28.04.26
“Xəzər-Lənkəran”ın baş məşqçisi İqor Ponomaryovun Qol.Az saytına müsahibəsi
- “Neftçi”ylə oyunun hazırlığı necə gedir?
- Hazırlığımız normal gedir. “Neftçi”ylə oyuna hazırlaşırıq. Gündə iki dəfə məşq keçirik.
- Komandanın düşərgəsində ab-hava necədir?
- Hər şey yaxşıdır. Son turda “Standard”ı məğlub etdik. Bu qələbədən sonra komandanın düşərgəsində gözəl ab-hava hökm sürür. Çalışacağıq ki, “Standard”la oyunda olduğu kimi, “Neftçi”yə qarşı da baxımlı, gözəl oyun sərgiləyək.
- Heyələ bağlı hansısa probleminiz var?
- Bəzi futbolçuların zədəli olması məni narahat edir. Kamran Ağayevin meydana çıxmayacağı dəqiqdir. Qapıçımızın müalicəsi davam edir. Rəşad Abdullayev, Radukanu, Cambazovun da zədələri var. Onların “Neftçi”yə qarşı oynayıb-oynamayacaqları hələ məlum deyil. Həkimlər bu futbolçuları məsul oyuna yetişdirməyə çalışırlar.
- Uzun müddətdir zədəli olan Rəşad Abdullayevin durumu necədir?
- Rəşad Abdullayev artıq 1 həftədir ki, komanda ilə birgə məşq edir. Buna görə də ehtimal var ki, Rəşad “Neftçi”yə qarşı oynasın. Lakin hələ oyuna bir neçə gün var və buna görə də bu haqda dəqiq söz demək çətindir. Amma təbii ki, Rəşad Abdullayev “Neftçi”yə qarşı oynamasını istərdim.
- Yeni transfer Nadir Bencemanın zədəsi nə yerdədir? İsveçli futbolçu hələ də “Xəzər-Lənkəran”ın heyətində rəsmi oyunlarda debüt edə bilməyib?
- Nadir ciddi zədə almışdı. Bir müddətdir ki, bərpaetmə dövrü keçirdi. Artıq komandayla birgə məşqlərə başlayıb. Ola bilər ki, Bencema elə “Neftçi”ylə matçda debüt etsin. Lakin bu ehtimaldır. Qabaqcadan dəqiq söz demək olmaz.
- Rəqib haqda nə deyə bilərsiniz? “Neftçi” sizin üçün doğma komandadır. Karyeranızın böyük hissəsini məhz bu klubda keçirmisiniz.
- O vaxtkı “Neftçi”ylə indiki arasında böyük fərq var. “Neftçi” həqiqətən də mənə doğmadır. Amma bu dəfə onlara qarşı rəqib qisimndə mübarizə aparacağam. Mən hazırda “Xəzər-Lənkəran”ın baş məşqçisiyəm və indi məni yalnız bu komandanın uğuru maraqlandırır. Çalışacağıq ki, “Neftçi”ni məğlub etməklə azarkeşlərimizi də sevindirək. Bilirəm ki, “Xəzər-Lənkəran”ın “Neftçi”ylə oyunları hər zaman gərgin və maraqlı keçir. Budəfəki oyunun da istisna olmayacağı dəqiqdir.
- Rəqibin heyətində hansısa futbolçunu fərqləndirə bilərsiniz?
- “Neftçi”nin heyətində kifayət güclü futbolçular var. Amma mən “Neftçi”nin lideri qismində Zaur Tağızadəni görürəm. Zaur çox yaxşı futbolçudur. Ümumiyyətlə, “Neftçi”nin hər mövqeyində yaxşı oyunçular var. Məsəlçün hücumda Valentin Atemi çox bəyənirəm. Yarımmüdafiədə Elmar Baxşıyev uğurlu oyunuyla seçilir. Müdafiənin “dirəy”i isə Rail Məlikovdur.
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Zaqatala"dan qələbə, "Şəfa" xal itirdi
Rəqibə yumruq atan futbolçu sərt cəzalandırıldı
"Qolların hamısını dəf etmək çətin idi"
4 illik diskvalifikasiya olundu
Zidanın oğlu sıradan çıxdı
Hakimi yarımfinal matçını buraxa bilər
Qapını 70 yaşlı qapıçıya həvalə edəcəklər
Türkiyə Kubokunda finalın vaxtı və yeri dəyişdi
"Neftçi" - "Qarabağ" oyununun hakimləri açıqlandı
“Qarabağ” portuqaliyalı futbolçu ilə maraqlanır
Fransa klubunda baş məşqçi ayrılığı
"Bayer"lə yeni müqavilə bağladı - Rəsmi
AFFA İntizam Komitəsinin qərarları
Noyer ÇL antirekordunu təkrarladı
AFFA-nın vitse-prezidenti "Nou Kamp"dakı oyuna təyinat aldı
FİFA futbola məcburi 1 yerli gənc oyunçu limiti gətirir
Azərbaycan millisi UEFA İnkişaf Turnirində iştirak edəcək
