23.04.26
İsveçin qapısına 3 dənə gözəl qol vurduq və qalib gəldik. İçi mən qarışıq sevincindən ağlayan kim, səhərə qədər «Yallı» gedən kim, bir sözlə, Millət, Vətən, Sakarya. De Byazi də kanallarımıza elə ağızdolusu müsahibələr verdi ki, elə bil Avropa çempionu olmuşduq.
Və yollandıq Belçikaya. İsveçə qalib gələndən sonra içimizdə bir ümid vardı ki, Belçikada da ən azı heç-heçə edə biləcəyik. Bir setka topla qayıtdıq. Futbol da müharibənin başqa bir variantıdı, sadəcə olaraq, on bir-on birə savaş gedir. Türklər demiş, cocuklar çarpışdı gücü çatan qədər. Hətta 10 nəfər qalsalar da təslim olmaq istəmirdilər.
Həmçinin oxuyun: Şan-şöhrət, var-dövlət sahibi oldular, amma azərbaycanlı ola bilmədilər…
Birinci Qarabağ savaşında da oğullar qeyrətlə, var-gücləriylə savaşırdılar, hətta başlarından yuxarı da hoppanırdılar. Ermənilərin ən strateji rayonu olan Ağdərəni də azad etmişdilər. 20 min şəhid verdik, 40-50 min qazimiz oldu, amma təəssüf ki, məğlub olduq. Bircə səbəbi vardı – Ali Baş Komandanımız əskik idi.
Bir məşhur lətifə var ey, şah deyir ki, mən gələndə toplardan 40 yaylım atəşi açarsınız. Şah gəlir, yaylım atəşi açan olmur. Şah vəzirdən soruşur:
- Niyə yaylım atəşi açılmadı?
Vəzir:
- Şah sağ olsun, bunun qırx səbəbi var.
- Nədi o səbəblər?
- Birincisi, barıt yox idi.
Şah:
- Day yerdə qalan otuz doqquzu saymaq lazım deyil.
İndi Birinci Qarabağ savaşımızda da nə qədər istəsəniz səbəb tapmaq olar. Amma əsas səbəb o idi ki, Ali Baş Komandan yox idi.
44 günlük müharibədə 3 min şəhid verdik və torpaqlarımızı erməni işğalçılarından tamamilə azad etdik. Bircə səbəbi vardı – Ali Baş Komandan yerində idi.
Futbolda da belədi. Futbolun da Ali Baş Komandanı baş məşqçidir. O yerində olmayandan sonra nə qədər çarpışırsan çarpış, bir setka topla qayıdarsan. Bu Eddi İsrafilov nə futbolçudur ki, gətirib milliləşdirilib. Və nə isə, elə birinci hissənin ortalarında qırmızı vərəqə gördü və meydandan qovuldu.
Əslində isə AFFA bir qırmızı vərəqə də De Byaziyə çıxarmalıdır. Görəsən, AFFA rəhbərliyinin De Byazinin yanında nə gözükölgəliyi var ki, ona qırmızı vərəqə çıxarmır?
Deyəsən, vaxtı çatıb, özü gedəcək. Gəldi, yedi-içdi, kef elədi, pul qazandı, bir qələt də edə bilmədi.
Əsas məsələ odur ki, De Byazi gedəcək, AFFA yeni bir Demə Byazi tapacaq.
Yadıma Qədir Rüstəmovun ustad Seyran Səxavətə dediyi bir söz düşdü.
Seyran Qədirdən soruşur ki, uşaqlara arvad tərəfin adlarını qoymusan? Qədir də qayıdır ki:
- Niyə, bizimkilər qırılıb qurtarıb ki?
Uduzmaq uduzmaqdı, qoy elə Rəşad Sadıqovla uduzaq da, ya Tərlan Əhmədovla. Nə isə, yəni öz oğullarımızla.
Aqil Abbas
“Barselona” “Kamp Nou”dan milyonlar qazanmağa hazırlaşır
"Ronaldo ilə danışmalıyam"
Yankoviçin millisi qələbə qazandı
Türkiyə - İtaliya matçının heyətləri açıqlandı
Yığmanın oyunlarını buraxacaq
Şamaxıda vurulan 5 qol - Video
"Liverpul"un yetirməsi "Mançester Yunayted"də
“Barselona”nın zədəli futbolçusundan xəbər var
“Fənərbaxça” transfer qadağasından xilas olur
“Azərbaycanla cavab matçını səbirsizliklə gözləyirəm”
“Yuventus” yeni qapıçı transfer etdi
İngiltərə - Çexiya matçı türkiyəli hakimə tapşırıldı
2-ci liqada 5-ci tura start verildi
Azərbaycan boksçuları Çində 10 medal qazandılar
Ançelotti Rafinyanı hücumun mərkəzində sınayacaq
“Atletik”in gəliri rekord həddə çatdı
Almaniya millisində ən pis start
Azərbaycanın U-17 millisi 0:16 hesabı ilə uduzdu
Azərbaycan cüdoçularıdan 5 medal
Alberto Cilardinonun yeni iş yeri bilindi
Türkiyə – İtaliya oyunu bu kanallarda
"Qəbələ"də daha iki yeni məşqçi - Rəsmi
Mahir Emreli: “Belə şeylər Avropada bəyənilmir, amma…”
Messinin cərimə zərbəsindən 76-cı qolu - Video
“Milan”dan ayrılacaqlar
Haalandın qolu, Norveçin məğlubiyyəti - Video
Kloppdan gözlənilməz məğlubiyyətə münasibət
Çimərlik güləşində tarixi uğur
İsrail - İrlandiya matçında diqqətçəkən etiraz
Ronaldo 18 il sonra ilk dəfə...
"Daha yaxşı "Qəbələ" görəcəyik" - Yeton Bekiri
Almaniya uduzdu, Niderland və Portuqaliyadan qələbə
"Bizim üçün göz oxşayan matç deyildi" - Edqaras Yankauskas
"Türkiyə ilə matçda sakit qalmalıyıq"
Klub azarkeşlərə görə cəzalandırıldı
Ronaldo Norveçlə matçda ehtiyatda
Litva - Azərbaycan matçından - Video
Kosovo uduzdu, Danimarkadan qələbə
Portuqaliya millisində itki
"Karyeramda belə məyusluq yaşamamışdım"
"Qəbələ" "Karvan-Yevlax"la qarşılaşdı
Oyundan imtina etdi, müdafiəçi ehtiyat qapıçı oldu
Azərbaycan millisi Litvadan xalla qayıdır
“İmişli” “Araz-Naxçıvan”a qalib gəldi
