11.12.25
Qəbələyə yolumu tez-tez salıram. Təkcə istirahət etmək üçün yox, əsasən futbola baxmaq üçün. «Qəbələ» «Qarabağ»dan sonra mənim ikinci komandamdı. Region klubu olduğuna görə. Əvvəl «Xəzər Lənkəran»ı da «Qəbələ» kimi sevirdim, təəssüf ki, «Xəzər Lənkəran» kimlərinsə davasının qurbanı oldu.
Əslində «Qəbələ» də yenə kimlərinsə hikkəsinə qurban gedə bilərdi, amma şükürlər ki, bunu bacarmadılar, yaşadı, indi də yaşayır.
Hər il ölkə çempionatında sözünü deyir, eləcə də əvvəllər Avroliqada da bizi sevindirirdi. İnşallah, bu il də sevindirər.
Qəbələdə futbolun inkişafı üçün hər cür şərait yaradılıb. Gözəl stadion, məşq üçün əlavə stadionlar, yüksək səviyyədə, hər cür şəraiti olan baza, futbol akademiyası. Bu akademiyanın məzunları demək olar ki, Azərbaycanın bütün klublarında oynayırlar.
Qəbələnin özü də bir kiçik İsveçrəyə oxşayır. Təkcə təbii mənzərələri ilə yox, abadlığı, səliqəsi, otelləri, istirahət məkanları. Yəni bir sözlə, vaxtilə adi bir qəsəbə olan Qəbələ indi Azərbaycanın ən gözəl bir şəhərinə, cənnətə çevrilib.
Bəs, belə bir şəhərdə futbola maraq niyə azdı? Birini mən deyim, «Qəbələ» komandasının oyunçuları Bakıda yaşayır, yalnız oyun günləri gedirlər Qəbələyə, ya da bir gün qabaq. Qəbələlilər, xüsusilə də uşaqlar, futbolsevərlər, həvəskarlar futbolçularla təmasda olmurlar, onları tanımırlar, onlarla bir çayxanada çay içmirlər, bir yeməkxanada yemək yemirlər. Şəhərdə gəzəndə uşaqlar arxalarınca düşə bilmir, yalvarıb çantalarını əllərindən alıb daşıya bilmir. Necə ki biz vaxtilə Ağdamda Allahverdi Bağırovun, Şəfəq Hümbətəliyevin, Qaraçı Əlövsətin, Elxangülün, Saşanın, Elbrusun çantasını daşımaq üstündə bir-birimizi qırırdıq, istəyirəm ki, Qəbələ uşaqları da öz komandalarının futbolçularının çantasını daşımaq üstündə bir-birini qırsınlar, şəkil çəkdirmək üstündə dalaşsınlar.
Məni həmişə düşündürüb, indi də düşündürür. Niyə «Qəbələ»nin legionerləri, əsas futbolçuları Bakıda yaşamalıdırlar, Qəbələni bəyənməməlidirlər? Əslində onlara Qəbələdə daha gözəl şərait yaradarlar, nəinki Bakıda.
Klubun prezidenti futbolçu ilə (istər legioner, istər yerli) müqavilə bağlayarkən bir şərt də onu sürməlidir ki, Qəbələdə yaşayacaqsınız, məşqləri də Qəbələdə edəcəksiniz. Onda camaat məşqlərə də gedib baxar. Bir canlanma yaranar, qaynayar Qəbələ.
Yoxsa «Qəbələ»nin bir günlük Qəbələyə oyuna getməsi elə «Keşlə»nin adını dəyişib «Şamaxı» qoyub Şamaxıya getməsi kimi bir şeydi.
Bu mövsüm bitdi. Dostum, komandanın prezidenti Farizdən xahiş edirəm ki, növbəti ildə bu barədə fikirləşsin.
Yoxsa nə gözəl stadion tikirsən tik, nə gözəl baza yaradırsan yarat, çempion ol, kubok al xeyiri yoxdu, Qəbələdə futbol olmayacaq.
Qəbələdə futbolun olması üçün komanda həmin şəhərdə yaşamalıdır. Futbolçular o şəhərin bazar-dükanına getməlidir, çayxanasında çay içməlidir, yuxarıda dediyim kimi, camaatla təmasda olmalıdır.
Bir də sözüm pullu klublaradı. Baxıram, Azərbaycan çempionatında bərk gedən komandalarda da, adi komandalarda da ən yaxşı oyunçular nə vaxtsa «Qəbələ»də oynayıblar. Pullu komandalar «Qəbələ»nin kasıblığından istifadə edib həmin oyunçuları oğurlayırlar. Özləri yetişdirə bilmir, ona görə də «Qəbələ»nin yetişdirdiyinə göz dikirlər.
Deyəcəksiz bazar iqtisadiyyatıdı. Bu hərəkətin bazar iqtisadiyyatına heç bir dəxli yoxdu. Bu bazar iqtisadiyyatı yox, bazardı.
Eşitdim ki, «Qarabağ» bu həftə Qəbələdə qalacaq. Çox sevindim. Deməli, bir həftə Qəbələdə futbol bayramı olacaq.
«Qəbələ»yə uğurlar arzulayıram. Komandanın prezidenti Fariz Nəcəfova və baş məşqçi Elmar Baxşıyevə də demək istəyirəm ki, düzgün yoldasız, möhkəm olun və futbolçularınızı da qoruyun.
Aqil Abbas
Messi Hindistandan milyon dollarlıq hədiyyə ilə qayıtdı
"Real"ın futbolçusu son anda heyətdən çıxarıldı
"İnter Mayami" Suaresin müqaviləsini uzatdı
"Borussiya"sının hücumçusu İspaniya klubunun hədəfində
“Sumqayıt” qış hazırlıq planını açıqladı
"Barselona"nın "Ayntraxt"dan təzminat tələbi var
Meydanda ən çox vaxt keçirən futbolçular kimlərdir?
Ronald Arauxo yaşıl meydanlara geri dönür
Gənc futbolçu vəfat etdi
DÇ-2026 qalibi nə qədər mükafat alacaq? - Rekord məbləğ
Türkiyə klubu baş məşqçisi ilə yollarını ayırdı
Rövşən Nəcəf FİFA-nın Plenar Sessiyasına qatıldı
1-ci liqada 11-ci tur başladı
Messi "Atletiko"nun kapitanını istəyir
“Sabah” – “Qarabağ” oyununun hakimləri açıqlandı
Levandovski MLS yolunda
İbrahimoviçin oğlu "Milan"ın Superkubok üçün heyətində
Kiyev "Dinamo"sunun yeni baş məşqçisi məlum oldu
Azərbaycan klubları ötən il nə qədər gəlir əldə ediblər?
"Klublar lisenziyalaşdırma ilə bağlı məsələyə məsuliyyətlə yanaşmalıdır" - Rövşən Nəcəf
AFFA rəsmisi FİFA-nın plenar iclasında
"Məni də çox tənqid edirdilər"
Ertem Şenerdən Rəşad Sadıqov haqda maraqlı açıqlama - Video
Mendi ilə müqavilə uzadıldı
FİFA referisi 1-ci liqa oyununa təyinat aldı
"Çelsi" Estevaonu itirdi
Dünya çempionatında iştirak üçün FİFA-ya şikayət etdilər
Ronaldo "The Best" səsverməsində iştirak etmədi
“Sabah” Çempionlar Liqası ilə vidalaşdı
FİFA DÇ-2026 üçün yeni bilet kateqoriyası təqdim etdi
Qadın futbolunda ilin ən yaxşı qol müəllifi bəlli oldu
"Mançester Siti"nin hücumçusu mövsümü başa vurdu
İlin rəmzi komandasında hansı futbolçular var?
Dünyada ilin ən yaxşı qadın futbolçusu o oldu
İlin ən yaxşı məşqçisi açıqlandı
Dünyada ilin ən yaxşı futbolçusu rəsmən elan edildi
İlin ən baxımlı qol müəllifi bəlli oldu
PSJ Mbappenin təzminatı barədə açıqlama verdi
"Mançester Yunayted" Fernandeşlə bağlı qərarını verdi
