Bugünlərdə bizim mediada sürətlə iki qeyri-ciddi transfer xəbəri yayıldı.
Bir: “Sabah”ın futbolçusu Özancan Kökçü “Beşiktaş”ın maraq dairəsinə düşüb.
İki: “Qarabağ” Türkiyənin üçüncü liqanın təmsilçisi oyunçusu Oğuz Aydını almaq istəyir.
Hər iki xəbərin qaynağı Türkiyə mətbuatıdır.
Bilməyənlər üçün qeyd edim ki, türklərin ictimai-siyasi mediasından fərqli olaraq, idman mətbuatı qeyri-ciddi reputasiyaya malikdir. Səbəb isə əsasən (80-90 faiz) transfer dezinformasiyalarıdır.
Həmin məlumatları media vasitəsi ilə dövriyyəyə buraxanlar hiyləgər futbol menecerləri olur. Məqsəd bir tərəfdən futbolçunun reklamı, digər tərəfdən isə onun qiymətini artırmaqdır. Məsələn, Oğuz Aydın adlı gənc oyunçunu dost-tanışı və qohum-əqrabasından başqa, Türkiyənin özündə belə tanıyan yoxdur. Futbolçu kimi hansı qabiliyyətin sahibidir, bilinmir. Amma artıq adı 6 ildir dalbadal Avropada qrup mərhələsində oynayan “Qarabağ” kimi klubla hallanır. Əslində isə “Qarabağ” nə klub olaraq özü, nə də skautları vasitəsi ilə bu oyunçu ilə danışıq aparıb.
Ümumiyyətlə, Qurban Qurbanov fəaliyyətinin digər sahələrində olduğu kimi, transfer işinə də yetərincə ciddiyyətlə yanaşır. Təsadüfi deyil ki, digər bir çox klubumuzdan fərqli olaraq, “Qarabağ” “zapravka”dan legioner gətirmir. Az oyunçu və keyfiyyətli futbolçu alır. Düzdür, bu futbolçuların az bir qismi tələb olunanın qarşılığını verə bilməyib. Amma bu, transfer məsələsində Qurban Qurbanovun dəqiq və peşəkar münasibətinə kölgə sala bilməz.
Elə isə aşağı səviyyəli oyunçuların adı niyə “Qarabağ”la hallanır? Bildiyimə görə, hər il avropalı menecerlər Ağdam klubuna 200-250 futbolçu təklif edir. Klubun skautları onların arasından keyfiyyətcə yüksək səviyyəsi olan 5-10 nəfərin ümumi siyahısını məşqçilər heyətinə təqdim edir. Prosesin yekun mərhələsində onlardan 4-5 nəfər seçilir və baş məşqçinin təlimatı ilə klub səviyyəsində futbolçu ilə rəsmi danışıqlar başlayır. Razılığa gəlinən oyunçu ilə müqavilə bağlanır. Yəni güman ki, sözügedən futbolçu və onun kimi digərləri də “Qarabağ”ın skautlarına təklif olunub. Amma indiyədək hər təklif edilən futbolçu alınsaydı, “Qarabağ”da da “Bakı”, “Xəzər Lənkəran”, “Keşlə”dəki kimi bir zamanlar mövcud olmuş əsl xaos hökm sürər, klub yeyinti yuvasına çevrilərdi…
İndi gələk Özancan Kökçüyə.
Onun adı bu dəfə Türkiyə nəhəngi “Beşiktaş”a “transferi” ilə gündəmə gətirildi. 2 il əvvəl Türkiyə mediası yazmışdı ki, bu oyunçu “Tottenhem”ə keçə bilər. Amma elə oldu ki, Ozancan Londona “gedəsi” olmadı, Masazıra, yəni “Sabah” gəldi. İnsafən, 22 yaşlı bu futbolçu istedadlı oyunçudur, üzərində çox çalışsa, yaxşı klublarda oynamağa da layiqdir. Amma yaxşı olardı ki, sərt üzünü göstərərək gərək menecerlərinə adını belə ucuz xəbərlərdə, dedi-qodularda hallandırmağa imkan verməsin. Özünü ona kökləyə ki, “Sabah”da (ya da gələcəkdə başqa hansısa klubda) 15 oyuna 1 yox, 10-15 qol vursun.
Çünki “Beşiktaş”a, lap elə “Tottenhem”ə qol vurmaqla getmək olar, şaka yapmaqla deyil.
Aydın BAĞIROV
Keyn mükafat alacaq
Virtz "Bayer"də qalır
"Traktor" 1/4 finalda
"Real"dan qələbə
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu