23.04.26
Bu şəkil 1968-ci ildə İmarətdə çəkilib. Ağdamın «Qarabağ» komandasıdı. Bəzi yoldaşlar iddia edirlər ki, Ağdam klubu 1987-ci ildə «Qarabağ» adı ilə təsis olunub və "Qarabağ» adını alıb. Amma şəkildə görürsünüz, hamının sinəsinə «Q» hərfi yazılıb, yəni «Qarabağ» sözünün baş hərfi.
Bu şəkil çəkiləndə mən 8-ci sinifdə oxuyurdum. «Qarabağ»ın məşhur hücumçusu Şəfəq Hümbətəliyevlə həm qonşu idik, həm də qohum. Futbola gedərkən onun idman çantasını daşımağı şərəf bilərdik və bu idman çantasının üstündə də dava-qırğın salardıq. Bu şəkli mənə kim bağışlayıb, dəqiq yadımda deyil, amma güman ki Ağdamın Lobanovskisi olan Adil Nadirovdan gəlmiş olar.
Şəklin çəkildiyindən 49 il keçir. Təbii ki, çoxlarını tanıya bilmədim, amma tanıdıqlarımı qeyd edirəm. Yuxarıdan soldan: Ramiz müəllim, sonra məşqçi oldu və rəhmətə gedənə qədər də komandanın, belə demək olarsa, meneceri idi. Üçüncü: Saşadı (Hüseyn Əhmədov), qapıçıydı. Bir ara «Neftçi»nin də şərəfini qorudu. Yadımdan çıxıb. Moskvanın hansısa klubunda da oynadı, sonra futbolu atdı. Beşinci: Elxan Güldü (Elxan Quliyev), ən çox qol vuran hücumçumuz idi, qolları da Pelesayaq vurardı. Ona görə deyirdilər: gül kimi vurur qolu. Adının ardına bir gül sözü əlavə eləmişdilər – Elxan Gül. Altıncı: Azərbaycanın Milli Qəhrəmanı Allahverdi Bağırovdu.
Aşağıdan soldan ikinci: Natiqdi, qapıçıydı. Sonradan rəssam oldu və çox cavan rəhmətə getdi. Üçüncü: Rəfael Kərimovdu, vurub-tutan oğlanıydı, o da rəhmətə gedib. Beşinci: Şəfəq Hümbətəliyevdi, o da bir ara «Neftçi»yə dəvət olundu, amma «Neftçi»də oyunu alınmadı. Çünki «Neftçi»də həmin vaxt əjdahalar oynayırdı, yenidən qayıtdı «Qarabağ»a. Altıncı: Əlövsətdi, ləqəbi qaraçı. Sağ kənar yarımmüdafiəçisiydi, hər mövsümdə də öz qapımıza beş-altı top vurardı. Saşa da az qalırdı salsın şapalağın altına ki, ə, qaraçı oğlu, qaraçı, bunu elə vur tuta bilim də. Amma həqiqətən «Qarabağ»ın vurduğu qolların az qala 30-40 faizində onun əməyi vardı, yəni komandanın Özili idi. Təəssüf ki, qalanların adlarını yada sala bilmədim, məni bağışlasınlar.
Qoy qalanların adlarını da «Qol.az»ın baş redaktoru Aydın Bağırov axtarıb tapsın.
Aqil ABBAS
İspaniya Belçikaya qarşı
Kuansaya 2 oyunluq cəza, yarımfinalı buraxacaq
"Qarabağ"ın bizə 10 qol vuracağını gözləyirdilər"
"Barselona"nın yetirməsi "Kristal Pelas"da
"Qarabağ"dan böyükhesablı qələbə
Karim Rossi “Qəbələ”də
"Şamaxı"dan yeni transfer
"İnter"in hədəfinə düşdü
Əlcəzair millisində gərginlik davam edir
"Kəpəz" onu da göndərdi
“Sumqayıt”a yeni baş məşqçi təyin edildi
Almanlar Kloppa nə qədər maaş təklif edib?
Mərakeş qalib olsa, yarımfinala itkilərlə gedə bilər
İsveçrədən Argentina matçına görə xüsusi məşq
"Arsenal"dan yeni transfer
Rafael Markes millinin baş məşqçisi oldu - Rəsmi
Norveç millisi narazı qaldı - Oteli dəyişdirdi
“Turan Tovuz”dan ayrılan futbolçu Rusiya klubunda
Kloppla neçə illik müqavilə imzalanacaq?
"Şəfa" niderlandlı oyunçu transfer etdi
Azərbaycanlı futbolçu "Herta" ilə müqavilə imzaladı
Aydın Bayramov: "Heç nə həll olunmayıb" - Video
Misir millisində baş məşqçi ilə bağlı qərar
Fransa ilə oyunu buraxacaq
Portuqaliya millisinin yeni baş məşqçisi bilindi
"Rəşad Sadıqov uzaqgörən insandır" - Mircavadov
Yeni transfer "Qarabağ"ın düşərgəsinə nə vaxt qoşulacaq?
Xorvatiya millisinin yeni baş məşqçisi müəyyənləşdi
"Qarabağ"ın "Vestri" üçün heyəti - 3 legioner yoxdur
Ehtiram Quliyev özünə yeni müavin təyin etdi
"Müdafiəçi üçün dubl gözlənilən deyil" - Ruan Renato
Dünya Çempionatı 2026
Xəbərlər
Təqvim
Cədvəl