30.10.25
Boris Xetaqurov 76 illik ömrünün düz 50 ilini Azərbaycan futboluna sərf edib. Yaşayan əfsanədi. Üst-üstə düz 42 il isə “Neftçi”də çalışıb. 42 il! Amma günün birində dünən futbola gələn Elnur Məmmədov adında bir cavan oğlan (heç 40 yaşı olmaz) Boris Xetaqurova deyir: “Yerinə başqa adam gətirmişik”.
***
Bu gün mənim dəvətimlə Qol.az saytının qonağıydı. Müsahibə verməyə gəlmişdi. Yaxın günlərdə saytda onunla geniş müsahibəni də oxuya bilərsiniz. Uzun söhbətimiz hərlənib-firlanıb indiki “Neftçi”yə gələndə bayaqdan üzünə hopmuş o nurlu sima qəzəbə döndü, hirsindən əlləri əsməyə, üzü qızarmağa başladı. “Bağışla, hirslənəndə belə oluram...”
...Və Boris Xetaqurovun gözündən yaş gəlməyə başladı.
Elnur Məmmədov, Çingiz Abdullayev!
Xetaqurovun gözündən tökülən o yaş həm də bütövlükdə Azərbaycan futbolunun göz yaşı, faciəsidi, bunu qulağınızda sırğa edin!
***
Bu kiçik istefa müraciətini diqqətlə oxuyun. Mətbuatda ilk dəfə dərc olunur.
“Neftçi” PFK-nin icraçı direktoru E.Məmmədova
Sürəti: “Neftçi” PFK-nin Müşahidə Şurasının sədri Ç.Abdullayevə
Hörmətli Elnur müəllim!
“Neftçi” futbol klubunun baş həkimi kimi mənə qarşı qəsdən və qərəzli mövqe nümayiş etdirməklə, məni alçaldan bir şərait yaratmısınız və bu da mənə futbol komandasında işimi davam etdirməyə mənəvi və peşə hüququ vermir.
Yuxarıda qeyd olunanlardan irəli gələrək, məni tutduğum vəzifədən azad etməyinizi xahiş edirəm.
B.Xetaqurov,
Azərbaycanın Əməkdar həkimi
İdman tibbi üzrə ali dərəcəli həkim”
***
İndi gələk bu müraciətin yazılma səbəbinə. Başqa sözlə, Boris Xetaqurovun - bir canlı əfsanənin timsalında Azərbaycan futboluna, onun önəmli simalarından birinə qarşı törədilmiş mənəvi cinayətə.
Təbiətcə sakit adamdı Xetaqurov. Və görünür bu səbəbdəndi ki, ta uzaq 1965-ci ildən başlayaraq, düz 2003-cü ilə qədər (38 il) “Neftçi”də işləyib. 2004-2010-cu illərdə Mübariz Mənsimovun şəxsi dəvəti ilə “Xəzər Lənkəran”da fəaliyyət göstərib. 2011-ci ildə bu dəfə Sadıq Sadıqovun dəvəti ilə “Neftçi”yə qayıdıb və 2015-ci ilə qədər (4 il) orda çalışıb. Sadıq Sadıqov gedəndən sonra isə...
Necə ki, “Neftçi” klubuna fədakarlıqla xidmət etmiş neçə-neçə insan Elnur Məmmədovun gəlişindən sonra klubu tərk etməli oldu, Boris Xetaqurov da axırda bezib eyni addımı atır. Daha doğrusu...
Bunu isə Xetaqurov özü danışır:
“Elnur Məmmədov mənim rəhbərlik etdiyim bütün həkim heyətini otağına çağırdı. Yanındakı cavan oğlanı göstərib dedi ki, bundan sonra “Neftçi”də dərman ləvazimatlarının alınması, siyahısının tərtib olunmasına o baxacaq. Adı yadımda qalmayıb onun. Bilmirəm, indi “Neftçi”də işləyir, ya yox... Bir neçə gün keçəndən sonra isə növbəti dəfə bizi otağına çağırdı. Və bildirdi ki, bu adam (həminki oğlan) “Neftçi”nin baş həkimi təyin olunur! Yəni mənim yerimə. Əvvəldən məni çağırıb, çox yox, beşçə dəqiqə danışıb, hörmət əlaməti olaraq, fikrimi öyrənsəydilər, bu qədər yer eləməzdi mənə. Məni - Azərbaycan futboluna, tibb idmanına 50 il xidmət etmiş bir adamı bax bu şəkildə uzaqlaşdırlar “Neftçi”dən. Yəni ərizə yazıb çıxmağım üçün bütün bütün şəraiti yaratdılar. Elnur Məmmədovla Çingiz Abdullayevin adına yazdım müraciəti. Amma onların heç biri müraciətə şəxsən özləri cavab vermədilər...”
***
Amma “Neftçi” tarixi adına ləkə bununla da bitmir. Demə, Xetaqurovun istefasından 10-15 gün sonra onun 75 illik yubileyi imiş. Amma klub rəsmi, qeyri-rəsmi, heç olmasa saytı vasitəsilə olsa belə, onu bir cümlə ilə təbrik etməyi, özünə rəva bilmir...
Elə bil heç bu adda adam “Neftçi”nin tarixində heç olmayıb.
***
42 il “Neftçi”yə xidmət edən və uzun müddətdə heç kimlə problemi olmayan bir insanı Sadıq Sadıqovun klub prezidenti vəzifəsindən gedişindən bir neçə ay sonra bax belə hörmətsiz şəkildə çıxarıblar “Nefçi”dən...
Amma bu gün bu adam diktofonu qoşub ilk sualı verməmiş özü söhbətə “Neftçi”, onu tarixi, dəyərini yada salmaqla başladı: “Mən “Neftçi” klubundan xahiş edirəm ki, Banişevskinin geyindiyi 9 nömrə klubda əbədiləşdirilsin və heç kim bu forma altında oynamasın. Bu təcrübə Avropada çox klubda var. Elə “Neftçi”də də olmalıdı. Çünki Banişevski bizim tariximizdi”.
Elə siz də tarixsiz, hörmətli Boris Xetaqurov, canlı tarix... Elə bu böyüklüyünüz də Banişevskinin timsalında futbol tariximizə verdiyiniz qiymətdən irəli gəlir.
...Sizi “Neftçi”dən uzaqlaşdıranlara gəlincə, qoy, onların haqda nə deyəcəklərsə, bu yazını oxuyanlar desin.
Aydın BAĞIROV
[email protected]
"Döyüşkən komandaya qarşı oynadıq" - Valdas Dambrauskas
"Sabah" "Qəbələ"ni belə məğlub etdi - Video
"Oyunumuz var, nəticə mütləq gələcək" - Kaxaber Sxadadze
“Traktor”dan ÇL-də növbəti qələbə
"Sabah" "Qəbələ"yə qalib gəldi
Pioli "Fiorentina"dan göndərilir
Sadıq Sadıqov istefa verdi
"Liverpul" "Real"la oyuna ciddi itki ilə çıxacaq
"Sabah" - "Qəbələ": Heyətlər açıqlandı
"Hər iki komanda üçün asan matç olmayacaq”
Qubada vurulan 2 qol - Video
Premyer Liqa klubunun oyunçusu silahla hədələndi
"Real"ın futbolçusu "Liverpul"la oyunu buraxacaq
2-ci liqada 7-ci tur 3 oyunla start götürdü
"Çelsi" və "Tottenhem"in "radar"ına düşdü
Piolinin “Fiorentina” macərası uğursuz başladı
Yamal sevgilisindən atasına görə ayrılıb
Cerrard Rusiya klubuna yenə rədd cavabı verdi
"Yuventus" Davidi göndərməyə hazırlaşır
Misli Premyer Liqasında ayın ən gözəl 5 qolu - Video
“Liverpul”un oyunçusu tənqid olundu
"Bavariya" tarixinin rekord gəlirini əldə etdi
Dibala penalti vurarkən zədələndi
"Mançester Siti"də bunu bacaran ən gənc futbolçudur
Tanınmış italiyalı məşqçi dünyasını dəyişdi
Yenidən "Bavariya" prezidenti seçildi
"Qarabağ" - "Çelsi" oyununun hakimləri müəyyənləşdi
“Neftçi”nin müdafiəçisi 200-cü oyununu keçirdi
Fərid Nəbiyev üçün yubiley
"Real" Arda üçün "Fənərbaxça"ya bonus ödəyəcək
Kubokdakı məğlubiyyətin əvəzini liderlik oyununda çıxdı
"Yamal zədəsi ilə yaşamağı öyrənməlidir"
1-ci liqada 5 oyunun hakimləri açıqlandı
Abubakar son 6 ilin ilkinə imza atdı
"Sumqayıt"ın potensialı yüksəkdir" - Roi Kehat
Azərbaycan çempionatları tarixində yeni rekord
"Qarabağ"ın 350-ci quruhesablı qələbəsi
“Napoli” Kobi Maynonu transfer etmək istəyir
