30.10.25
FİFA Şurası bu gün tarixi qərar qəbul etdi. 2026-cı ildən başlayaraq, dünya çempionatlarında iştirakçı komandaların sayı 32-dən 48-ə, yəni düz 16 komanda artırıldı.
Canni İnfantino belə bir ideyası olduğunu hələ dünyanın ali futbol qurumuna ötən il prezident seçiləndən sonra səsləndirmişdi. Bildirmişdi ki, nisbətən kiçik ölkələrin, yəni dünyada çox da tanınmayan futbol millilərinin də final mərhələsində oynaması vacibdi. İlk baxışda bu, guya futbolun inkişafına yönələn bir qərardı. Amma bu gün qərar açıqlanandan sonra dünyada, xüsusən Avropada istər ekspertlərin, istər peşəkar idman jurnalistlərinin rəyindən belə görünür ki, bu qərar futboldan daha çox böyük futbol mafiyasının işinə yarıyacaq. Yumşaq desək isə udan FİFA, uduzan futbol olacaq!
Rus həmkarlarımdan biri bugünkü maraqlı məqama toxunub: “2012-ci ildə Haiti komandası Avstraliya və Yeni Zelandiyanı qabaqlayaraq sensasiyalı şəkildə Okeaniya zonasının qalibi oldu və Konfederasiyalar kubokunda iştirak etmək hüququ qazandı. Bu yarışda onlar İspaniya, Nigeriya və Uruqvay kimi komandalarla eyni qrupda yarışdı, amma nəticəsi biabırçı oldu. Haiti 1 xal belə toplaya bilmədi, 3 oyuna öz qapısından düz 24 qol buraxdı. Onların 0:10 və 0:8 hesablı məğlubiyyətləri isə turnirin imicinə ciddi zərbə vurdu”.
Soruşa bilərsiniz ki, Haitinin FİFA-nın bügünkü qərarı ilə nə əlaqəsi? Amma əlaqəsi var. Məsələ burasındadı ki, DÇ-2026-ya gələcək yeni 16 komanda arasında Haiti kimi millilərin olmayacağına kimsə zəmanət verə bilməz. Ehtimal edilir ki, “16-lar” sırasında ən çox yer Asiya və Afrikaya veriləcək. O boyda yarışa heç kimin tanımadığı, aşağı səviyyəli futbol ölkələri ilə dolduracaqlar. Təsəvvür edin, Avropa zonasına isə cəmi 3 əlavə yer ayrılacaq (13-dən 16-ya).
Bəli, oyunların sayı artacaq. Tamam, azarkeşlər daha çox matç izləyəcəklər. Amma hansı səviyyəli oyunları? Məsələn, kimə lazım olacaq, şərti desək, Almaniya – Haiti görüşü? Almanların rəqib qapısından 8-10 top keçirəcəyi hansı futbol fanatına maraqlı gələcək? Məgər, təkqapıya olacaq belə sönük oyunlar çempionata əlavə gərginlik qatacaq?
Gülməlidir.
3 komanda 16 qrupda yarışacaq. Bu formatın özü də ciddi tənqid olunur. Düzdür, çempionatın sxemi hələ tam bəlli deyil. Amma bildirilir ki, qrupda ilk iki yeri tutanlar pley-offa vəsiqə qazanacaq. Dünya çempionatlarına belə zərbə vuran qərar hələ olmamışdı. Turlar arasında 7-8 gün fərq olacağı gözlənir. Yəni bu qədər uzun müddət. Bu qərar milli komandaların maraqlarına uyğundurmu? Çətin. Amma görünür milli federasiyalar da futbol mafiyasının qərarı ilə hesablaşmalı olublar. Niyə? Nə üçün? Zaman göstərəcək.
İndi gələk, əsas məsələyə.
FİFA-nın bugünkü qərarının birbaşa gələcəkdə daha çox gəlir götürməyə yönəldiyi şübhə doğurmur. Baxın, Rusiyada keçiriləcək DÇ-2018-də dünyanın ali futbol qurumunun 5,52 milyard dollar qazancı olacağı gözlənilir. Bu məbləğin 3,1 milyard dollarının yayım hüququndan, digər hissəsinin isə marketinq, bilet satışı, lisenziya satışı və qonaqlamadan götürüləcəyi bildirilir. 2026-cı ildəki çempionatda isə bu rəqəmin 6 milyard 495 milyon dollara çatacağı gözlənilir. Yəni Rusiyadakı yarışdan 975 milyon dollar çox!
İndi özünüz düşünün, bugünkü qərar nəyə hesablanıb: futbolun inkişafına, yoxsa gələcəkdə əlavə milyardların qazanılmasına?
Aydın BAĞIROV
Poqba yenidən zədələnib
“Real”da ayın futbolçusu o seçildi
“Qarabağ” evdə “İmişli”ni belə məğlub etdi - Video
Cüdoçumuz Avropa çempionu oldu
Qurban Qurbanov hücumçu transferi ilə bağlı danışdı
Türkiyə klubunda baş məşqçi istefası
“Araz-Naxçıvan”ın futbolçusu Benin millisinə çağırıldı
“8 il əvvəlki "Qarabağ"dan daha yaxşıyıq” - Qurban Qurbanov
Məhəmməd Salaha Səudiyyə Ərəbistanından rekord təklif
"Qarabağ" “İmişli”yə qalib gəldi
“İmişli”nin şikayəti təmin edilmədi
Pedro karyerasının sonuna yaxınlaşır
“Barselona” və “Real” bu hücumçunu transfer edə bilər
"Barselona" "Kamp Nou"ya qayıdış vaxtını açıqladı
Türkiyə Futbol Federasiyası 149 hakimi cəzalandırdı
"Qarabağ" - "İmişli": Heyətlər açıqlandı
Qəbələdə kütləvi futbol festivalı keçirildi
Spaletti "Yuventus" tarixinin ən yaşlısı oldu
"Qarabağ" - "Çelsi" matçına nə qədər bilet satılıb?
Ovusu "Qəbələ"nin tarixinə düşdü
Serbiya millisinin yeni baş məşqçisi açıqlandı
Frimponq daha 5-6 həftə oynamayacaq
"Qalatasaray" Osimhenin təzminat qiymətini müəyyənləşdirdi
Etdiyi hərəkətə görə üzr istədi!
Azərbaycan millisi Banqladeşə gedir
Premyer Liqamızın buhəftəki oyunlarının hakimləri
Libertadores kubokunun finalına yüksəldilər
De Brüyne DÇ-2026-nı buraxa bilər
"Yuventus" yeni baş məşqçisini açıqladı
"Araz-Naxçıvan" Lüksemburq klubu ilə heç-heçə etdi
Azərbaycan komandası Aktauda birinci yeri tutdu
“Seltik” Robertson üçün hərəkətə keçdi
Uzunmüddətli zədədən sonra məşqlərə qayıtdı
“Bavariya” “Milan”ın 33 illik rekordunu geridə qoydu
Azərbaycanın paragüllə atıcısı dünya kubokunda üçüncü oldu
“Yuventus”un hücumçusu Premyer Liqa klublarının hədəfində
“Liverpul”un uzunmüddətli müqavilə planı
Ərdoğan o hakimlər haqda istintaqdan danışdı
Vlahoviç: “Özümü komandanın lideri kimi hiss etmirəm”
Serbiya millisində yeni baş məşqçi
“Barselona” Osimhenlə maraqlanır
U-17 millimiz Moldova ilə heç-heçə etdi
