFA humanizm prinsipindən çıxış edərək dünyasını dəyişən insanların xatirəsinin anılmasına icazə verir.
Yeri gəlmişkən, Azərbaycanın İstanbuldakı baş konsulu Həsən Zeynalov məlum kampaniya ilə bağlı modern.az saytına açıqlamasında bildirir ki, onlar bu məsələ ilə bağlı iş görürlər. O, Azərbaycan Futbol Federasiyaları Assosiasiyasına (AFFA) yumşaq iradla deyir ki, gərək onlar da bununla məşğul olsunlar. Əslində isə AFFA-nın bu kampaniyaya qoşulmaması normal və məntiqlidir. Çünki bizim federasiya da bu məsələdə gücsüzdür. “Qalatasaray” – “Çelsi” oyununda Xocalı aksiyası o zaman baş tuta bilər ki, möcüzə baş verir, günü bu gün FİFA və UEFA Konqresi təcili çağırılır, həmin tədbirdə də hər iki qurum öz nizamnaməsində bununla bağlı bəndi ləğv edir. Təəssüf ki, bu məsələdə hər şey bizim istəyimiz və hisslərimizlə həll olunmur.
Sonda, yeri gəlmişkən bir məqama toxunum. Ötən il iyulun 23-də, Çempionlar Liqasının təsnifat mərhələsində, avropalıların gözündən və qulağından uzaqda olan “Skenderbeu” (Albaniya) – “Neftçi” matçından əvvəl Azərbaycan təmsilçisi Ağdam işğalının ildönümünü bir dəqiqəlik sükutla anmağa nail ola bilmişdi. Sonra məlum oldu ki, oyunun UEFA-dan olan nümayəndəsi özbaşına hərəkət edib, “Neftçi”nin bu ideyası ilə bağlı təmsil etdiyi qurumu məlumatlandırmayıb. Adı yadımda deyil, bu hərəkəti səbəbindən UEFA həmin komissara ağır cəza verərək onu beynəlxalq yarışlardan birdəfəlik uzaqlaşdırdı.
Bu faktı ona görə xatırlatdım ki, bu gün “Neftçi” ilə bağlı müqayisə aparıb sadəlövhcəsinə eyni hadisənin “Qalatasaray” – “Çelsi” matçında təkrar olacağını düşünənlər də var. Amma görünür, bir şeyi - İstanbuldakı oyunun əhəmiyyətini və miqyasını, tribunalarda və televiziya qarşısında əyləşəcək insanlar da daxil olmaqla matçın yüzmilyonlarla azarkeşin gözü qarşısında oynanılacağını unuduruq. Və nəhayət, UEFA əlbəttə ki, Türkiyədəki görüşə kənddə-kəsəkdə, stadionda üç-beş azarkeşin baxdığı “Skenderbeu” – “Neftçi” görüşünün nümayəndəsini yox, Çempionlar Liqasının çox vacib oyunlarına nəzərət edən komissarı göndərəcək.
Aydın BAĞIROV
Rəşad Eyyubov limitlə bağlı: “Kim yaxşıdırsa, oynamalıdır”
Türkiyə - Fransa: Heyətlər
Bekhemin DÇ-2026-dan qazancı açıqlandı
Almaniya millisinin oyunlarını buraxacaq
Yenidən Azərbaycan Premyer Liqasına qayıtdı
Azərbaycanın U-21 millisi Çexiyadan xal aldı
"Zirə" Çempionlar Liqasının 1/4 finalında
Azərbaycan Qran-Prisində sıralama turu keçirildi
Millidə zədələndi, klubuna qayıdır
Ardıcıl 2-ci dəfə İngiltərənin ən yaxşı futbolçusu seçildi
Azərbaycan klubu baş məşqçini istefaya göndərdi - Rəsmi
4 böyük liqadan FİFA-ya islahat çağırışı
Türkiyə - Fransa oyunu hansı kanallarda?
"Zirə"dən ayrılan futbolçu "Şəfa"da - Rəsmi
Van Dayk "biabırçılıqdır" dedi, Klopp cavab verdi
“Sabah”ın hücumçusu Almaniya millisindən dəvət gözləyir
Litva- Azərbaycan matçının hakimləri açıqlandı
Burak Yılmazın yeni klubu müəyyənləşdi
Maksimov “Araz-Naxçıvan”da ilk məşqinə çıxdı - Şəkil
Runi yəhudi köklərinin olduğunu açıqladı
Braziliya millisində yeni 10 nömrə
Amsterdamda son dəqiqə qolu - Video
Azərbaycan Qran-Prisində 2-ci gün
Dünyanın ən bahalı 10 milli komandası hansılardır?
Almaniya Niderlandla heç-heçə etdi - Millətlər Liqası
Klopp və Xavi 2 il sonra...
Argentina millisinin kapitanı seçildi
"Zirə"nin futbolçusu əməliyyat olundu
Malta Millətlər Liqasına qələbə ilə başladı
Azərbaycan boksçusu Avropa çempionu oldu
Qapıçıya sərt cəza - 20 illik futboldan uzaqlaşdırıldı
İrlandiya - İsrail matçı öncəsi gərginlik
Benzemanın “Nike”la əməkdaşlığı başlamadan bitdi
“Benfika” onları şikayət etdi
Özbəkistan millisi İrana qalib gəldi
Kişi klubunu çalışdıran ilk qadın məşqçi ilə yollar ayrıldı
Ürək problemi yaşayan futbolçu fərdi məşqlərə başladı
Azərbaycan Qran-Prisində sərbəst yürüşlər keçirildi
2-ci liqada 6 oyunun hakimləri bilindi
Xavi “Qızıl top” üçün əsas namizədini açıqladı
Vüsal İsgəndərli: “Bu yükün altından çıxmalıyıq”
Alabanın yeni klubu rəsmiləşdi
