11.12.25
Bu ifadə mənim deyil. Dünən sosial şəbəkələr partlayırdı, hamı "Qarabağ"dan yazırdı. Hər kəs öz sevgisini özünəməxsus tərzdə ifadə edirdi.
"Benfika"»nı da gətirin qoyaq Qənimətlər Parkına». Bir nəfər də belə yazmışdı. Çox gözəl idi. Xeyli güldüm. Hikmət Mirzəyevin Xüsusi təyinatlıları necə Qarabağda erməniləri tapdalayıb keçdisə, Qurban Qurbanovun da "xüsusi təyinatlıları", ayğır atları Lissabonda "Benfika"nı elə tapdalayıb keçdi.
Özü də təkcə "Benfika"nı yox, stadiondakı 40-50 min azarkeşi də tapdayıb keçdi.
Azarkeş demişkən, biz Avropa komandalarından təkcə futbol oynamağı öyrənməli deyilik, həm də azarkeşliyi öyrənməliyik. Bütün matç boyu stadion xorla oxuyurdu, öz komandalarına dəstək verirdi. Və bütün stadion "Benfika"nın formasını geyinmişdi.
Görəsən, «Qarabağ»ın, «Neftçi»nin, «Sabah»ın, "Zirə"nin, "Turan"ın nə qədər yox ey, neçə azarkeşi futbola gələrkən öz sevimli komandalarının maykasını geyinir – 50, 100?
Xalqımız oxumağı sevən xalqdı, amma bir dəfə də stadionda xorla oxuyan görmədik.
Oyunu Qurban Qurbanovun təmkini və soyuqqanlığı apardı. Məmməd Arazın bir şeiri var:
Çox çaparaq atlını
Təmkin atımla keçdim.
İndi Qurban Qurbanov da çox çaparaq komandaları özünün təmkin atıyla keçir. Futbolçularımız sonadək dör-dör döyüşdülər. Və sübut elədilər ki, məsələ pulda deyil, "Qarabağ"ın 24 milyondu büdcəsi, "Benfika"nın 300-400 milyon, məsələ ürəkdədi, qandadı, ruhdadı. Qurban Qurbanov futbolçularına bunu aşılaya bilib.
Mən həmişə "Qarabağ"ın oyununa xanımımla birgə baxıram. Qapımıza ilk top vurulandan sonra çönüb mənə baxdı və dedi:
- Narahat olma. Qurbanın at işləməz yolları var. Fasilədə futbolçulara elə bir motivasiya verəcək ki, "Qarabağ" bu oyunda qalib gələcək.
Xanımımı da özüm kimi "Qarabağ"ın xəstəsi etmişəm. Onun dediyi kimi də oldu.
Bu bir futbol matçı deyildi, bu bir tamaşaydı, bu bir filmiydi, "Koroğlu" operasıydı. Amma bu operanın müəllifi Üzeyir Hacıbəyov deyildi, dirijoru da
Niyazi deyildi, bu operanın müəllifi də, Maestrosu da Qurban Qurbanovuydu.
Təkcə Qurban xocanı və futbolçuları deyil, bütün futbolsevərləri təbrik edirəm. "Qarabağ" bizə bayram yaşatdı.
Çox qəribədi, həmin gün Cənab Prezident, Ali Baş Komandan Birləşmiş Ərəb Əmirliyinin prezidenti ilə Cıdır düzündə Qarabağ atlarının şousuna tamaşa edirdilər. Çaparlar öz ustalıqlarını nümayiş etdirirdilər.
Axşam da Qurban Qurbanovun atları Lissabonda həmin şounu təkrar elədilər.
Yəqin Santuş oyuna baxıb xəcalət çəkirdi, əgər onda xəcalət hissi varsa.
Yeri gəlmişkən bir təbrik də oyunu şərh edən Tural Dadaşova düşür. 40-50 min “Benfika” azarkeşinin səsini öz səsilə batırırdı.
Aqil Abbas
“Liverpul”da qalmaqal
"Ayntraxt"ın yeni baş məşqçisi məlum oldu
"Barselona"da yeni müqavilə - Rəsmi
Ruben Diaşın evi qarət olundu
"Qarabağ"ın "Nyukasl"la oyunlarının vaxtı açıqlandı
Massumonun het-triki, Almeydanın dublu - Video
Peşəkar Futbol Liqasından yeni layihə
"Qəbələ"nin məşqçisi: "Təhlükəli zonadan çıxmalıyıq"
Jorj Kaşkilya: "Buradan xalla ayrılmalı idik"
Qurban Qurbanovdan bugünkü püşkə münasibət
“Öz oyunumuzdan, yolumuzdan dönməyəcəyik” - Tahir Gözel
"Mən azərbaycanlıyam!” deyib rəqibinə meydan oxudu - Video
Millimizin təlim-məşq toplanışı başladı
"Qəbələ" "İmişli"yə, "Sumqayıt" "Karvan-Yevlax"a qalib gəldi
"Şamaxı"da ayrılıq
Qurban Qurbanov Nyukaslda: 21 il əvvəl - Video
"Qalib gəlsək də, oyundan tam razı deyiləm" - Saşa İliç
"Sumqayıt" "Karvan-Yevlax"a belə qalib gəldi - Video
Avropa Liqasında pley-off cütləri müəyyənləşdi
Qəbələdə heyətlər açıqlandı
Çempionlar Liqasında pley-off mərhələsinin püşkü atıldı
"Qarabağ"ın rəqibi müəyyənləşdi - Yenilənib
UEFA Kütləvi Futbol Mentoru ilə AFFA-da görüş
"Karvan-Yevlax" - "Sumqayıt": Heyətlər
Azərbaycanda oynamış futbolçu İranda həbs edildi
Bundesliqa klubu Fransadan futbolçu aldı
"Fənərbaxça"dan "Dinamo"ya keçdi
Verner MLS klubuna keçdi
Avropa Liqasının Liqa mərhələsinin bombardirləri
"Fənərbaxça"nın heç-heçəsi - Video
