23.04.26
"Qəbələ"nin yüksək liqada qalması möcüzə nəticəsində baş verər. Yəni Kaxaber nə Allahın bacısı oğludu, nə də əstəğfürullah, İsa peyğəmbərin ki, bu möcüzəni yarada bilsin.
Və "Qəbələ"nin birinci liqaya düşməsi futbolumuz üçün faciədir. Faciə sözündən diksinməyin. Regionda futbolumuzu inkişaf etdirmək istəyirik, amma "Qəbələ" kimi bir klubun birinci liqaya düşməsi hansı inkişafdan söhbət gedə bilər. Azərbaycanda "Qəbələ" kimi infrastrukturu, maddi-texniki bazası olan ikinci bir klub yoxdur. Bu şəhərdə futbol üçün hər cür şərait yaradılıb. Stadionları qoyuram bir kənara, klubun akademiyası ölkədə nə qədər yerli futbolçu yetişdirib, özü də yerli futbolçulardan qıtlıq çəkdiyimiz bir vaxt. Ölkədə bir-iki komandanı çıxmaq şərtilə elə bir klub yoxdur ki, orda "Qəbələ"nin yetişdirdiyi futbolçu olmasın. Özü də aparıcı futbolçular. Yazmışam, yenə yazıram, məhz pullu komandalar daraşdılar "Qəbələ"nin futbolçularına və "Qəbələ"ni bostan uralayan kimi uraladılar. Nə isə, bunlardan keçin.
İndi qanunlara görə, axırıncı yeri tutan klub yüksək liqanı tərk etməlidi. Necə ki keçən il "Şamaxı" tərk elədi, amma "Şamaxı"nın birinci liqaya düşməsi faciə deyildi. Çünki bu komanda Şamaxıda yaradılmamışdı, Keşlədən köçürülmüşdü Şamaxıya.
Amma Qəbələdə sıfırdan başlayıb futbol yaratmışdılar. Və ortaya futbolumuzun şərəfini Avropada da qoruyan bir klub çıxarmışdılar. Yuxarıda dediyim kimi, Azərbaycanda ən güclü akademiya yaratmışdılar. Ölkənin müxtəlif şəhər və kəndlərindən uşaqlar, yeniyetmələr hətta bizim Ağdamdan da bir neçə nəfər gəlib bu akademiyada futbolun sirlərini öyrənirdi.
Nə isə, söhbəti uzatmayım, "Qəbələ" yüksək liqada saxlanıla bilərmi? Heç olmasa ona bir şans tanımaq mümkündürmü? Növbəti mövsümdə yüksək liqada 12 komanda olmalıdır. Yəni «Qəbələ» yüksək liqanı tərk edərsə, birinci liqada ilk üçlüyü tutan klublar gələcəklər yüksək liqamıza.
AFFA, ya PFL fikirləşməlidir və "Qəbələ"yə bir şans tanımalıdı. O şansı demirəm ki, bu klubu amnistiyaya salsınlar. Xeyr, yaxşı olar ki, birinci liqadakı ilk üçlükdən biri heç olmazsa "Qəbələ" ilə pley-off matçı keçirsin. Və əgər "Qəbələ" bu pley-off matçında qələbə qazanarsa, öz yerini qoruyub saxlasın. Yoxsa klub "Xəzər-Lənkəran"ın taleyini yaşayacaq. Və ölkənin ən çox turist cəlb eləyən şəhəri klubsuz qalacaq.
Tanrı "Qəbələ"yə kömək olsun! Kaxaber bu köməyi edə bilməz. Tanrı klubun prezidenti, 44 günlük müharibədə könüllü olaraq rahat ev-eşiyini, rahat işini buraxaraq gedib müharibədə vuruşan, torpaqlarımızı qoruyan və azad olunmasında zərrə qədər də olsa zəhməti olan Fariz Nəcəfova kömək olsun.
Əziz AFFA və PFL rəhbərliyi, Qəbələni "Qəbələ"siz qoymayın.
İnşallah, bu mövsümdə də yolu açıq olsun, Azərbaycan Kubokunu qazansın və "Qəbələ"ni məhv etmək istəyənlərin arzusunu ürəyində qoysun.
Aqil Abbas
"Sabah" TNS-ə qarşı
"Ev sahibidirlər, arxayınlaşa bilmərik" - Valdas Dambrauskas
Mundialın ən çox səyahət edən komandası bəlli oldu
Ronaldonun klubu futbolçuların maaşını ödəyə bilmir
"Neftçi" Xorvatiya klubuna uduzdu
"Şamaxı" portuqaliyalı futbolçu transfer etdi
"Bizə daha çox yeni oyunçu lazımdır"
“İnter”ə bu transferi həyata keçirməyə icazə verilmədi
Argentina FİFA-ya xüsusi müraciət ünvanladı
"Turan Tovuz"un rəqibi bilindi
“Qalatasaray”ın yeni transferi İstanbula yollandı - Video
"Sabah"la matç bu dəfə fərqli olacaq" - TNS-in baş məşqçisi
“Kəpəz"dən bu yayın ilk transferi
Fransa - İspaniya matçından əvvəl bir dəqiqəlik sükut olacaq
"Onları necə məğlub edəcəyimizi bilirik"
"Mançester Yunayted" "Çelsi"nin futbolçusunu transfer etdi
Messi DÇ-də 40 ilin rekordunu təkrarladı
“Qəbələ”də oynayırdı, Kipr klubuna keçdi
Dibala “Roma” ilə müqaviləni yenilədi
Slaven Biliç rəsmən Xorvatiya millisində
Murat Yakın: "Futbol uduzdu"
Belçika millisinin üzvü "Mançester Yunayted"də
PSJ yetirməsi ilə peşəkar müqavilə imzaladı
"Qəbələ" 5 yoxlama oyunu keçirəcək
Güləşdə uğur ənənəsi: yeni nəsil üçün motivasiya mənbəyi
"Benfika"nın sabiq futbolçusu faciəvi şəkildə vəfat etdi
Haaland: "İngiltərə millisinin uğur qazanmasını istəyirəm"
"Strasburq"un yeni baş məşqçisi açıqlandı
Azərbaycan millisi rekorda imza atdı
Dieqo Forlan Uruqvay millisinə baş məşqçi təyin olundu
Dünya Çempionatı 2026
Xəbərlər
Təqvim
Cədvəl