Bu gün gürcü Xviça Kvaratsxeliya İtaliyada "Napoli", erməni Henrik Mxitaryan isə "İnter"lə müqavilə imzalayıb.
Namik Ələskərovla Vüsal İsgərdərli isə Türkiyənin superliqasında da yox, birinci liqasında bir və ya yarı sezon oynayandan sonra təzədən Azərbaycana qayıdıblar. Biri “Sabah”a keçib, o biri “Sumqayıt”a. Yəni özlərindən əvvəlki 10-a yaxın azərbaycanlı futbolçu kimi onlar da ya güclənə bilməyib, ya da karyerasını yox, pulu üstün tutaraq legioner həyatına son qoyublar.
Bura gələndə də eniş başlayır.
İlqar Qurbanovu yadınıza salın. “Fənərbaxça” kimi Türkiyə nəhənginin əsas komandasına cəlb edildiyi vaxtda (2000-ci illərin ortaları) Mübariz Mənsimovun təklif etdiyi pula aldanıb Azərbaycana qayıtdı, “Xəzər Lənkəran”la müqavilə bağladı. Özü öz əli ilə bəlkə də gələcəyin böyük futbolçu karyerasına ağır zərbə vurdu.
Bunları ona görə qeyd edirəm ki, bizə qonşu olan Gürcüstanın və Ermənistanın futbolçuları daha iradəlidirlər. Qəbul etmək istəməsək də, fakt budur. Bu mənada Azərbaycanda uşaq futbol mütəxəssisləri təkcə futbolçu yox, həm də xaraktercə güclü insanlar, şəxsiyyətlər yetişdirmək haqda düşünməlidirlər. Onları yetişdirə bilməyəndən sonra bizimkilər (insafən, burda söhbət Namiklə Vüsaldan getmir) xaricə gedib qayıtmalarına belə bir nağıl uydururlar ki, bəs, ev üçün darıxırıq. Yəni hamını – medianı, azarkeşi özlərinin yarıdayaz ağlı səviyyəsində sanırlar.
Azərbaycanın kənd-kəsəyində böyüyüb bu gün xarici ölkələrdə özlərinə uğurlu karyera, həyat qurmuş, illərdir orada yaşayan minlərlə, onminlərlə soydaşımız var. Necə olur ki, onlar uğur qazanır, orda möhkəmlənir, bir tək futbola gələndə hamının yadına ev düşür, darıxmaq şakəri baş qaldırır.
Dünyada minlərlə legioner var, olub. Nəyə görəsə onların arasından geri qayıdanlar “darıxmaq” nağılını uydurmayıblar. Legioner dedim, yadıma azərbaycanlı Vəli Qasımov, Nazim Süleymanov düşdü. Biri İspaniyada mükafat qazandı, Portuqaliyada da çıxış etdi, o biri Rusiyanın çempionu oldu. İllərlə həmin ölkələrdə yaşadılar, normal karyeraları da oldu. Uğursuzluqları olanda isə ona “darıxıram” donunu geyindirmədilər.
Yəni, Vəli Qasımov da azərbaycanlıdır, Nazim Süleymanov da. İndiyədək “darıxıram” deyib geri qayıdan digər futbolçularımız da.
Və hələlik “darıxmayan”, karyerasını puldan daha çox düşünən bir futbolçumuz da var – Mahir Emreli... Son bir ildə bərkə-boşa düşsə də, ümumən xarakter göstərə bilir. Bura qayıtmağı ağlına gətirmir. Gətirməməlidir də.
Çünki öz karyerasına hörmət qoyan, özünə inanan, perspektivi yüksək olan futbolçu Azərbaycan çempionatına qayıtmamalıdır!
Aydın Bağırov
[email protected]
"Traktor" 1/4 finalda
"Real"dan qələbə
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu