Onlar da DÇ-2026-ya vəsiqə qazandılar - Evdə bir oyun keçirmədən

Onlar da DÇ-2026-ya vəsiqə qazandılar - Evdə bir oyun keçirmədən
DÇ-2026 19 Noyabr 2025 / 10:53 1504
-  A +

Haiti futbol millisi yarım əsrlik fasilədən sonra ilk dəfə dünya çempionatına vəsiqə qazanıb. Komanda KONKAKAF zonasında son turda Nikaraquaya qalib gələrək (2:0) C qrupunu birinci yerdə başa vurub. Haiti son dəfə mundialda 1974-cü lldə oynamışdı.

QOL.az xarici KİV-lərə istinadən xəbər verir ki, komanda bunu ölkədə hökm sürən dərin siyasi böhran, təhlükəsizlik xaosu və bu səbəbdən stadionsuz qalmasına baxmayaraq bacarıb.

2021-ci ildə prezident Jovanel Moizin qətlə yetirilməsindən sonra Haiti ard-arda zorakılıq dalğalarına qərq olub. Paytaxt Port-o-Prensin 85 faizə yaxını hazırda silahlı qruplaşmaların nəzarətindədir. 

2024-cü ilin martında isə silahlı qruplaşmaların milli stadionu ələ keçirməsi yığmanı tamamilə ev oyunlarından məhrum edib. Haiti millisinin son dəfə doğma meydanda keçirdiyi matç 2021-ci ilin iyuluna təsadüf edir.

Bütün seçmə mərhələni səfərlərdə keçirməyə məcbur olan Haiti futbolçuları çətinliklərə baxmayaraq tarixi uğura imza ataraq mundiala ikinci dəfə qatılmaq hüququ qazanıblar.

Komanda bu müddətdə ev oyunlarını Kurasoda keçirib.












Səhifənin yuxarısına keçidYuxarı

Daha çox


Son xəbərlər