14.09.25
“Qarabağ”ın makedoniyalı yarımmüdafiəçisi Muarem Muaremin Qol.az saytına müsahibəsi
- Azərbaycan kubokunun 1/4 finalının “Sumqayıt”la cavab oyununda 4 qolla qalib gəlib yarımfinala yüksəldiniz. Qələbə asan görünsə də, çoxlu səhviniz oldu.
- Çempionat sıx qrafiklə keçirilir. Ona görə də komandamızda yorğunluq var idi. Ancaq ilk 10 dəqiqədə iki qol vurmağı bacardıq. Bununla da üstünlüyü ələ aldıq. Təbii ki, səfər qarşılaşması asan olmadı. Yarımfinala yüksəldiyimiz üçün xoşbəxtik. Bu, adi nəticə deyil. Əslində bütün oyunlar qıraqdan asan görünür. Bəli, istədiyimiz oyunu sərgiləyə bilmədik. Sadəcə, əlimizə düşən qol imkanlarından yararlandıq. “Sumqayıt” bütün rəqiblərə çətin anlar yaşadır. Bu komanda ilə heç bir oyun asan olmur.
- Dubla imza atdın. Çempionatda da qollar vurursan. Əvvəlki formanı bərpa etdiyini demək olar?
- Tədricən formamı yığıram. Mənim də məqsədim budur. Əvvəlki formamı ancaq yaxşı çalışmaqla bərpa edə bilərəm. Məşqlərdə və oyunlarda tam gücümü ortaya qoyuram. Özümdə artım hiss edirəm. Qollar vuraraq formamı yığacam. Qol vurmaq mənim üçün önəmlidir. Təbii ki, bundan daha vacib komandanın qələbəsidir. Hər şey getdikcə daha yaxşı olacaq.
- Deyəsən, hücum xəttində Armenterosla yaxşı anlaşırsan.
- Heyətlə bağlı ilk gündən heç bir problemim olmayıb. Çünki “Qarabağ”da üç ildən artıq oynadıqdan sonra “Əskişəhərspor”a getmişdim. Qurban müəllim hər zaman komandanı düzgün qurur. Onu da qeyd etməliyəm ki, “Qarabağ”ın bütün futbolçuları özlərini sübut edib və start heyətdə meydana çıxmağa hazırdır. Mənim burada olmadığım vaxtda da “Qarabağ” yaxşı nəticələr qazandı. Oyunçular dəyişsə də, sistem eynidir. Baş məşqçimizin istəyini bilirik və onu yerinə yetirməyə çalışırıq.
- Türkiyədə olduğun 6 ay ərzində klublarımızda xeyli dəyişiklik oldu. Rəqiblərinizdə zəifləmə hiss edirsən?
- Hiss etmirəm. Onsuz da bütün rəqiblər bizə qarşı tam fərqli oynayırlar. Hər görüşdə çox güc sərf edirik. Bəlkə də buna görə mənə elə gəlir. Çempion olmaq asan deyil. Getdikcə oyunlar çətinləşir, asanlaşmır.
- “Zirə”, “Qəbələ”, “İnter” və “Neftçi” kimi rəqiblər “Qarabağ”a çətinlik yarada bilir?
- Qeyd etdiyiniz rəqiblərin hər biri bu günə qədər yaxşı mübarizə aparıb. Məncə, onlar hər biri çempionluğa layiqdir. Biz bu mövsüm “Neftçi”yə uduzmuşuq, “Zirə” və “Qəbələ” ilə heç-heçə etmişik. Yəni biz asanlıqla ilk pillədə qərarlaşmamışıq.
- Kubokun yarımfinal mərhələsində “İnter”lə qarşılaşacaqsınız. Finala çıxmaq şansınız nə qədərdi?
- “Qarabağ” hər zaman qarşısına ən böyük hədəfləri qoyur. Təbii ki, bu il də ötən mövsümdə olduğu kimi hər iki titulu qazanmaq istəyirik. “İnter”ə gəldikdə isə bu komanda haqda ancaq xoş sözlər demək olar. Bizə qarşı hər zaman çox yaxşı oynayırlar. “İnter”lə son çempionat oyununda məğlubiyyətdən çətinliklə qaça bildik. Kubokda yarımfinala qədər gələn komandanın məqsədi hamıya məlumdur. Təbii ki, kuboku bizim kimi “İnter” də qazanmaq istəyir. Çox çətin olacaq, ancaq finala çıxacağımıza inanıram.
Ramiq AĞAMƏMMƏDOV
"Şəki Siti"dən 12 qol, "Xankəndi"dən darmadağın
"Neftçi" - "Sabah" matçından - Video
"Oyunun nəticəsi ədalətli idi" - Valdas Dambrauskas
“Neftçi” yenə xal itirdi, “Şamaxı”dan qələbə
"Şamaxı"dan 3 qollu qələbə - Video
"Milyonluq futbolçular da səhv edir" - Azər Həşimov
Qvardiola: “Ən yaxşı məşqçi ser Aleks Ferqyusondur”
"Neftçi" - "Sabah": Heyətlər
FIFA və UEFA Laportanın açıqlamalarını mənfi qarşıladılar
"Real"ın oyunçusuna "qırmızı" verən hakim cəzalandırılacaq
"Yuventus" onu azad agent kimi transfer etmək istəyir
Azərbaycan klubundan ayrıldı, ölkəsinə yollandı
"Şamaxı" - "Karvan": Heyətlər açıqlandı
Alonso "Real"da 16 ildən sonra bunu bacardı
Mahirin adı yenə sifariş ərizəsində yoxdur
Millimiz Avropa çempionatında 3-cü yeri tutdu
Müllerdən ABŞ klubunda uğurlu başlanğıc
"Benfika" - "Qarabağ" matçının hakimləri açıqlandı
Azərbaycanın basketbol millisi finalda uduzdu
Luis Enrike əməliyyatdan sonra imicini dəyişdi - Şəkillər
Türkiyə millisi üçün tarixi oyun - Bu gün final var
Bakıda dünya çempionatı keçiriləcək
“Real” FİFA-ya şikayət edəcək
"İndi çempionluq haqda düşünmürük" - Filip Ozobiç
“Viləş” yenidən Azərbaycan futbolunda
Vüsal İsgəndərli Albaniya klubunda ilk qolunu vurdu
Kökçünün komandası böyük hesabla uduzdu
"Beşiktaş" "Başakşəhər"ə belə qalib gəldi - Video
2 qələbə, 1 heç-heçə, 2 məğlubiyyət - “Qarabağ”ın rəqibləri
Zamiqin komandasından mövsümdə ilk qələbə
“Qalatasaray” istəyinə ikinci hissədə çatdı - Video
Rüfət oynadı, komandası “Hayduk”a qalib gəldi
Azərbaycan güləşçisi dünya çempionatının finalında
Mbappe və Ardanın qolları qələbə gətirdi - Video
Cəlalın komandasından böyükhesablı məğlubiyyət
I Liqada ilk tura yekun vuruldu
"Yuventus" - "İnter" matçında 7 qol vuruldu - Video
"Turan Tovuz"un "Qəbələ" üzərində qələbəsindən - Video
"Milli komandada yerli baş məşqçi işləsə, daha yaxşı olar"
"Gözlədiyimiz kimi ağır oyun oldu" - Kurban Berdıyev
"İmişli" - "Sumqayıt" matçından - Video
"Turan Tovuz" "Qəbələ"yə qalib gəldi
