Azərbaycan millisi Millətlər Liqasında çıxışını ikinci yeri tutmaqla başa vurdu. Qazaxıstanla dünənki son oyundan sonra millinin baş məşqçisi Canni de Byazi özünü öyməklə və həmkarlarının bostanına daş atmaqla bildirdi ki, "neçə il idi Azərbaycan ardıcıl 3 oyunu uda bilmirdi".
İndi sizin diqqətinizi italiyalının bioqrafiyasındakı onun üçün xəcalətli bu nüansa yönəldim. Demə, "neçə il idi ardıcıl 3 oyun uda bilməyən" Azərbaycan millisinin baş məşqçisi, düz 2 il 2 ay həmin bu "kəlamın" müəllifi elə Canni de Byazi özü olub. Və bu 2 il 2 ayda Canni de Byazi rəsmi və qeyri-rəsmi düz 28 oyun keçirib. Bu 28 oyunun 16-da isə komanda uduzub, cəmi 5-də də qələbə qazanıb. Son iki qələbə də olub Slovakiya ilə Qazaxıstan üzərində. O Slovakiyanın ki, bizlə oyunda qələbə qazansaydı belə final mərhələsinə çıxa bilməyəcəkdi. Ona görə çıxa bilməyəcəkdi ki, artıq bu qrupda Qazaxıstan liderliyi təmin etmişdi. Biz dünən sonuncu qələbəni o Qazaxıstan üzərində qazandıq ki, xal itirib-itirməmək onların vecinə də olmayacaqdı.
Yəni bu komandaları sonda heç kimə lazım olmayan vaxtda yox, lap əvvəldə udmaq lazım idi ki, qrup birinci ola bilək. Amma hər iki oyunda uduzmuşuq axı. İndi De Byazi özündən Yuli Sezar düzəldir...
Millətlər Liqasında ikinci yer tutmaq qəhrəmanlıq deyil. Yox, əgər hökmən bir qəhrəman axtarırsınızsa, o Azərbaycan yox, Qazaxıstan millisidir, məşqçisinin də ad-soyadı Maqomed Adıyevdir. Adıyev Qroznıda doğulub. 45 yaşı var. Məşqçi təcrübəsi baxımından de Byazinin yanında uşaqdır. İndi də bu "uşağın" bioqrafiyasındakı iki cümləlik bir şərəfli məqama toxunaq. Bu il Qazaxıstan millisinə baş məşqçi təyin olunub, cəmi 6 rəsmi oyun keçirib. Elə ilk cəhddəcə komandasına qrup lideri kimi Millətlər Liqasının final mərhələsinə (Avro-2024 üçün) vəsiqə qazandırıb...
Canni de Byazi isə eyibinə kor olmaq əvəzinə deyir ki, "neçə il idi Azərbaycan ardıcıl 3 oyun uda bilmirdi". 3 oyun udub nə edib ki? Millətlər Liqasında qrup ikincisi olub. Millətlər Liqasında qrupda 2-ci yeri tutmaq Konfrans Liqasının qrupunda 3-cü olmaq kimi bir şeydir. Yəni heç bir halda qrupdan çıxa bilmirsən. Və bir məşqçininki komandası Millətlər Liqasında qrup ikinci olursa, deməli, nəticəsi uğursuzdur.
Özü də fərqi yoxdur, nəticə hansı məşqçinin dövründə olub. Bu, Canni de Byaziyə də aiddir, Qurban Qurbanova da. Amma Qurbanovun dövründə 2-ci yeri tutanda matəm quranlar, bu dəfə eyni yarışda 2-ci olmağa az qala qol götürüb oynayırlar. Bunun adı görməmişlik, uğursuzluq sindromunun yaratdığı mənəvi travmadır...
Və elə travmalar var ki, onlar heç vaxt sağalmır. Bax, bu, həmin o sağalmayan travmalardandır.
Aydın Bağırov
"Traktor" 1/4 finalda
"Real"dan qələbə
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi