11.12.25
Qarabağ atları dünyadakı başqa atlardan fərqlənir. Deyəcəksiniz ki, at atdı da, nə fərqi? Üç-dörd kəlmə ilə izah edim. Qarabağ atları ərəb atları kimi, ya ingilis atları kimi ucaboylu deyil, qıvraqdı. Qarabağa Orta Asiyadan gətirilib, həm Çingiz xanın dövründə, həm də Əmir Teymurun dövründə. Bu atlar xüsusi eyitilmiş atlardı. Əsl döyüş atlarıdı. Üstündəki igidlə bərabər düşmənlə çarpışmağı bacarır. Ön ayaqları ilə şahə qalxıb düşməni atdan salır, tapdaq-tapdaq edir, ağzı ilə parçalayır, ona çalınan qılıncdan sıyrılıb çıxa da bilir. Düzdür, ərəb atları qısa məsafədə bizimkiləri keçə bilir, amma uzaq məsafədə heç bir at bizimkilərə çata bilmir.
50-ci illərdə "Moskviç" təzə çıxanda Qarabağ atı onu keçə bilirdi, ona görə də hətta "Moskviç atlar" deyirdilər. Bir gözəlliyi də odur ki, yaxşı qaşovlayıb, gün işığına çıxaranda üstündə yüzlərlə abbası boyda qızıl pullar görünür, qızıl balıq kimi. Qarabağ atları barədə bu qədər bəsdi.
Dünən Qurban Qurbanovun köhlən atları "Ferentsvaroş" komandası ilə oyunda Çingiz xanın, Əmir Teymurun, Nadir şahın döyüş atları kimi çarpışdılar və rəqibi tapdaq-tapdaq elədilər. Ermənilərə işləyən bütün Rusiya mətbuatı, futbolçuları, məşqçiləri, mütəxəssisləri "Qarabağ"a yuxarıdan-aşağı baxırdılar, üstünlüyü Çerçesova verirdilər. Amma köhlən atlar necə tapdaq-tapdaq elədilərsə oyunun axırında altdan-yuxarı baxmağa məcbur oldular.
90 dəqiqə nallarından qığılcım qopurdu köhlən atların. Yorulmadılar, təngənəfəs olmadılar.
Qurban Qurbanov Hikmət Mirzəyev idi, oyunçuları da xüsusi təyinatlılar. Onlar da Azərbaycan bayrağını Avropanın paytaxtlarına sancırlar.
Mən oyundan bir həftə qabaq demişdim ki, "Ferentsvaroş"u tapdayıb keçəcəyik. Necə ki "Lex"i, "Sürix"i tapdalayıb keçdik. Allah qoysa "Viktoriya"nı da tapdayıb keçəcəyik və yenə Çempionlar Liqasının qrup mərhələsinə vəsiqə qazanacağıq.
"Qarabağ" təkcə 10 milyonluq bizləri yox, Yer üzündəki bütün türkləri sevindirdi. Bu həm də "Qarabağ"ın Konyada keçirilən İslam ölkələri Olimpiadasına bir ərməğanı oldu. Ordakı idmançılarımızı da ruhlandırdı. İnşallah, "Neftçi" də bu oyuna baxıb özünə inanar. Qısası, Qurbanın sağ əli "Neftçi"nin adı dilimə yatmayan baş məşqçisinin də başına.
Qurban hər oyunu şəhidlərimizə və qazilərimizə ithaf edir. Allah onu və komandasını şəhidlərin ruhu qarşısında və qazilərimizin yanında heç vaxt utandırmasın.
Qələbə üçün qurban demişdim, bu bazar Ağcabədidə, kəndimizdə Seyid Heydər ağanın pirində kəsdirib İmam ehsanı verəcəm. Hamının qurbanları qəbul olsun.
Tanrı Qurbanı və "Qarabağ"ın köhlən atlarını qorusun!
Aqil Abbas
Avropanın rəmzi komandasında kimlər var?
Ən yaxşılar bəlli oldu: "Bavariya", "Arsenal"...
"Benfika"dan "Barselona"ya keçidi çətinləşdi
Salah qol vurdu, Misir millisi liderliyə yüksəldi
Levandovski ərəb klubuna gedir?
Fransa millisinin sabiq məşqçisi vəfat etdi
“Beşiktaş” 2 futbolçusunu heyətdən kənarlaşdırdı
"Liverpul" İsakın əvəzləyicisini axtarır
Baş məşqçi klubu tərk etməyə hazırlaşır
Ülvi Babayev klubunu dəyişir
Pelleqrini sıradan çıxdı
Komandası məğlub oldu, özü də ağır cəza aldı
"Real"ın "Santyaqo Bernabeu" ilə bağlı hədəfi
"Roma" yeni stadionunun planını təqdim etdi - Şəkil
AFFA üç klub rəsmisini futboldan uzaqlaşdırdı
Dembele ilin idmançısı seçildi
Sxadadze 4 oyunluq cəzalandırıldı
AFFA bu klubları cərimələdi
Prezident bu idmançılara mənzil hədiyyə etdi
İlham Əliyev ilin idman tədbirində - Yenilənib
“Belə olmaz, yerli məşqçilərə güvənməliyik”
Qurban Qurbanov bu ayrılığa razılıq vermədi
Millimizin sabiq futbolçusu Türkiyədə həbs olundu
Baxşıyev "Araz Naxçıvan"ı təkzib edir - Klubda nə baş verir?
