28.10.25
“Qarabağ”ın albaniyalı müdafiəçisi Ansi Aqollinin Qol.az saytına müsahibəsi
- Topaz Premyer Liqanın 24-cü turunda “Zirə”yə qalib gəldiniz. Görüş haqda fikirlərini bilmək istərdik.
- “Zirə”nin çempionatda göstərdiyi oyunlar göz qabağındadır. Olduqca çətin komandadır. Düşünürəm ki, çox ağır bir oyundan 3 xal qazandıq və yolumuza davam edirik.
- Nəzərə alsaq ki, “Zirə” Premyer Liqaya bu il yüksəlib və yaxşı nəticələr əldə edir, bu klubun cari mövsümdəki çıxışı sizi təəccübləndirirmi?
- I diviziondan gəldikləri üçün mövsümün əvvəlində onların belə çıxış etməyi təəccüblü gəlirdi. Amma “Zirə”nin uğurlu oyunları davamlı olduğu üçün onlar burada qeyri-adi bir şey olmadığını göstərir. Bu artıq bir faktdır ki, “Zirə” həqiqətən də yaxşı komandadır.
- Çempionat başlayanda ağlınızdan keçərdimi ki, çempionluq uğrunda əsas rəqiblərinizdən biri “Zirə” olacaq?
- Yəqin ki, bu heç kimin ağlına gəlməzdi. Amma fakt odur ki, “Zirə” Premyer Liqada uğur qazana bildi və yaxşı komanda şəklində formalaşmağı bacardı.
- Səncə, bu qələbə “Qarabağ”ı çempionluğa nə qədər yaxınlaşdırdı?
- Bu oyunda 3 xal qazanmağımız vacib idi. Çünki “Zirə” əsas rəqiblərimizdən biridir. Bu qələbənin çempionluq üçün yetərli olduğunu düşünmürəm. Qarşıda çox oyunlarımız var. Həmin qarşılaşmalardan maksimum nəticələrlə ayrılmalıyıq.
- Mövsümün sonunda müqavilən başa çatır. “Qarabağ”la yeni müqavilə imzalamaq fikrin varmı?
- Hazırda bütün fikrimi “Qarabağ”ın oyunlarına, işimə yönəltmişəm. Hər oyunda əlimdən gələnin ən yaxşısını etməyə çalışıram. Müqavilə ilə bağlı danışmaq üçün qarşıda çox vaxtımız var.
- Ümumiyyətlə, karyeranı “Qarabağ”da başa vurmağın mümkündürmü?
- Artıq 6 ildi buradayam. Təzə gələndə bu ağlıma gəlməzdi. Amma indi düşünürəm ki, niyə də olmasın?
- Geridə qalan 6 ildə Azərbaycanda nə qazanmısan?
- "Qarabağ"da qazandıqlarımı saymağa başlasam, gərək sabaha qədər danışaq.
- Yayda keçiriləcək “Avro-2016”nın final mərhələsində Albaniya yığması ilə sən də iştirak edəcəksən. Azərbaycanda final mərhələsində oynayan yeganə futbolçu olacaqsan.
- Buna görə klubum və öz adıma fəxr edirəm. Elə bayaq qeyd etdiyim 6 ilin ən yaxşı göstəricilərindən biri də budur. “Qarabağ”ı bu çempionatda təmsil etdiyim üçün çox şadam.
- Albaniya futbolu klub səviyyəsində Azərbaycandan heç də irəlidə deyil. Səncə, niyə ölkənin qazandığı uğura Azərbaycan yığması nail ola bilmir?
- Bizim milli komandada oynayanların böyük əksəriyyəti ölkə xaricində yaşayanlardır. Onların çoxu İsveçrədə, Almaniyada, İtaliyada böyüyüb, orada futbol oynayıblar. Axtarsanız, görərsiniz ki, millinin heyətində Albaniya Super Liqasında oynayan 2-3 futbolçu var. Bizim ən böyük üstünlüyümüz bundadır.
Ergün SEYİD
Messinin 400-cü assisti
Derbilərin tamaşaçı sayı açıqlandı
“Bavariya” mövsümdə ilk dəfə xal itirdi
"Ayntraxt"dan Götze ilə bağlı qərar
Millimiz mübarizəni dayandırdı
Azərbaycan derbilərini idarə edən hakimlər
"Rəqibə qol epizodu vermədik" - Rəşad Sadıqov
"Bilmirəm baş hakim qərarını niyə dəyişdi" - Kurban Berdiyev
Azərbaycan derbisinə doğru: Vərəqələr, penaltilər
"Araz-Naxçıvan" “Karvan-Yevlax”a belə qalib gəldi - Video
“Tottenhem” və “Mançester Yunayted” xalları bölüşdürdü
"Oyunla bağlı çox danışmaq istəmirəm" - Elmar Baxşıyev
"Hələ ki idman xoşbəxtliyi bizdən yan qaçır" - Azər Həşimov
“Zirə" - "Turan-Tovuz" : Heyətlər
Millimiz Səudiyyə Ərəbistanı ilə qarşılaşacaq
Azərbaycan derbisi üçün bütün biletlər satıldı
