13:45
“Dalğa Arena”, “Bayıl Arena”, “Bakcell Arena”, Olimpiya stadionu. Bu dörd stadionun hər birini AFFA Azərbaycan dövlətinin vəsaiti hesabına inşa etdirib, hər birinə də özünün istədiyi adı verib. Əslində arenaların adlarında qeyri-adi nəsə yoxdu.
Amma. Həm də var...
Bakı Olimpiya stadionuna qədər ən böyük idman arenamız Tofiq Bəhramovun adına daşıyan stadion idi. Zamanında, 1993-94-cü illərdə yaxşı ki, kiminsə ağlına ideya gəlib ki, bu arenaya unudulmaz hakimimizin adını versin.
Amma Azərbaycan futbolunu xaricdə, keçmiş SSRİ miqyasında ən azı Tofiq Bəhramov qədər uğurla və ləyaqətlə təmsil edən başqa bir futbol adamımız daha var – böyük Anatoli Banişevski... Bu gün 71 yaşı tamam olur onun. Haqqında hamımız xüsusilə ad günlərində hər zaman artıq şablon olan sözlər deyirik: dahi futbolçumuz, əfsanəmiz və sair və ilaxır... Amma dərinə gedəndə, bəlkə də Banişevskinin ruhu rahat deyil bu gün... Səbəb?
Bu stadiona baxın... Masallı şəhər stadionudu. Banişevskinin adını daşıyır. 
Qoyun otlayır orda. Bu, gerçəkdə Banişevskiyə Azərbaycan futbol sisteminin nə qədər laqeyd olduğunun göstəricisidi.
Yəni o stadion az qala olub ferma...
Bu da başqa bir şəkil... Baxımsızlıqdan hansı biabırçı vəziyyətə düşdüyü haqda çox danışmağa yəqin ki, ehtiyac yoxdu. 
Bakıdakı gül kimi stadionlar isə... Qayıdaq əvvələ, AFFA-nın tabeçiliyində olan arenalara.
Niyə məsələn, həmin stadionlardan birini Banişevskinin adına vermirik? Olsun Banişevski adına Bakı Olimpiya Stadionu və ya Banişevski adına Bayıl Stadionu, yaxud Mərdəkan Stadionu.
Futbol boslarımız üçün su içmək qədər asan bir işdi bu... Necə ki, 5-10 (min, yüz min...) manata görə 8-ci kilometr qəsəbəsi stadionunu “Bakcell Arena” adlandırılıb, o zaman adı faktiki olaraq boş olan digər arenalarımızdan birinə böyük futbolçumuzun adı niyə verilməsin?
Ümid edək ki, AFFA Azərbaycan futbolunun tarixinə, Banişevskinin timsalında onun dəyərlərindən birinə öz əməli işi ilə sahib çıxacaq və stadionlarından birinə ölməz futbolçumuzun adını verəcək.
Aydın BAĞIROV
[email protected]
Qattuzo üzr istədi
Pike "Barselona" prezidentliyinə namizəd olacaq?
“Heç-heçə ədalətli nəticədir” - Rəşad Eyyubov
Türkiyə - Kosovo matçının heyətləri açıqlandı
"Qalatasaray"lı futbolçu "Milan"ın hədəfində
Marko Yankoviçin yığması uduzdu
Azərbaycan millisi Bolqarıstanla heç-heçəyə razılaşdı
“Nyukasl” sanksiyalarla üzləşə bilər
Klub borcları ödəmədi, transfer qadağası ilə üzləşdi
"Tottenhem" yeni baş məşqçisini açıqladı
Ronaldo onu razı salmağa çalışır
Millimizin Bolqarıstan ilə oyun üçün heyəti
İran Dünya çempionatında iştirak edəcək
Davranışına görə komandadan uzaqlaşdırıldı
Məşqlərə qoşulmadığı üçün klubdan göndərilə bilər
"Fənərbaxça"nın prezidenti qəzaya düşdü - Şəkil
Konate "Real"dan təklif gözləyir
Azərbaycanın basketbol millisinin rəqibləri açıqlandı
Azərbaycan millisi Türkiyə yığması ilə birgə
Eddi Hau büdcə məhdudiyyətinə görə "Nyukasl"dan ayrıla bilər
Foden "Bavariya"nın radarında
"Milan" hücumçu transfer etdi
Mbappe basketbolçu olmaq istədi, NBA-dan bu cavabı aldı
AÇ: Azərbaycan millisinin oyunlarının vaxtı açıqlandı
Azərbaycan çempionatına yekun vuruldu
“D Liqasını bizim milliyə yaraşdırmıram" - Aydın Bayramov
