Fatih Terimlə qanqaraldıcı görüş
[22.01.2018]

Aydın Bağırov

Futbol xatirəsi



Telefon zəngimə həmişə olduğu kimi, doğma Türkiyə türkcəsində yüksək mədəniyyətlə cavab verir:

- Aradığınıza çox sevindim.

- Bugünlərdə Türkiyəyə gəlirəm, vaxtınız olarsa, görüşmək istəyirəm.

- Əlbəttə, məmnuniyyətlə.

- O zaman oyundan sonra sizə yaxınlaşacam.

- Gözləyəcəm.

Bu kübar danışıqdan sonra iş tamam deyib, ertəsi özlüyümdə planlar qurmağa başlayıram. O gözəl şəhərdə doyunca gəzəcəm, dünyaya qan udduran Osmanlı sultanlarının sarayı olmuş Topkapını ziyarətə gedəcəm, sonra Boğazda oturub canlı musiqi dinləyə-dinləyə, dəniz dalğalarının sahildəki kiçik qaya parçaları ilə toqquşmasının səsini eşidə-eşidə dadlı levrek balığı yeyib, bir az da rakı içəcəm... Lap Cüneyt Arkın və Türkan Şorayın birgə çəkildiyi filmlərdəki kimi. Özlüyümdə gülüb keçirəm. Bunlar hələ sonra olmalıdı. Həmin görüşdən sonra. İndi, bu xəyalları quranda isə sevimli şəhərim İstanbulda məni hansı “sürpriz”in gözlədiyini, qanımın it qanına dönəcəyini isə əlbəttə, onda heç ağlıma da gətirmirəm.

***

Ətrafdan gələn davamlı “kestane, kestane...” səsinə ayaq saxlayıram. Kestane, yəni bizim türkcəmizdə şabalıd. Onu elə küçənin ortasındaca, sobanın üstündə qovurub satırlar. Adamı iştaha gətirən qoxusu var. Və o kestane, onu bişirən kiçik ocağın ətrafı bürüyən tüstüsü məni Taksim meydanından aralanmağa qoymur. Alıb ilk dəfə elə oradaca dadına baxıram. Sonralar həm Türkiyə, həm də bizim Bakımızda da qarşıma tez-tez çıxdı o kestane qovurmasından. Amma mənə görə, dünyanın ən dadlı qovrulmuş kestanesini məhz elə Taksimdə, uzunburun papağı başına avara və lovğa gənclər kimi əyri qoyan o cavan oğlan bişirirdi...

Türklər demiş, bu gün daha çox kalabalıkdı bu meydan. Taksiyə insanların üç-üç, dörd-dörd, bəzən də beş-beş minib bir zülmlə bir-birinin üstündə oturması, az qala uzanması diqqətimi çəkir. Tanışlar, yadlar bir maşında gedir. Lap Bakı-Sumqayıt taksilərində olduğu kimi. Əl edib, bir taksi də mən saxlayıram.

- Burda taksi üstündə həmişə belə basabas olur?

Sürücü sanki bu sualımı gözləyirdi.

- Yox, bu gün metro işləmir. Ona görə də boş taksi tapmaq belə durumlarda çətinləşir. O adamlar da, elə sizin kimi, futbola tələsirlər.

Taksimdən “Türk Telekom Arena”ya gərək ki, 25-30 dəqiqəlik yoldu. İstanbulun yeni arenasının yaxınlığında sürücüyə 35 türk lirəsi verib düşürəm.

2012-ci ilin yanvarıdı.

Az sonra superliqanın “Qalatasaray”- “Karabükspor” oyununa canlı baxmaq, sonra da Bakıda vədələşdiyim görüşə görə stadiona daxil olmalıyam. Amma qəfil bir narahatlıq yaranır məndə. Bəs, birdən içəri buraxmadılar? Nə olsun ki, bir oyunluq akkreditasiyanın problemsiz həlli üçün Bakıdan Türkiyənin, müqayisəli desək, Mətbuat Şurasının sədrinə, yaxud da oranın Əflatun Amaşovuna zəng vurulub. Alınmasa necə olacaq? Azmı görmüşük Bakıda polisin halal bileti (yəni halal pulla alınmış bileti) olanları, klubdan akkreditasiya alanları kefinə düşəndə “yer yoxdu” deyib stadiona buraxmadığını?

Türk polisinə yaxınlaşıram:

- Mən Azərbaycandan gəlmiş gazeteciyəm, basın kartını (bir oyunluq jurnalist vəsiqəsi deyək – A.B.) hardan götürə bilərəm?

Ratsiya ilə kiminləsə danışdıqdan sonra “Buyurun, əfəndim, 26-cı qapıya yaxınlaşın, oradan kartınızı ala bilirsiniz...” - deyir.

Hər şey bu qədər rahat, bu qədər nəzakətlə. Vəsiqəni alıb içəri keçirəm. Ani fikrə gedirəm. Yəqin Türkiyədə hər zaman işlər bu cür sadə şəkildə yoluna qoyulur, ya da nə bilim, Bakıdan edilən xahişin bir xeyri dəyib.

Media tribunasındayam. Farih Terimin rəhbərlik etdiyi “Qalatasaray” Bülənt Qorxmazın “Karabükspor”unu qəbul edir. Bülənt bəy texniki zonada futbolçulara tapşırığını verəndə mən xəyalən Azərbaycana qayıdıram. Axı, çox yox, cəmi il yarım əvvəl o, Azərbaycanda, “Bakı” klubunda işləyirdi, həmin tapşırıqlardan Respublika stadionunda “Qarabağ”la, “Neftçi”ylə oyunlarda da verirdi. Sonra klubun rəhbərliyindəki bəzi adamlar bütün peşəkarlıq, nəzakət qaydalarını pozaraq futbolçularla komandanın “texniki və taktiki məsələlərinə həsr olunan” gizli görüş keçirmiş, ertəsi günü bundan xəbər tutan Bülənt bəy isə özünə qarşı hörmətsizlik edildiyini,  şəxsiyyətini hər şeydən üstün tutduğunu əsas gətirərək istefa vermişdi. Gizli görüşdən xəbərsiz olan “Bakı”nın o vaxtkı oliqarx prezidenti Hafiz Məmmədovun təkidli xahişləri də bir nəticə verməmiş və Bülənt Qorxmaz yaxşı maaş almasına baxmayaraq, bizim ölkəni tərk etmişdi.

Amma bu hörmətsizlik onun Azərbaycana və azərbaycanlılara olan isti və səmimi münasibətini qətiyyən dəyişməmişdi. “Türk Telekom Arena”ya getməyimin bir səbəbi sevimli “Qalatasaray”ın oyununu izləməkdisə, digər və ən əsas səbəbi də Bülənt Qorxmazla görüşmək idi. O görüşlə bağlı da, artıq yazının əvvəlində qeyd etdiyim kimi, razılıq alınmışdı. Amma bir halda ki, “Qalatasaray”ın oyunundayam və mətbuat konfransında da iştirak edəcəyəm, bəlkə elə sevimlimiz Fatih Terimə də Azərbaycana aid 1-2 sual verim? Özü də kefi kök olar yəqin, 5:1 udublar.

Sevimli Fatih Terimə... Eh...

Türklərin dilində desək, hoca hələ içəri girməyib, bu fürsətdən istifadə edərək “Qalatasaray”ın gərək ki, mətbuat xidmətinin rəhbərinə, ya da əməkdaşına müraciət edirəm. Sual vermək üçün ilk öncə ondan icazə lazım olduğunu söyləyirlər. Görünür, özlərinin mətbuat konfranslarında yad bir adamı ilk dəfə gördüyü üçün kimliyimi dəqiqləşdirir.

- Azərbaycandan jurnalistəm. Şərait yaratsaydınız...

Sözümü mədəniyyətsizcəsinə yarımçıq kəsərək özünün fizionomiyasına xas kobudluqla deyir:

- Sen bekle!

Və heç nə olmamış kimi arxasını çevirib gedir.

Hə, mətbuat konfransında Terimə sual vermək istəyim mətbuat xidmətinin nümayəndəsinin bu qanacaqsızlığı ucbatından elə ilk cəhddən uğursuzluğa düçar olur. Konfrans zamanı sual üçün əlimi qaldırıb söz istəsəm də, istəyimə nail ola bilmirəm. Amma konfrans qurtarandan sonra zalı tərk etmək istəyən Fatih Terimə yaxınlaşaraq onu saxlayıb, sual verməyə cəhd göstərirəm.

- Fatih hoca, mən Azərbaycandan gəlmiş jurnalistəm.

Azərbaycandan jurnalist. Türkiyənin qonağı. Qardaş ölkələr. “Bir millət, iki dövlət...” Terimin ən azı elə bu faktlara həssaslıqla yanaşıb ayaqüstü çox yox, cəmi bircə dəqiqəsini bizə ayıracağını düşünürəm. Və birdən gözləmədiyim halda soyuq, daha doğrusu, indiyədək də qulağımda ilişib qalan az qala iki metr uzunluqda cavab gəlir:

- Eeeeeeeeee...

- Sizə bir-iki sualım vardı.

- Mətbuat konfrasında verəydin.

- İstədim, amma şərait yaratmadılar.

- Tamam, tamam. Tez sualını ver, tələsirəm...

Bir sual verirəm, candərdi cavab verib ildırım sürətiylə də çıxıb gedir. İkinci sual havada qalır (indi, 2018-ci ildə düşünürəm, mənim yerimdə bir türkiyəli jurnalist, Terimin yerində isə hansısa "Karabükspor"la yox, nəhəng "Çelsi" ilə oyundan çıxan Qurban Qurbanov olsaydı qarşısındakı jurnalistə belə nəzakətsizlik edərdi?)...

Elə o anda kimsə əlini çiynimə qoyur. 3-4 türk jurnalistinin əhatəsinə düşürəm. Hiss edirəm ki, Terimin sayğısız münasibətinə görə özlərini pərt olmuş kimi sayırlar. Amma əlbəttə, başa düşürəm ki, Türkiyə Terim kimi Azərbaycana saxta münasibət bəsləyənlərdən ibarət deyil. Bəs, bir azərbaycanlıya, bir qonağa hörmətlə yanaşan o polis, bəs Terimin etdiklərinə görə gərək olmadığı halda utanc hissi keçirən o jurnalistlər? Bəs, Bülənt Qorxmaz?

Hə, yeri gəlmişkən, elə qanqaraldıcı olaya görə Bülənt Qorxmazla görüşməyib arenanı tərk edirəm. 2-3 gün sonra ona zəng vurub olanları demədən üzrxahlığımı bildirirəm. Hər halda, Terim onun məşqçisi, böyüyü olub.

Boğazda balıq yeməyi isə təxirə salıb İstanbuldan Antalyaya, “Qarabağ”ın düşərgəsinə gedirəm. Axşamı Feysbuku açıb müzakirələrə baxıram. Bizim fanatik “Qalatasaray”lılar Terimi kim daha çox sevir deyə bir-biri ilə qırğına çıxıblar...

Aydın BAĞIROV
[email protected]

6553 dəfə baxılıb

   Facebook Twitter MySpace Google

MÜƏLLİFİN DİGƏR YAZILARI                        
 
11.09.2018  14:50 Maltadan Bakıya qayıdanda...
09.09.2018  09:48 Millinin təyyarəsindən reportaj
31.08.2018  13:32 Dani Kintananın əsaları
27.08.2018  13:52 Azarkeş və futbolçu problemi
24.08.2018  13:48 “Qarabağ”a nə olub?
16.08.2018  15:20 “Qarabağ” haqda...
09.08.2018  14:37 Rəşad haqda...
02.08.2018  13:55 Niyə ancaq “Qarabağ”?
20.07.2018  13:58 “Neftçi” haqda...
13.07.2018  13:52 Vicdan məsələsi
09.07.2018  13:39 Mundial, biz və Samir Abasov
30.06.2018  11:00 Kərim Ansarifardın bizə mesajı
16.06.2018  15:22 Moskva küçələrindən qeydlər
22.05.2018  14:55 Günahkar tək AFFA-dı?
14.05.2018  12:55 Altay Əliyevin 40 yaşına…
03.05.2018  14:40 Futbolu ləkələyən qumarbazlar haqda
26.04.2018  14:49 Ramin Musayevlə futbol mübahisələri...
18.04.2018  15:36 Qazaxıstanla Qazax futbolunun fərqi
11.04.2018  13:46 "Roma"nın oyununda: əvvəl və sonra
03.04.2018  15:42 “Atletiko”ya olar, “Qarabağ Vyana”ya yox?
02.04.2018  14:13 Futbolumuzun dörd tragikomik faktı
16.03.2018  13:29 Malenanın oynadığı Azərbaycan millisi
15.03.2018  14:56 Kamran Quliyevin Klublar Komitəsi haqda
23.02.2018  14:20 Futbol tariximiz tək Tofiq Bəhramovdan ibarət deyil…
14.02.2018  12:33 Pul hanı?
11.02.2018  12:44 Alman “Qarabağ”ın oyununa gəldi, AFFA rəhbərliyi gəlmədi...
06.02.2018  15:01 “Neftçi”ni bu günə jurnalistlər saldı...
31.01.2018  16:50 Böyükağa Hacıyevlə “Mardan”da söhbət...
12.01.2018  13:00 Vaqif Cavadova bircə sual
08.01.2018  15:58 Belə etmə, Rəşad!
20.12.2017  16:03 Tahir Gözəllə Rövnəq Abdullayevin fərqi
19.12.2017  16:09 Ramilin yeri “Qarabağ” deyil...
14.12.2017  15:54 Bizdə şərhçi ancaq Fikrət Adıgözəllidi?
12.12.2017  13:02 Bakıda Banişevskinin adına niyə stadion yoxdu?
11.12.2017  13:02 Banişevskiyə necə kələk gəldilər?
07.12.2017  16:54 Sağ ol, "Qarabağ"! Grazie, Roma!
04.12.2017  11:46 İstiqanlı və dəliqanlı Romaya xoş gəldin, “Qarabağ”!
30.11.2017  14:29 Hanı bizim Deda?
16.11.2017  13:46 İsgəndərin, İqorun və Samirin yolu...
10.11.2017  13:34 Futbolumuzu bu viruslardan təmizləyin, Qurban müəllim!
01.11.2017  13:34 Gracias, “Qarabağ”!
11.10.2017  12:37 Bizim Ansi
23.09.2017  15:52 Qınamayın azarkeşi, Qurban müəllim!
15.09.2017  13:51 Biz və gürcülər
13.09.2017  13:37 “Qarabağ” bizim çempionata görə belə uduzdu
11.09.2017  12:00 O kresloda rahat otura bilirsiz, Orxan müəllim?
02.09.2017  11:37 Barmağımız qapı arasında qalanda Rəşadı axtarırıq
29.08.2017  18:05 “Qarabağ” udanda və bölgələrdə futbol can verəndə…
16.08.2017  16:22 Əfran üçün…
02.08.2017  14:13 Qurban Qurbanov 80 minlik oyunçunu “300 minə aldıq” demir..
17.06.2017  11:12 Getdi...
12.05.2017  14:12 “Səbail” yaşasın, “Turan” dağılsın?
21.04.2017  13:11 Allahverdi Bağırovun iradı...
19.04.2017  13:12 Kaşşai kirli vəzifəni necə lazımdısa, icra etdi
13.04.2017  14:51 Tanımadığımız Qurban
13.03.2017  14:24 O mükafatı niyə qəbul etdiniz, Şahin Diniyev?
03.03.2017  14:13 4 aydı oynamayan futbolçunun millimizdə nə işi var?
23.02.2017  16:10 AFFA öz stadionuna niyə Banişevskinin adını vermir?
07.02.2017  17:31 “Neftçi” 42 illik əfsanəvi həkimini necə qovdu?
06.02.2017  16:27 Rəşadları məhv edənlər...
23.01.2017  15:27 Kimə lazımdı “Birlik kuboku”?
14.01.2017  15:46 Belə də yox...
10.01.2017  15:36 Futbol mafiyası uddu, futbol uduzdu
26.10.2016  17:19 Hanı Bəhram?
12.10.2016  14:24 Bu nə qərar, arkadaş?
03.10.2016  11:54 Kamran Ağayevə...
30.09.2016  15:05 “CBC Sport”un 1 yaşına
10.09.2016  22:24 Ayıb olsun
08.09.2016  13:44 “Futbol şikəstləri”nə 100 milyonlar olar, Ramilə 1 milyon olmaz?
31.08.2016  13:10 35 yaşlı Aslan
26.08.2016  12:46 “Qarabağ” Respublika stadionundan getsin!
28.06.2016  12:34 İslandiya möcüzəsi: narkomaniyadan futbola gedən yol…
03.06.2016  12:45 Bu villanın hasarı hanı?
01.06.2016  13:35 Avstriya gündəliyi....
03.05.2016  14:03 Gözünə su ver, ərəb şeyxi!..
20.04.2016  12:21 “Atletiko”nu niyə sevməli?
18.04.2016  13:06 “Neftçi”ni utandıracaq şəkil
13.11.2015  13:40 Bizi rəzil edən kimdi: Şeydayev, yoxsa?..
10.11.2015  17:35 Dünya çempionu adı niyə bu qədər ucuzlaşıb?
09.11.2015  18:16 “Neftçi”də gələn gedənə rəhmət oxutdurdu!
04.03.2015  13:47 Türkiyəyə niyə getmisiniz?
26.02.2015  14:20 PFL-i ləğv edin!
17.02.2015  13:28 Nazim Süleymanova iş də verin!
05.02.2015  16:09 17 yaşlı oyunçu 3 minin davasın edəndə...
02.02.2015  14:11 Samir Ələkbərov hardadır?
23.12.2014  15:45 Sizin oyunu hansı kanal və niyə alsın?
22.12.2014  14:20 Qaranın halal haqqı
10.12.2014  15:24 Banişevski tüpürərdi belələrinin üzünə!
24.11.2014  15:55 Arazı Qurban xilas edəcək!
21.08.2014  11:07 Dərs – Rəşad Məcidin 50 illiyinə
31.07.2014  15:09 Qurban Qurbanovun iki qızıl qaydası
25.07.2014  15:14 “İnter”i hakim uduzdurmadı, rəhbərliyi uduzdurdu!
09.07.2014  12:43 Rədd olsun, Pelenin proqnozu!
08.07.2014  16:47 Hansı üzlə futboldan danışırsız?
07.07.2014  12:48 Kosta-Rika ilə Azərbaycan futbolçusunun fərqi, yaxud pul futbol oynamır
30.06.2014  16:07 Baş nazirə yazılan məktub
19.06.2014  13:39 Del Boske, Sampaoli və Foqts
17.06.2014  13:55 Gedin, Ronaldonun əlindən öpün...
13.06.2014  12:28 O hakimdən Azərbaycanda onlarladı
14.04.2014  16:43 “Qəbələ” özbaşınalıq etsəydi...
17.03.2014  13:54 Sadıqovun istefası, AZAL-ın absurd tələbi
14.03.2014  13:54 Xaqani Məmmədov, danışmaq olar?
12.03.2014  15:53 Sözün bitdiyi yer!
03.03.2014  13:35 “Neftçi” haqlıdırmı?
26.02.2014  15:09 Marata zaman verin!
24.02.2014  15:48 Pul və xal
21.02.2014  15:36 Lafet-lafet “idman jurnalisti”
19.02.2014  14:17 Xocalı kampaniyası, “Qalatasaray” və mümkün olmayan iş
18.02.2014  16:32 Emin Mahmudov millimizdən niyə üz döndərir?
12.02.2014  15:03 15 dəqiqənin ayıbı
10.02.2014  15:43 Azarkeşi söymək, yaxud Tahir Süleymanov təxribatçı axtarışında
06.02.2014  15:20 Bizim futbolda təlxəkləri kim yetişdirir?
29.01.2014  17:30 “Neftçi”yə çempionluq olar, “Qarabağ”a yox?
17.01.2014  13:02 Bu təkəbbürlə hara gedirsiniz?
15.01.2014  15:39 Adil Qaçayoğlunun arzusu
13.01.2014  15:53 “Atletiko”nun formasında Ermənistan yazılsaydı...
10.01.2014  16:23 Bizim futbolçuların zehniyyəti
08.01.2014  16:51 Çat verən futbolumuz və ya Nazim Süleymanov niyə getdi?
22.10.2013  11:13 Bizim “Lans” və bizim silahımız
05.09.2012  13:18 Azərbaycanın "yeni media"sı Ronaldinyonu niyə öldürdü?
20.08.2012  16:56 Ağdamdan uzaqlaşan "Qarabağ"
20.06.2012  15:55 Ümidlər qırılanda və ya dahi Lobanovskinin xatirəsinə
15.06.2012  16:16 «Avro-2012» və Azərbaycan jurnalistləri
08.02.2012  16:33 Ciminin həmyerliləri, Kipr və Dağlıq Qarabağ
06.10.2011  16:58 Allah şəfa versin!
29.09.2011  16:32 Butulka sayan komitə
27.09.2011  16:27 Aleksandr Səmədov güllələnməlidi?
20.09.2011  16:22 Qurban Qurbanov və artıq «avtoritetlər»
07.06.2011  13:19 Korifeylər və intelligentlər
09.12.2009  20:47 Azərbaycan futbolunda gizli savaş