07.04.26
"Qarabağ”ın müdafiəçisi Elvin Yunuszadə Azərbaycan Premyer Liqasının 11-ci turunda AZAL-a qalib gəldikləri oyundan (2:0) sonra Qol.Az-ın suallarını cavablandırıb.
- Qələbə qazansanız da, AZAL son dəqiqələrə kimi “Qarabağ”a yaxşı müqavimət göstərdi.
- Premyer Liqada artıq elə bir yerinə gəlmişik ki, heç bir oyunda rahat qalib gəlmək olmur. AZAL-la oyunda qələbə qazansaq da, futbolçularımız meydanda əziyyət çəkdilər. İndi “Monako” ilə oyuna rahat hazırlaşa bilərik.
- “Qarabağ” son oyunlarda sanki çox qol vurmaqda problemlə üzləşir...
- Heç bir komanda çempionatda sabit oyun sərgiləyə bilməz. İstənilən komandada yüksəliş və eniş dövrü olur. Bunu normal qarşılamaq lazımdır. Çox sıx qrafiklə oynayırıq. Artıq ardıcıl dördüncü oyundu ki, üç gündən bir meydana çıxırıq. Bu da istər-istəməz həm fiziki, həm də psixoloji təsirini göstərir.
- Demək istəyirsən ki, hazırda “Qarabağ” eniş dövrünü yaşayır?
- Xeyr, eniş deməzdim, bir az yorğunluq var.
- Amma nəzərə alaq ki, heyətiniz də kifayət qədər genişdir...
- Razıyam. Amma bir heyətin optimal çıxış etməsi üçün daha çox bir yerdə oynaması lazımdır. Hər oyun fərqli heyət meydana çıxanda futbolçular istər-istəməz bir-birlərini yaxşı başa düşə bilmir. Həm də AZAL-ın son vaxtlar yüksəlişdə olduğunu da nəzərə almaq lazımdır. Bizdən öncə “Neftçi”yə qalib gəldilər, “Qəbələ” ilə heç-heçə etdilər. Digər komandalar da artıq öz güclərini göstərməyə başlayıblar.
- Əvvələr “Qarabağ” daha çox qol vurardı. Komanda enerjisinə qənaət edir, yoxsa rəqiblər güclənib?
- Xeyr, gücünə qənaət etdiyini deməzdim. Bütün oyunlara eyni cür hazırlaşırıq. “Monako” ilə oyuna necə hazırlaşırıqsa, AZAL-a qarşı da elə hazırlaşmışdıq. Yorğunçuluq, digər komandaların bizə qarşı əlavə motivasiya ilə meydana çıxmasının da oyunumuzun alınmamasına təsiri var.
- Son vaxtlar tez-tez əsas heyətdə yer alırsan.
- Əlimdən gələni edirəm ki, əsas heyətə düşüm. Qurban Qurbanov da sağ olsun mənə şans verir, psixoloji cəhətdən də çox kömək edir. Komandaya uyğunlaşmaqda çətinlik çəkmədim. Hazırda “Qarabağ”da özümü elə hiss edirəm, sanki uzun illərdi bu komandadayam. Baş məşqçimiz “Qarabağ”da elə bir şərait yaradıb ki, hamının oynamaq imkanı var.
- “Neftçi”nin müdafiəsini qorumaq daha asan idi, yoxsa hazırda oynadığın “Qarabağ”ın?
- Müqayisə etmək düzgün deyil, hərəsinin öz yeri var. “Neftçi”də əsasən, mübarizə futboluna üstünlük verilirdi. “Qarabağ”da isə daha çox topla rəftar edirik.
- Bunlardan hansı sənin üçün rahatdır?
- Mənə elə gəlir ki, topla daha çox oynamaq baxımından “Qarabağ”da rahatdı. Açığı, bu suala tam cavab vermək bir az çətindir.
- “Neftçi”nin vəziyyəti heç də ürəkaçan deyil. Sabiq klubunun durumu ilə bağlı nə deyə bilərsən?
- “Neftçi”yə uğurlar arzu edirəm. Hər bir komandanın eniş vaxtları olur. İnanıram ki, “Neftçi” əvvəlki vaxtlarına qayıdacaq.
- Avropa Liqasının qrup mərhələsində “Monako”nu qəbul edəcəksiniz. Bu matç haqqında nə düşünürsən?
- Rəqibin gücü hamıya bəllidir. Fikrimcə, səfər matçında pis oynamamışdıq. Amma bəxtimiz gətirmədi, məğlub olduq. Bakıdakı matçda azarkeşlərimizi sevindirmək istəyirik.
Ergün SEYİD
Uğursuz mövsüm "Nyukasl"a baha başa gələ bilər
Bu stadion Mirça Luçeskunun adını daşıyacaq
İspaniya çempionatı matçlarının yeri dəyişdirilir?
Millinin yeni baş məşqçisi bəlli oldu
DÇ-2026 matçlarını rekord sayda hakim idarə edəcək
Salah "Qalatasaray"a keçir?
“Bu matçın xeyrini gələcəkdə görəcəyik”
"Qızıl top" namizədləri: Keyn, Mbappe...
Azərbaycan millisi Gürcüstana uduzdu
ÇL-də həftənin rəmzi komandasında kimlər var?
Lider "Şəfanın" qələbəsindən - Video
"Yuventus" Spalletti ilə bağlı qərar verdi
ÇL-də həftənin ən yaxşı oyunçusu bilindi
Azərbaycan millisinin məşqçisi Norveç klubunun düşərgəsində
"Çelsi" baş məşqçini göndərə bilər
"Barselona" Avropada liderdir
1-ci liqada 2 turun oyun cədvəli açıqlandı
"Milan" Qoretzkaya müqavilə təklif etdi
Tahir Gözel "Azərsun Holdinq"in yeni rəhbəri oldu
Tərlan Quliyev mükafatlandırıldı
İki komandaya texniki məğlubiyyət verildi
“Karvan-Yevlax” - “Kəpəz” oyununun hakimləri açıqlandı
Andrey Demçenko cəzalandırıldı
AFFA-dan klublara cəza və cərimələr
1 açıqlama, 15 min manat cərimə - Video
Luis Enrike: "PSJ-ni "Enfild"də əzab-əziyyət gözləyir"
Arne Slotdan etiraf
Avrokubokların oyunları bu kanallarda
Arda Turandan "AZ Alkmaar" oyunu öncəsi - Açıqlama
20 il sonra “Kamp Nou”da
Rəşad Abdullayev: “Türkiyə futbolundan çox şey öyrənməliyik”
ÇL-də həftənin ən yaxşısı adına namizədlər
Oyun bitən kimi paltardəyişmə otağına qaçdı - Video
"Qalatasaray"ın qələbəsi - Video
UEFA yarışlarında Luçeskunun xatirəsinə ehtiram - Şəkillər
PSJ "Liverpul"a, "Atletiko" "Barselona"ya qalib gəldi
Avropa Liqasında 1/4 finala start verildi
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
