Qol.Az
Canlı nəticələr
WAP
RSS Qol.Az Facebook-da

Ana səhifə
Bütün Xəbərlər
Müsahibə
Video
DÇ-2018
 
Tarixin şəkli
Turnir cədvəli
Premyer Liqa
Yazarlar
Layihə
Haqqımızda
Reklam
Əlaqə
BATE - "Qarabağ": start heyətlər

Yazarlar
 Rəşad haqda...
Aydın BAĞIROV
 FİFA və UEFA-ya belə üzv olduq...
Şakir YAQUBOV
 Futbol, bazar, qovhaqov...
Səbuhi MƏMMƏDLİ
 Yoxa çıxan uşaqlar
İlqar Tağıyev
 Onlara futbol yox, yeni "qurban"lar lazımdır...
Tahir SÜLEYMANOV
Fotoreportaj
Bütün 
Mükafatlandırma mərasimindən şəkillər - DÇ-2018
Top 5
Klublarımızın yay transferləri - Yenilənir
"Qarabağ" ÇL-də mübarizəni dayandırdı
"Fənərbaxça", "Seltik" və "Spartak" ÇL-dən kənarda qaldı
"Başqa çıxış yolumuz yoxdur" - Qurban Qurbanov
"Qoy, Qleb "Qarabağ" haqda bir də belə danışmasın"
Linklər
525ci Qəzet

Budu bizim “Qarabağ”a sevgimiz?
A A A

[04.12.2014]
Budu bizim “Qarabağ”a sevgimiz?

Millət vəkili Aqil Abbas jurnalist Nicat Dağların “Qarabağ”ın avrokubok oyunlarına bilet almadan gələn azarkeşlərlə bağlı yazısına cavab verib. “Ədalət” qəzetinin saytında – adalet.az-da işıq üzü görən bu yazını Qol.Az-ın oxucularına təqdim edirik.

 

Dostum, «Aznews»da sənin futbolla bağlı ürək yanğısı ilə yazdığın bir köşəni oxudum. Çox istərdim ki, sənin həmin yazını bütün saytlar, qəzetlər çap edəydi. Yəni daha geniş auditoriyaya çıxaydı bu yazın, çünki başqalarına adi görünsə də, əslində çox ciddi məsələdi. Mənim və mənim kimilərinin ürəyindən keçən bir problemə toxunmusan.

Mən də həm mətbuatda, həm də televiziya kanallarında bu məsələyə öz münasibətimi dəfələrlə bildirmişəm. Sənin yazını oxuyandan sonra yenidən bu mövzuya qayıtmaq istədim.

Bəli, futbolçulardan çox şey tələb edirik. Az qalırıq deyək ki, gedin, Almaniyanı Münhendə, Braziliyanı da Rio de Janeyroda udun. Bildik, bilmədik, məşqçiləri yuyub-səririk, futbolçuları yuyub-səririk, söyürük, məşqçilərə məsləhət veririk, bunu belə eləməlisən, onu belə eləməlisən.

Adı yadımdan çıxıb, bir rus siyasətçisi bir dəfə maraqlı bir söz dedi. Dedi ki, üç şeyi hamı bilir: futbolu, kinonu, bir də polis işini. Yəni hamı deyir oyunu belə qurardım, topu belə atardım, mən məşqçi olsaydım dünyanı dağıdardım və sair, yaxud mən bu kinonu belə çəkərdim, orda belə eləyərdim, filan eləyərdim, mən bu cinayəti belə açardım, cinayətkarı elə tutardım, əməliyyatı belə qurardım və sair və ilaxır. Və əlavə etdi ki, indi siyasət də olub dördüncü.

Bir dəfə Vaqif Cavadov «Qarabağ»da oynayanda oturmuşduq Şərəf tribunasında. Füzuli Cavadov da bizimlə bir yerdə oturmuşdu. Oturanların da 90 faizi futbol mütəxəssisi deyildi. Və hamı nöqsan tuturdu, xüsusilə də Vaqif Cavadova. Gərək topu filan yerə ataydı, filan cür qaçaydı, topu belə saxlayaydı. Axırda Füzuli Cavadov hövsələdən çıxıb dedi: «Balam, burda hamı futbol alimidi ki?» Yəni biz hamımız futbol alimiyik.

İndi gələk mətləbə. Bəli, futbolçulardan çox şey tələb edirik, amma futbolumuzu nə qədər sevirik? Söhbət bilet alıb-almamaqdan getmir, 1 manatdan getmir, söhbət sevgidən gedir.
Bir dəfə «Qarabağ»la «Kəpəz» Azərbaycan Kubokunun finalını oynayırdılar. Mən də bahalı bir qılınc apardım özümlə. Elan etdilər ki, oyunun ən yaxşı futbolçusuna Aqil Abbas qılınc hədiyyə edəcək. «Qarabağ» həmin finalda «Kəpəz»ə uduzdu və münsiflər də ən yaxşı oyunçu kimi «Kəpəz»in futbolçusu Ramiz Məmmədovu seçdi. Mən də meydançaya enib azarkeşlərin alqışı altında qılıncı Ramiz Məmmədova təqdim elədim. Ramiz Məmmədov indi tanınmış məşqçidi, uzun illər də «Qəbələ»nin baş məşqçisi olub. Vaxtilə «Qarabağ»da da oynayıb. Geri qayıdarkən özündənrazı bir ağdamlı kinayə ilə mənə dedi ki, müəllim, gərək o qılıncdan iki dənə gətirib verəydin «Kəpəz»in oyunçularına. Yəni niyə ağdamlılara yox, gəncəlilərə verdim qılıncı, buna əsəbləşmişdi kişinin oğlu. Boğurdum onu. Bilirsən niyə? İlk dəfəydi ki, futbola baxmağa gəlirdi, «Qarabağ»ın oyununa gəlirdi. Mən az qala «Qarabağ»ın bütün azarkeşlərini sifətdən tanıyıram, o fanatları deyirəm. Yəni bu adamı ilk dəfəydi stadionda görürdüm. Boğurdum ki, ömründə bir dəfə «Qarabağ»ın oyununa gəlirsən və başından da yekə danışırsan.
İndi bir manat cəhənnəm, çempionatın oyunlarına baxıram, stadionlar bomboş, 400-500, bir-iki oyun var ki, bu da olsun min nəfər adam olur. Budu bizim futbola sevgimiz, futbolçulara sevgimiz?! Və böyük oyunlara gələnlər də, sən demiş, bilet almağa can çəkirlər.

Gürcüstanda bir şəhər var- Lançxuti. Onun bir komandası da var «Quriya». Bir dəfə hətta SSRİ birinciliyində yüksək liqaya da çıxdı. Şəhərin on min əhalisi olmaz, amma 30 minlik stadionu var. Oyun vaxtı stadion dolur, bilirsiniz? Çünki ətraf rayonlardan da yığışıb gəlirlər futbola baxmağa. Və futbolçu arxasında böyük bir dəstək görür, sevgi görür və ürəyini qoyur. Azarkeşlərə havayıdan 12-ci futbolçu demirlər ki? Biz isə Bakının ortasındakı stadionlara getməyə ərinirik. Məndən olsa, Azərbaycanın yüksək liqasının oyunlarının televiziyada yayımlanmasına icazə verməzdim. Qoy ikinci liqanı yayımlasınlar. Evdə isti otaqda oturub çay içə-içə məşqçiyə, futbolçuya söyməkdən asan nə var ki? Get dəstək ol da. Futbolçular da arxalarında sizi görsünlər, sizin nəfəsinizi, sevginizi hiss etsinlər, ürəklə oynasınlar.

Futbol da bir tamaşadı. Fikirləşin, rejissor, aktyorlar gözəl bir tamaşa səhnəyə qoyublar, zalda 20 tamaşaçı var. O aktyor nə oyun nümayiş etdirə bilər? Eləcə də futbolçu.


Məni yandıran başqa məsələ var, onu da yazım, ay Nicat. Azərbaycan klubları və ya millisi Avropada oyunlara gedir. O gün «Qarabağ» oynayanda iki avtobus azarkeş var idi Fransa stadionunda. Statiskanı qaldırıb baxsaq həmin şəhərdə və həmin şəhərlərdə bəlkə də minlərlə, on minlərlə azərbaycanlı yaşayır. Novruz bayramında dolma bişirməkləri ilə fəxr eləyən həmin o soydaşlarımız öz komandalarına dəstək vermək üçün stadiona gəlməyə can çəkirlər, biz burda can çəkdiyimiz kimi.

Amma indi fikir verin, Türkiyənin komandaları Avropaya gedir, stadion türk bayraqlarından yanır.
Bir dəfə gərək ki, «Qalatasaray» Almaniyada «Bavariya» ilə oynayırdı və qalib gəldi. Oyundan sonra «Bavariya»nın məşqçisi bilirsən nə dedi? Dedi, qardaş, mən neyləyim, mən rəqib meydançasında oynayırdım. Türk azarkeşlərinin sayı alman azarkeşlərinin sayından çox idi və bütün stadion «Türkiyə» bağırırdı. Təbii ki, az kvota ayrılır rəqib komandanın azarkeşlərinə, amma türklər almanlardan dörd qat baha qiymətə bilet alıb stadionu doldururlar. Xaricdəki diasporlarımız təşkil eləməlidirlər ki, Azərbaycan millisi və ya Azərbaycan komandaları oynayanda ordakı azərbaycanlıları stadiona gətirə bilsinlər. Lazım olsa, lap zorla. Sən yazmış, yalançı «can-can» deyincə, canın çıxsın, beş-on manatından keç, gəl komandana dəstək ol.

Nicat, qəribədi, «Qarabağ» oynayanda mənim bu komanda ilə yaxınlığımı bildiklərindən qohumlar, dostlar zəng edib məndən dəvətnamə, ya da bilet istəyirlər. Mən də onları sındırmıram, adam göndərirəm gedib kassadan bilet alır, 14-15-ci bölmələrə, sonra da paylayıram həmin dostlara və qohumlara.
Sənə bir sirr də açım? «Qarabağ»in iki fanklubu var, amma bir-birləriylə araları yoxdu. Belə-belə işlər, dostum.

Nə qədər ki, biz futbolumuza belə laqeydik, elə futbolumuz da bizə laqeyd olacaq. İstəyirsən Peleni gətirib məşqçi qoyaq, xeyri yoxdu.
İmkanım olsa sənə ikinci bir məktub da yazacam futbolla bağlı, problemlərlə bağlı və sair və ilaxır.

Aqil ABBAS



11725 dəfə baxılıb   
   Facebook Twitter MySpace Google
 
 

 
MÜƏLLİFİN DİGƏR YAZILARI                        
 
04.12.2017  16:28 Milyonları yeyənlərə 10 il, oyun "satanlara" ömürlük "həbs"
01.11.2017  16:18 Madriddə aprel döyüşləri
22.09.2017  16:06 Hərdən AFFA və PFL-ə yazığım gəlir
08.09.2017  14:24 İmkan verməyin, “Futbol saatı” bağlansın...
16.08.2017  16:46 Lobanovski və bizim Qurban
10.08.2017  18:34 AFFA, bəlkə Tahir Süleymanovu bu dəfə eşidəsiniz?
02.08.2017  12:55 Qurban, sizə və uşaqlarına qurban!
26.07.2017  15:49 Futbolun namərdliyi, Kamil də öldü...
19.04.2017  15:41 Olmayan Ağdam və olan Tovuz…
17.04.2017  13:17 Naxçıvanda! Mayın 5-də! Möhtəşəm futbol!
27.03.2017  12:50 “Kolxozçu”yla oynamırdıq ey, almanlarla oynayırdıq!
22.02.2017  14:47 Bizimkilər qırılıb qurtarıb ki?!
26.01.2017  15:04 Ey gözəl İmarət, ey gözəl “Qarabağ”
25.11.2016  15:52 Stadionun yolunu tanımayan futbol azarkeşləri
02.09.2016  16:00 Aydın, Səttarın ayaqyalın oynadığını heç gördünmü?
03.08.2016  15:35 Darıxmayın, Qarabağ atları hələ çox finişi fəth edəcək!
18.07.2016  16:36 Off bə! Ürəyimi boşaltdım!
28.04.2016  16:04 Futbolun utanc gecəsi
12.04.2016  16:08 "Böyük oyun" məni niyə kövrəltdi?!
09.10.2014  12:10 Ağılsız futbolçu və ya meymunun yanğın söndürməyi
18.08.2012  13:56 "Qarabağ"ı Ağdama qaytara bilməyənlər, Ağdamı qaytara biləcəklərmi?!
28.09.2011  13:00 Pəyədəki eşşəyin səsinə inananlar
 
 
  15.08.18
09:42
  Azərbaycanın mövqeyi dəyişdi - UEFA reytinqi
02:00
  Avropanın ən güclüsü müəyyənləşir - Yenilənir
01:46
  Dünya çempionu “Roma”da
01:29
  ÇL-in pley-offunda qarşılaşacaq cütlüklər
01:10
  “Fənərbaxça” “Qalatasaray”a milyonlar qazandırdı
01:02
  "Fənərbaxça", "Seltik" və "Spartak" ÇL-dən kənarda qaldı
00:32
  "Qarabağ" layiqli rəqib idi” - Qleb
00:14
  Qriqorçuk və Almeyda da ÇL-lə vidalaşdı
00:00
  "Qarabağ" sonadək təslim olmadı" - Aleksey Baqa
  14.08.18
23:40
  "Heyətimizin yeniləndiyini nəzərə almalıyıq" - Qurban Qurbanov
23:11
  "Qarabağ"a sərf etməyən bərabərlik - Video
22:48
  "Qarabağ" ÇL-də mübarizəni dayandırdı
21:45
  “Barselona” və “Real”ın futbolçuları “Leqanes”də
20:36
  "Sevilya"nın futbolçusu "Roma"da
19:50
  BATE - "Qarabağ": start heyətlər
19:19
  Spaletti "İnter"lə müqaviləni uzatdı - rəsmi
18:55
  "Modriç gec-tez İtaliyaya gedəcək" - agenti
18:40
  "Mançester Siti" onu da icarəyə verdi
18:16
  Çerışev "Valensiya"ya keçdi
17:51
  Yığmamız "Qarabağ"ın oyununda
17:40
  Mandzukiç millidəki karyerasını başa vurdu
17:27
  "Keşlə"dən 2 transfer - rəsmi
17:09
  Milimiz Belarusa qalib gəldi
16:50
  "Qoy, Qleb "Qarabağ" haqda bir də belə danışmasın"
16:28
  La Liqanın oyunları "Feysbuk"da canlı yayımda
16:00
  Bakayoko rəsmən "Milan"da
15:33
  Ronaldo evə buraxıldı
15:10
  BATE sarı, "Qarabağ" qara forma geyinəcək
14:57
  "Liverpul" Salahı polisə şikayət etdi
14:20
  "Qəbələ"də ciddi itki - 1 ay oynamayacaq
13:59
  "Yuventus" "Real"ın təklifini rədd etdi
13:27
  PSJ-dən onun üçün 100 milyon avro
13:03
  BATE - "Qarabağ": əmsallar açıqlandı
12:39
  AFFA "Sumqayıt"ın kapitanını cəzalandırdı
12:24
  Millimizin oyunlarının vaxtı bilindi
12:05
  "Atletiko" Tallinə bu futbolçularla getdi - siyahı
11:45
  "Məncə, "Qarabağ"ın heyətində dəyişiklik olacaq" - BATE-nin baş məşqçisi
11:21
  PSV-nin futbolçusu "Qarabağ"ın şansını az hesab edir
11:10
  BATE - "Qarabağ" oyununda anşlaq
10:49
  Samuel Eto`Onun yeni klubu
10:13
  "Real" futbolçusunu icarəyə verdi
09:45
  "Qarabağ"ın oyununa necə baxaq?
01:06
  PSJ-də yeni müqavilə
00:01
  Klublarımızın yay transferləri - Yenilənir
  13.08.18
23:00
  "Qarabağ" "Borisov Arena"da məşqə çıxmaqdan imtina etdi
22:20
  "Başqa çıxış yolumuz yoxdur" - Qurban Qurbanov
22:09
  "Qarabağ"la oyun öncəsi son məşq - Şəkillər
21:24
  David Silva da millidən getdi
20:51
  "Qarabağ" aldadıcı təəssürat yarada bilər" - BATE-nin futbolçusu
20:09
  "Konte "Çelsi"də qalsaydı, gedəcəkdim"
19:25
  "Real"ın superkubok üçün heyəti - siyahı
18:43
  “Atletiko” yeni transferlərini təqdim etdi
18:10
  "Qarabağ"la oyuna görə onun sağlamlığını təhlükəyə ata bilmərik"
17:40
  Millimizin üzvü yeni komandasında debüt etdi
17:04
  "Çelsi"dən "Milan"a
BÜTÜN XƏBƏRLƏR
© 2008-2018 Qol.Az - Müəllif hüquqları qorunur. Məlumatdan istifadə etdikdə istinad mütləqdir. Yerləşdirilən reklamların mətninə görə redaksiya məsuliyyət daşımır.
  Proqramlaşdırma: Elshad100.
Livescore