02.11.24
"Qəbələ"nin qapıçısı David Petrjkeviçin Almaniyada "Borussiya" (Dortmund) komandası ilə Avropa Liqasının qrup mərhələsinin IV tur matçından sonra müsahibəsi
- Zədəli Dmitri Bezotosnının yoxluğunda qapını siz qorudunuz. Oyun necə keçdi?
- Fikrimcə, yaxşı keçdi. "Borussiya" kimi komandaya qarşı oynamaq hər zaman ağırdır. Digər tərəfdən, belə imkanlar hər zaman ələ düşmür. 0:4 hesablı məğlubiyyət də pis nəticə sayılmamalıdır. Hamı bilir ki, "Borussiya" güclüdür. Dortmund komandası digər rəqiblərinə də çoxlu qol vurub.
- Qollardan 2-ni yaxın güncdən buraxdınız. Bunlara görə özünüzü günahlandırırsınız?
- Xeyr. Nəyə görə? 4-cü qol epizodunda Henrix Mxitaryanın zərbəsi çox güclü idi, çıxarmaq mümkün deyildi. Pyer-Emerik Obameyanqın fərqləndiyi 2-ci qol epizodunda zərbəni dəf etmək olardı, amma uğur rəqibin tərəfində oldu.
- Bəzi epizodlarda topu ikinci cəhddə tuturdunuz. Bu, oyun praktikanızın azlığından irəli gəlmirdi?
- Xeyr, razı deyiləm. Əksinə, yaxşı çıxış etdiyimi düşünürəm. "Borussiya"nın çoxlu imkanı oldu. Dortmund komandasının əvvəllər vurduğu qollara baxsanız, qapıçıların necə qollar buraxdığına özünüz də şahid ola bilərsiniz. Yenə deyirəm: Belə rəqibə qarşı oynamaq ağırdır. Bu, istənilən komanda üçün dərs ola bilər. Rəqibin gücü ortada idi.
- Bezotosnı zədəli olmasaydı, yenə eyni nəticə qeydə alınacaqdı?
- Hardan bilim? Onu oyun göstərəcəkdi.
- "Qəbələ"nin hücum xətti necə görünürdü?
- Yaxşı komandaya qarşı oynayırdıq. Belə görüşlərdə təzyiqlər də olur, hücumdan müdafiəyə çəkilmələr də. Məncə, komandamız da yaxşı çıxış etdi. Sadəcə, hücumlar sonadək alınmadı və nəticədə uduzduq.
- "Borussiya" elə bir komandadırmı ki, 10 dəfə də oynasanız uduzarsınız?
- Bilirsiniz, "Borussiya" hazırda tam fərqli səviyyədədir. Məncə, bu komandanın Avropa Liqasının qalibi olma şansı var. Əlbəttə, güclüdürlər. Cəmi 3 mövsüm öncə "Bavariya" ilə Çempionlar Liqasının finalında qarşılaşıblar.
- Sizcə, qrupdakı son 2 tur yoldaşlıq görüşü xarakteri daşımayacaq?
- Nəyə görə? Yaxşı hazırlaşaraq, Yunanıstanda PAOK-u, Bakıda isə "Krasnodar"ı məğlub etmək lazımdır.
- Qarşıdan "İnter"lə oyun gəlir...
- Qalib gəlmək lazımdır.
- Amma neçə oyundur ki, qalib gələ bilmirsiniz...
- Fikrimcə, burada problem yoxdur. Sadəcə, oyuna yaxşı köklənmək lazımdır ki, qələbə də gəlsin.
- Son uğursuzluqlardan sonra "Qarabağ"dan 5 xal geridə qalmısınız. Bu, ciddi təhlükə deyil?
- Xeyr. Hələ qarşıda çoxlu oyunumuz var. Təkcə "Qarabağ"la Premyer Liqada 3 dəfə üz-üzə gələcəyik.
- Premyer Liqada legionerlərə qoyulan limit üzündən qapını milliləşdirilmiş Andrey Popoviçin qoruyacağını düşünmək olar?
- Kimin qapıda duracağını baş məşqçidən soruşmaq lazımdır.
Mənbə: sportnet.az
_22.01.19.jpg)
"Real"da şok itki
MEDİA müsabiqə elan edib
Mikelsin yubiley qolu
"Sumqayıt"ın "Şamaxı" üzərində qələbəsi - Video
Ayxan Abbasov: "Çempionat gərgin keçəcək"
Ronaldo "Fənərbaxça"ya keçir, ya yox? - Mourinyo danışdı
"Sumqayıt" "Şamaxı"ya qalib gəldi
"Turan Tovuz" - "Sabah" matçında vurulan qollar - Video
"Turan Tovuz" "Sabah"la heç-heçə etdi
"Sumqayıt" - "Şamaxı": Heyətlər
Azərbaycanın basketbol millisi İsveçrəyə uduzdu
"Turan Tovuz" - "Sabah": Heyətlər açıqlandı
Məşhur hücumçunun oğlu İngiltərə klubunda
Azərbaycan cüdoçularından 4 medal - Avropa kuboku
"Arsenal" Premyer Liqada qələbə sayında 2-ci oldu
U-18 Qəbələdə toplanır
