Yuxarı
28.10.25
Azərbaycanda yaşayan və fəaliyyət göstərən gürcü müğənni Suli Qol.Az saytına müsahibə verib
- Çempionlar Liqasının ilk oyununda «Neftçi»nin rəqibi Gürcüstan çempionu «Zestafoni» oldu. Bundan xəbəriniz var idi?
- Açığı, oyunu izləməyə imkanım olmadı. Amma Gürcüstan komandası ilə “Neftçi”nin qarşılaşacağını bilirdim. Eşitdiyimə görə, çox maraqlı oyun keçib.
- Birinci oyunda «Neftçi» Bakıda «Zestafoni»ni 3:0 məğlub etdi. Bu, sənə pis təsir etmədi ki?
- Yox, özüm gürcü olsam da, komandamızın məğlubiyyəti məni üzmədi. Əsas odur ki, qələbəni güclü qazandı. Düz, oyunun nə vaxt baş tutacağını da bilmirdim. Yoxsa, matçı izləmək istərdim.
- Səncə, Gürcüstan komandasının belə böyükhesabla məğlubiyyətinə nə səbəb oldu?
- Azərbaycan Gürcüstanın bütün güclü oyunçularını alıb. Azərbaycanın futbol komandalarının əksər oyunçuları gürcülərdən ibarətdi. Artıq Gürcüstanda futbolçu qalmayıb, hamısı Azərbaycandadır (gülür).
- Siz xeyli vaxtdır Azərbaycandasınız. Hətta müsəlmanlığı da qəbul etmisiniz. Bura sizə doğma ölkədir. Bugünkü cavab oyununda kimə azarkeşlik edəcəksiniz? «Neftçi»yə, yoxsa, «Zestafoni»yə?
- Mən «Neftçi»nin qalib olacağını hiss edirəm. Məncə, hesab 3:1 «Neftçi»nin xeyrinə nəticələnəcək.
- Ümumiyyətlə, futbolla maraqlanırsınız?
- Yox, futbol fanatı deyiləm. Amma hərdən bəzi oyunları izləyirəm.
- Azərbaycan futbolçularından kimləri tanıyırsınız?
- Heç kimi tanımıram. Heç bir futbolçu ilə tanışlığım yoxdur.
- Bəs, dünya ulduzlarından bəyəndiyiniz oyunçular kimlərdir?
- Bekhemi çox xoşlayıram. Mənim maraqlı xüsusiyyətim var… Futbolçuların adlarını bilmirəm, amma üzdən tanıyıram.
- Klublarımızın növbəti oyunlarını stadiondan izləmək istərdinizmi?
- Stadionda futbol izləməyi heç sevmirəm. Çünki azarkeşlər çox səs-küy salırlar. Əgər sakit keçsə, əlbəttə, mən də izləmək istərdim.
- Futbolçu ilə ailə həyatı qurardınız?
- Bu, qismətdir… Əgər kimsə qarşıma çıxıb evlilik təklif etsə və mən onu sevsəm niyə də olmasın?!
Salah Lemparda çatdı
"Nəticə bizi məyus etdi”
“Ayaqlarım imkan verdiyi müddətcə oynamağa davam edəcəyəm”
Hələlik ən çox qol vuran futbolçu odur
Dembele yenidən zədələndi
"Sumqayıt"ın 3 qollu qələbəsi - Video
"Hakimlik haqda danışmağı xoşlamıram" - Saşa İliç
