11.12.25
Atıb abrı-həyanı mən yaxına gələrək,
qucdum ağcaqayını özgənin arvadı tək
Rusiyanın ölməz şairi Sergey Yeseninin bu misraları Şukşinin sözü olmasın, adamı spirt kimi yandırır. Yandırmır ey, lap cızdağını çıxarır. Yeseninin bu misralarının mənim yazacağıma bəlkə də o qədər də dəxli yoxdur, amma yazıram da.
Əcnəbi məşqçiləri gətirib Azərbaycan çempionatına doldurmağı, onlara sevgini başa düşə bilmirəm.
"Sumqayıt"ın baş məşqçisi Vaqif Cavadovu çıxartdılar, yerinə də yenə bir xarici məşqçi gətirmək istəyirlər. Adı deyəsən, Baqadı. Bu məşqçi əvvəllər də «Sumqayıt»a rəhbərlik edib, amma heç bir nailiyyət qazanmayıb, əksinə, Baqa «Sumqayıt»ı baqaja qoyub.
Deyək ki, Vaqif Cavadov istəyinə nail ola bilmədi, axı nə yatdı ki, nə yuxu görə. Ona bir az möhlət vermək lazımdı, vaxt vermək lazımdı komandanı özü formalaşdıra bilsin. Öz taktika və strategiyasını futbolçulara mənimsədə bilsin.
Qurban Qurbanov «Qarabağ»a gələn kimi güllük-gülüstanlıq yarada bilmədi axı, iki-üç il komandanı formalaşdırdı. İndi təkcə Azərbaycan çempionatında yox, Avropada da meydan sulayır.
Bir futbol mövsümündə «Səbail»in baş məşqçisini üç dəfə dəyişdilər. Şahin Diniyev kimi bir mütəxəssisə dedilər ki, gedə bilərsən. Nə oldu, «Səbail» yüksək liqadan düşdü və «Qəbələ», «Şamaxı» kimi yenidən özünü toparlayıb yüksək liqaya qayıdacağına da heç kimin ümidi yoxdur. Bu komandanın taleyi sual altındadır. Üç-dörd babat futbolçusunu da yəqin ki, başqa klublar oğurlayıb aparacaq.
Azər Bağırov «Kəpəz»i hansı vəziyyətdə götürdü və qarşıya qoyduğu məqsədə də nail oldu, komandanı yüksək liqada saxladı. Ön cərgədə olmasa da komanda gözəl, ağıllı oyunları ilə hamını həm təəccübləndirdi, həm də sevindirdi.
İndi deyirlər ki, Azər Bağırovu da yola salıb yerinə əcnəbi məşqçi gətirmək istəyirlər.
Yadınıza düşürsə, bir ara söhbət gəzirdi ki, hakimləri də xaricdən dəvət eləsinlər. Bu lap biabırçılıq idi, yaxşı ki, baş tutmadı.
İndi belə getsə qorxuram ki, AFFA-nın prezidentini də, baş katibini də xaricdən gətirələr.
Atıb abrı-həyanı mən yaxına gələrək,
Qucdum əcnəbi məşqçini gözümün işığı tək.
Və futbolumuzu kor qoydum!
Aqil Abbas
A seriyasında yeni qərar
"Mançester Siti"dən "Borussiya"ya keçə bilər
"Qalatasaray" futbolçusu ilə sağollaşır
İspaniya klubu azarkeşlərlə bağlı ciddi tədbir gördü
Premyer Liqada cari mövsümdə 36 penalti, 29 qol qeydə alınıb
"Arsenal" çempionluq yolunda itki ilə üzləşdi
"Fənərbaxça" "Milan"ın təklifini rədd etdi
“Qarabağ”da 2025-ci ildəki - 11 önəmli hadisə
FİFA prezidenti: ofsayd qaydalarında dəyişiklik ola bilər
"Real"ın futbolçusu İngiltərəyə qayıda bilər
Baklov "Turan Tovuz"un qapısını inamla qorudu
Kubok oyununda azı 3 qol vurdular
"Qarabağ"ın rəqibi məşqçisi ilə yollarını ayırdı
Klişi Mbappenin klubunun baş məşqçisi oldu
Mahir Emrelidən maraqlı paylaşım - Şəkil
Pedri hazırdır
Pyaniç karyerasını başa vurdu
Rusiya klubunun məşqçisi 32 yaşında vəfat etdi
Dünyanın ən bahalı qapıçıları - Siyahı
Əşrəf Hakimi 2 aydan sonra meydana qayıtdı
Xviça ən yaxşı seçildi və Kaladzenin rekordunu təkrarladı
Avropada driblinq üzrə lider
Qələbə qazanmadan pley-offa yüksəldi
Azərbaycanda 1-ci liqa klubu dağılmaq ərəfəsində
La Liqada ilin rəmzi komandası
Ramos Avropaya qayıtmağa yaxındır
Misir Salahsız heç-heçə etdi, pley-offa vəsiqə qazandı
"Roma" 3 qolla qalib gəldi
Filipe Luislə müqavilə uzadıldı
AFFA "Lənkəran"ın şikayətini qismən təmin etdi
