11.12.25
Rejissor Arif Babayevin çox möhtəşəm sənət əsərlərindən biri də Anarın ssenarisi əsasında çəkdiyi «Gün keçdi» filmidir. Filmdə çox böyük mesajlar var. Nə filmi təhlil etmək fikrindəyəm, nə də həmin mesajları yazmaq. Çünki mövzum bu deyil.
Amma bir mesajı, daha doğrusu, filmdəki bir epizodu xatırlatmaq istəyirəm. Bir kor İçərişəhərdə əl ağacı ilə əllərini divara sürtə-sürtə öz evinə gedir. Divarların hərarəti, doğmalığı, barmaqlarının onu duyması necə gözəl təsvir olunub? Özü də bu film çəkilən ərəfədə İçərişəhərdə söküntü işləri gedirdi. Təbii ki, indi heç bir kor İçərişəhərdə öz evini tapa bilməz, heç gözlü adam da tapa bilməz. O qədər obyektlər, çayxanalar, restoranlar tikiblər ki, İçərişəhərin o doğmalığı, o hərarəti itib. Hələ yaxşı ki, gec də olsa qoruq elan elədilər, bunun qarşısını aldılar.
Niyə bu səhnə mənə doğmadı? Çünki mən də Ağdam işğaldan azad olunandan sonra ilk dəfə şəhərimizə gedəndə öz evimizə getmək istədim. Bir istinad nöqtəsi də yoxdur ki, onu tapasan, sonra küçəmizi, məhləmizi tapasan. Hələ işğal altında olanda övladlarım deyirdi ki, ata, Ağdamdakı evinizi tapa biləcəksən? Deyirdim, bəli, iyləyib tapacam.
İçərişəhərdə evini tapan kor məndən bəxtəvər idi. Heç olmazsa divarlar vardı, əlini sürtüb tapırdı. Ağdamda divarlar da yoxuydu. Amma birbaşa getdim evimizə, həyətimizə, hamı çaşdı qaldı.
Darmadağın olmuş şəhər mənə o qədər doğma idi ki, lap gözlərimi bağlasaydılar da gedib evimizi tapacaqdım. Çünki dağılmış yurd yerləri də, keçdiyim küçələr də mənim üçün o qədər əziz idi ki.
İndi gələk mətləbə. Mətbuatda oxuyuram, hamı yazır ki, «Qarabağ» Çempionlar Liqasına düşərsə, lap Avropa Liqasında oynasa da ev oyunlarını Bakı Olimpiya Stadionunda keçirsin. Səbəb də göstərirlər ki, BOS-un azarkeş tutumu Tofiq Bəhramovdan iki dəfədən çoxdur.
Filmdəki kor kimi və elə mənim Ağdamda evimi tapdığım kimi «Qarabağ» komandasının futbolçuları da Tofiq Bəhramov stadionunda gözlərini bağlasalar da otun ətrindən, torpağın ətrindən tuta bilərlər topun hardan gəldiyini, hara getdiyini, rəqiblərin nə etmək istədiklərini. Bu stadionu əzbər bilirlər, İçərişəhər o kora, Ağdam mənə doğma olan kimi Tofiq Bəhramov stadionu da «Qarabağ» üçün o qədər doğmadır.
Bakı Olimpiya Stadionu futbol stadionu kimi nəzərdə tutulmayıb. Ya BOS-da futbola baxdın, ya da evdə televizorda – fərq etməz. Bundan başqa, futbolçuların güc aldıqları bir şey varsa o da təkcə azarkeşlərin hayqırtısı yox, həm də nəfəsidir. BOS-da o nəfəs hiss olunmur.
Hörmətli Qurban Qurbanov, inşallah, Çempionlar Liqasına düşəcəksiniz, amma BOS-da oynamağa qətiyyən razı olmayın.
Aqil Abbas
DÇ tarixində ən gənc çempionlar kimlər olub?
"Qalatasaray" 2 futbolçusu ilə sağollaşdı
"Liverpul"un ən məhsuldar oyunçusu sıradan çıxdı
"Əl-Əhli" heyətini braziliyalı futbolçu ilə gücləndirdi
"Real"dan darmadağınlı qələbə
"Karlos güclü oyunçudur, onunla sağollaşmağı düşünmürük"
İngiltərədə 14 matç təxirə salındı
"Levante" uzun illərin məğlubiyyət seriyasına son qoydu
Superliqa klubu baş məşqçisi ilə yollarını ayırdı
Mahir Emreli qayıtdı, klubundan təbrik aldı - Şəkillər
Karvahal yaşıl meydanlara geri döndü
A seriyasında gərgin anlar: 3 qırmızı vərəqə, 2 qol
Messi "Liverpul"a keçir?
"Qalatasaray"ın Uqarte xəyalları suya düşdü
“Sumqayıt” futbolçusu ilə yollarını ayırdı - Rəsmi
1-ci liqada ötən ayın ən baxımlı 5 qolu - Video
"Çelsi" azarkeşləri etiraz aksiyasına hazırlaşır
252 gün sonra gələn qələbə
"Barselona"dan Avropa rekordu
"Fənərbaxça" iki tanınmış futbolçu üçün danışıq aparır
Mareska niyə 14 milyon funtluq kompensasiyadan imtina edib?
5-ci dəfə Superkuboku qazandılar
"Araz-Naxçıvan"ın yeni baş məşqçisi açıqlandı - Rəsmi
"Borussiya" Kurasao millisinin üzvünü satdı
"Barselona"nın derbi qələbəsi - Video
“Qarabağ”ın rəqibi daha bir hücumçu aldı
"Yuventus" öz meydanında xal itirdi - Video
"Qəbələ"nin rəqibləri bəlli oldu
"Fənərbaxça" Musabanı transfer etdi - Rəsmi
Haalanddan geri qalmır, rekordları alt-üst edir
“Qarabağ”ın rəqibləri müəyyənləşdi
9 ildən sonra klubdan gedir
İngiltərə klubu misirli futbolçu üçün hərəkətə keçdi
"Bavariya" yeni hücumçu transfer etdi
"Çelsi"nin baş məşqçi namizədi açıqlama verdi
Premyer Liqada ən çox qol epizodu ona məxsusdur
Mehmet Aurelio baş məşqçi təyin edildi
