18.06.25
Medianın İnkişafı Agentliyinin layihəsi: Uşaq və gənclərin fiziki və mənəvi inkişafı
Məlum olduğu kimi, "Qarabağ"ın 13 yaşadək futbolçulardan ibarət komandası Bolqarıstanda keçirilən “Sozopol Cup 2025” turnirinin qalibi olub.
Qrup mərhələsinin 5 oyununda 10 xal toplayan "Qarabağ" yarımfinalda “Levski”ni, finalda isə “Burqas”ı (hər ikisi Bolqarıstan) məğlub edərək yarışın qalibi adını qazanıb.
A qrupunda yarışan “Qarabağ” turnirdə 7 oyun keçirib ki, rəqiblərin hamısı Bolqarıstan klubu olub.
"Qarabağ"ın "Sozopol Cup" turnirindəki oyunları
Qrup mərhələsi
“Septemvri” – “Qarabağ” – 0:2
“Qarabağ” – “Olimpiya” – 5:1
“Qarabağ” – “Etar” – 0:1
“Ludoqorets” – “Qarabağ” – 1:1
“Botev” – “Qarabağ” – 0:2
Yarımfinal
“Levski” – “Qarabağ” – 0:0 (Penaltilər – 3:4)
Final
“Qarabağ” – “Burqas” – 2:0
Mövzu ilə bağlı komandanın baş məşqçisi Elçin Xudadatovla danışdıq. Əvvəlcə turnirlə bağlı məlumat verən mütəxəssis qeyd edib ki, belə yarışlər yeniyetmə futbolçuların inkişafına böyük təkandır: “Sozopol Cup” turniri 12 komandadan ibarət 2 qrup halında keçirilirdi. Ümumilikdə 6 günə 7 oyuna çıxdıq. Hər oyun 60 dəqiqə oldu. Hər hissə isə 30 dəqiqədən ibarət idi. Komandanın “Levski” ilə yarımfinal matçındakı əzmkarlığı məni həqiqətən valeh etdi. Bütün matçlarda uşaqlar çox yaxşı təsir bağışladılar. Futbolçulardan bir neçəsinin adını çəkə bilərəm. Sirac Quluzadə, Sənan Zeynallı, Ayxan Verdiyev, İsmayıl Rəsulov, Kamil Bədirxanlı , Emil Həsənzadə, Zəfər İbrahim. Əslində usaqların hamısı yaxşı oyun nümayiş etdirdi. Elə bunun sayəsində bütün rəqibləri üstələyib 1-ci olduq.
Belə turnirlərdə iştirak etmək futobolçulara çox fayda verir. Beynəlxalq arenada təcrübənin artması, daha da güclü rəqiblərlə rastlaşmaları onların yaxşı futbolçu kimi yetişməsi üçün çox vacibdir. Azərbaycanda U-13 liqasında hər komandada 9 futbolçu olur. “Sozopol Cup”da isə oyunlar 11-11-ə keçirilirdi. Bu, bir tərəfdən də bizim uşaqlara növbəti mövsümdə 11-11-ə oynamaları üçün bir təcrübə idi”.
Uzun müddət “Qarabağ”da çıxış edən veteran futbolçu qeyd edib ki, gəlacakdə də bu cür turnirlərə qatılmaq planlaşdırılır: "Hələlik növbəti turnirin harada və nə zaman keçirilməsı haqda məlumatsızam: Bu cür turnirlərdə bir mütəxəsis kimi, beynəlxalq oyunlarda uşaları necə qorumaq , onları necə oyuna hazırlamaq, oyuna necə motivasiya etmək bizi də həvəsləndirir. Yəni belə yarışların uşaqlarla yanaşı, biz məşqçilərə də faydalı olduğunu düşünürəm. Beynəlxaq yarışda yaxşı nəticə qazanmaq isə əlavə bir motivasiyadır. Belə nəticələr olduqda yaxın gələcəyə inamla baxırıq. Düzdür, uşaq futbolunda nəticə o qədər də önəmli deyil. Amma bununla belə, bu yaşda uşaqlarda qələbə ruhunun formalaşması da lazımdır. Onlar erkən yaşlarından futbolun sirrlərini öyrənməklə yanaşı, həm də əzmkarlığa, sona qədər mübarizə aparmağa və qələbələrin necə qazanılmasına alışmalıdırlar".
Qarşıdan 60 illik yubliyei gələn Elçin Xudadatov qeyd edib ki, komandası beynəlxalq turnirin qalibi olmaqla ona əsl doğum günü hədiyyəsi edib. İyulun 3-də 60 yaşını qeyd edəcək mütəxəssis komandasının çempion olmaqla onu çox sevindirdiyini bildirib.
Nur Zeynalova
Yazı Azərbaycan Respublikasının Medianın İnkişafı Agentliyinin maliyyə dəstəyi ilə çap olunub.
"Liverpul"dan "Bayer"ə
Rafael Fiziyevdən qələbə
“Bu, Nikoya olan münasibətimizə təsir etməyəcək"
"Barselona" İsveç millisinin üzvü ilə danışıqlara başladı
"Yamalın etdiklərini sözlə ifadə etmək çətindir"
Millimiz Moldova yığmasına yenə qalib gəldi
"Arsenal" ona əvəz tapdı
Alonso Vinisiusdan bunu tələb etdi
"Bavariya" "Barselona"nı ötmək istəyir
"Milan" Leau üçün qiymət qoydu
"Napoli" onu hədəflədi
"Lamin Yamal əfsanə olacaq"
Qalib qəzet və saytların adları açıqlanıb
"Sabah" yeni futbolçu aldı
"Karvan" legioneri ilə yolları ayırdı
Azərbaycan Avropa çempionatına 39 güləşçi ilə qatılır
Pedrodan "Qarabağ"a transferi ilə bağlı - İlk açıqlama
"Sabah"ın "Selye" ilə oyunlarının vaxtı açıqlandı
"Qalatasaray" İlkay Gündoğanla razılığa gəlib
UEFA "Qarabağ"a ödəniş etdi
Azərbaycan klubunun adı dəyişdi - Şəkil
"Mançester Siti"dən özbək futbolçu ilə bağlı rədd cavabı
“Çelsi” “Flamenqo”ya uduzdu - DÇ
Məsiyev Almaniya - İtaliya oyununa təyinat aldı
