16.10.24
60-70-ci illərdə Ağdamın «Qarabağ» komandasında Əlövsət adında bir sağ kənar yarımmüdafiəçisi vardı, hücuma meylli idi. Çox cəld və qıvraq bir futbolçu idi. Bu futbolçu haqqında bir dəfə yazmışam, camaat onu «Qaraçı Əlövsət» çağırırdı.
Hər mövsüm öz qapımıza səkkiz-doqquz top vurardı. Onun haqqında yazanda zəng vuraraq güldü və dedi ki, Aqil müəllim, ta o qədər yox də, uzağı altı.
Elə ki bizim qapımıza ya cərimə zərbəsi, ya küncdən top qaldırırdılarsa qapıçı Saşa (Hüseyn Əhmədov, bir ara «Neftçi»nin əzəzedici heyətində də oynayıb) müdafiəçilərə göstəriş verəndə ki, sən rəqibin «9» nömrəsini tut, sən «7» nömrəsini, sən «11» nömrəsini və mütləq bir müdafiəçini də ayırırdı Qaraçı Əlövsəti tutmağa:
- İngilis, sən də Əlövsəti tut ki, topu öz qapımıza vurmasın.
Hətta bir dəfə Əlövsətin güclü zərbə ilə öz qapımıza vurduğu topu Saşa birtəhər çıxartdı, yenə top getdi Əlövsətin ayağına və Əlövsət bu dəfə doqquzluğu nişan aldı və qol.
Yerindən qalxan Saşa Əlövsəti söyə-söyə deyirdi:
- Ə, filan-filan olmuş, elə vur tuta bilim də.
İndi gərək mötəbər oyunlarda Qurban Qurbanov mütləq bir müdafiəçimizi ayırsın ki, Şahruddini tut.
Mən dəfələrlə Şahruddini müdafiə etmişəm, yenə də edirəm. Bir məşhur lətifə var, yazmıram, qısaca deyim bilənlər tutacaq, at başlayır səhvlər etməyə, sahibi deyir:
- At, bu bir. At, bu iki. At, bu da üç. - deyir və xəncəri saplayır atın ürəyinə.
Bu vaxt təzəcə aldığı xanımı deyir:
- Ay kişi, atı niyə öldürdün?
- Arvad, bu bir.
Bəli, Şahruddinin hesabına oyunu uduzduq. Şahruddini tənqid etmək olar və edirik də. Amma futbolu bilən də, bilməyən də sosial şəbəkədə «Qarabağ»ı dəfələrlə çempion etmiş bu qapıçı haqqında hamı ağzına gələni yazır, təhqirdən belə çəkinmirlər. Qarşıda cavab oyunu var, Şahruddini sındırmaqla nə qazanacaqsınız?
Vaqif Cavadov «Qarabağ»da oynayarkən oturmuşam şərəf tribunasında oyunçularla, məşqçilərlə bir yerdə. Oturanlar hamısı futbolçularda, xüsusilə Cavadovda tutduqları nöqsanlardan danışır, bağırırlar. Rəhmətlik Füzuli Cavadovla yanaşı oturmuşam, birdən qalxdı ayağa, dedi:
- Ə, burda hamı futbol professoru imiş ki.
Və əsəbindən stadionu tərk elədi.
İndi ölkədə hamı futbol professorudu. «Qarabağ»ı təkcə Avropada yox, bütün dünyada məşhurlaşdıran Qurban Qurbanova məsləhətlər verir:
- Filankəsi sağ kənarda oynat, filankəsi oyuna buraxma, filankəsi müdafiənin mərkəzinə qoy və Şahruddini də vur öldür.
Aqil Abbas
_22.01.19.jpg)
"Yunayted" də onunla maraqlanır
"Onlar mənə satqın deyirdilər"
"Tottenhem" ona görə apellyasiya şikayəti verdi
Yamal UNİCEF-in səfiri oldu
Kosovo millisinə texniki məğlubiyyət verildi
"Yaxşı işləyirsənsə, nəticəsi olacaq” - "Kəpəz"in legioneri
"Real" Diası satmaq fikrində deyil
Xavi "İnter Mayami"ni çalışdırmayacaq
Cüdoçularımız Avropa Kubokunda iştirak edəcəklər
Tayson - Pol döyüşü ən çox izlənilən idman hadisəsi oldu
"Real"ın futbolçusu əməliyyat olundu
"Şamaxı" məşqçisi ilə yolları ayırdı
Acun Ilıcalı haqqında araşdırma başladıldı
Patrik Vieyranın təyinatı açıqlandı
"Arif Əsədov Santuşdan qat-qat yaxşı işləyirdi”
Xavi Messinin baş məşqçisi ola bilər
"Qarabağ" - "Lion" oyununa 1 gündə nə qədər bilet satılıb?
"Türkiyə D liqası səviyyəsində futbol oynadı" - Video
Arda Güler üzr istədi
"Barselona" Salahdan imtina etdi
Rəqibləri Azərbaycan millisidir - Rusiya açıqladı
Milli Məclisdə millimizin uğursuzluğundan danışıldı
Misli Premyer Liqasında 14-cü turun hakimləri
Millimizə 4 qol vuran futbolçu nə dedi?
Rusiya millisi Uruqvayla qarşılaşacaq
Azərbaycan millisinin biabırçı statistikası
"Bavariya"da itki
"Kəpəz"in iki futbolçusu əməliyyat olunacaq
Maradonaya şərik çıxdı
Millimiz Moldovada qələbəni belə əldən verdi - Video
