Yankoviç-Silva mübahisəsinə - Qurban Qurbanovdan münasibət

Yankoviç-Silva mübahisəsinə - Qurban Qurbanovdan münasibət
ÖLKƏ FUTBOLU 29 Noyabr 2025 / 21:12 842
-  A +

"Qarabağ" klubunun baş məşqçisi Qurban Qurbanov Çempionlar Liqası çərçivəsində "Napoli" ilə keçirilən görüşdə Marko Yankoviç və Mateus Silva arasında yaşanan mübahisəyə münasibət bildirib.

QOL.az xəbər verir ki, mütəxəssis hadisəni futbolun emosional təbiəti ilə əlaqələndirsə də, futbolçulara intizamla bağlı xəbərdarlıq etdiyini də vurğulayıb:

"Futbol emosional oyundur. Biz bu cür, hətta bundan daha sərt halların dəfələrlə şahidi olmuşuq. Buna baxmayaraq, belə gərgin oyunlarda futbolçular emosiyalarını cilovlamağı bacarmalıdırlar. Çünki bu, matçın gedişatına birbaşa təsir edə bilər. Mən bu barədə ümumi fikirlərimi artıq bildirmişəm və bu mövzuya çox ciddi diqqət ayırıram".

Qeyd edək ki, sözügedən mübahisənin baş verdiyi "Qarabağ" - "Napoli" qarşılaşmasında Azərbaycan çempionu 2:0 hesabı ilə rəqibinə məğlub olub.


Son xəbərlər
28.11.25  19:59

PSJ-də itki

28.11.25  19:29

Neymardan riskli qərar

28.11.25  17:59

"Milan"dan göndərilir