20.10.26
Almaniya, Belçika və Türkiyədə işgüzar səfərdən qayıdan “Bakı”nın türkiyəli vitse-prezidenti Tunc Afşar Qol.Az-a müsahibə verib.
- Səfərinizdən öncə “Qalatasaray”la yoldaşlıq görüşü keçirəcəyinizlə bağlı danışıqlar aparacağınızı demişdiniz. Bu məsələ ilə bağlı hansısa yenilik var?
- Bilirsiniz, hazırda “Qalatasaray”ın durumu heç də yaxşı deyil. UEFA kubokunda mübarizəni dayandırdılar, Türkiyə superliqasında da işləri qaydasında getmir. Eyni sözləri Belçikanın “Anderlext” klubu haqqında da demək olar. Ona görə də qoy, hər ikisi sakitləşib özlərinə gəlsin, sonra danışıqlarımızı davam etdirəcəyik.
- “Qalatasaray”ın əvəzinə başqa bir türk klubu ilə danışıq aparmaq olmazmı?
- Niyə olmur? Ümumiyyətlə, istənilən türk klubu ilə danışıb, yoldaşlıq görüşü keçirmək elə də problem deyil. Sadəcə, biz Azərbaycanda “Qalatasaray”ın böyük azarkeş ordusu olduğunu bildiyimizdən məhz onları Bakıya dəvət etmək istəyirik.
- “Bakı”nın dünən “Olimpik”lə oyununa yəqin ki, baxdınız. Fikirlərinizi bizimlə bölüşərdiniz.
- Bu qarşılaşma ilk növbədə “fair-play” qaydalarının kobud surətdə pozulması ilə yadda qaldı. Bu da Azərbaycan futbolu adına utancverici bir hadisə oldu. Oyuna gəlincə, məğlubiyyətimizi buna bağlamaq fikrində deyiləm. Biz gərək ilk qoldan sonra ikinci qolu da vurub, qələbəni təmin edəydik. Təəssüf ki, bunu bacarmadıq. Nəticədə matçı rəqib qazandı.
- “Fair-play” qaydalarının pozulduğu epizoda toxunaq. Təbii ki, bu, rəqib tərəfdən heç də xoş olan bir şey deyil. Amma futbolda belə epizodda “mütləq topu rəqibə verməlisən” deyə bir qanun da yoxdur. Yəni istəyən verir, istəməyən oyunu davam etdirir. Bu mənada, “Bakı”nın futbolçularının arxayınlaşaraq, rəqib komandaya bu qədər inanmalarının özündə də yanlışlıq yoxdur ki?
- Təbii ki, biz öz futbolçularımızı da qınamalıyıq ki, onlar istənilən halda ehtiyatlı olmalı idilər. Çünki sizin də qeyd etdiyiniz kimi, dəfələrlə bu epizodlar zamanı məğlub olan komandanın topu rəqibə verməyərək hücum təşkil etməsinin şahidi olmuşuq. Amma məsələnin digər tərəfi də var. Biz hamımız əlimizdən gələni edirik, uşaq futboluna diqqəti artırırıq ki, Azərbaycan futbolunun gələcəyini yetişdirək. Onların təkcə futbolçu kimi yox, ümumilikdə, bir insan kimi xarakterlərinin düzgün formalaşdırılmasına çalışırıq. Bunun üçün isə həmin kiçik yaşlı uşaqlar ilk növbədə böyük futbolçuların oyunlarını izləyib, onlardan örnək götürürlər. Mən sadəcə Mahir Şükürova belə bir sual vermək istərdim. Görəsən, o, heç fikirləşirmi ki, dünənki hərəkəti ilə gənc futbolçulara yaxşı örnək olubmu? Gerisini Mahir özü fikirləşsin. Unutmasın ki, o, eyni zamanda Azərbaycan milli komandasının şərəfini qoruyur və milli üzvü olan futbolçu təkcə oyunu ilə deyil, centlmenliyi və Fair Play əməlləri ilə gənclərə örnək olmalıdır.
- Sizin dünənki məğlubiyyətinizdən sonra “İnter” zirvəni ələ keçirdi. Onların çempionatın qalan bölümündə bu üstünlüklərini əldən verəcəyinə inanırsınız?
- Kim deyə bilərdi ki, dünən “Bakı” “Olimpik”ə məğlub olacaq? Hələ çempionatın sonuna bir neçə tur var və hər şey mümkündür. Bizim kimi “İnter” də xal itirə bilər. Bir sözlə, çempionun adı mayın 17-də bilinəcək.
Şeydayev oynadı, "Soçi" qələbə qazandı
Baş məşqçi meydandan qovuldu
Rüfət Abdullazadənin komandası məğlub oldu
“Məğlub olmadığımıza görə razı qala bilərik” - Yuri Vernidub
"Neftçi" - "Turan Tovuz" matçından - Video
Kurban Berdıyev heç-heçəni şərh etdi
Azərbaycanın iki güləşçisi dünya çempionatının finalında
Azərbaycan millisi mundiala böyükhesablı qələbə ilə başladı
"Kəpəz"in qələbəsindən - Video
"Yaxşı sponsorumuz olsa..." - Azər Məmmədov
“Hazırda çox çətin durumdayıq” - Zaur Həşimov
“Beşiktaş”ın müdafiəçisi sıradan çıxdı
"Mançester Siti" mövsümdə ilk məğlubiyyətini aldı
"Neftçi" - "Turan Tovuz" matçının heyətləri açıqlandı
“Transfer imkanlarına açığıq”
“Barselona” “Real”la matça necə hazırlaşır?
PSJ azarkeşləri: "Gəlin, matçı boykot edək"
Azərbaycan şahmatçılarındandan Avropa Kubokunda 2 medal
"Şəfa" - "Kəpəz" : Heyətlər
Mourinyo: "Sən ağıllısan, mən isə axmaq deyiləm!"
"Bavariya"dan Kompaninin səhhəti ilə bağlı açıqlama
187 ölkə, 1000-ə yaxın oyun – Bakıda tarixi futbol turniri
Çempionlar Liqasının yeni formatını sərt tənqid etdi
“Onun ideyaları məni cəlb etdi” - “Zirə”nin legioneri
Fransada etiraz aksiyalarına görə oyunun vaxtı dəyişdirildi
Ronaldodan maraqlı jest
Bu gün Bakıda U-15 dünya çempionatı başlayır
Bakı səfəri “Borussiya”nı yorub
Azərbaycan çempionatları tarixində 15000-ci qol
Yunuszadə - Kökçü qarşıdurmasında kim sevindi?
Andrade “Polesye”də növbəti qolunu vurdu
Superliqada 9-cu tur start götürdü
Cəlal oynadı, komandası qalib gəldi
1000-ə nə qaldı ki?! Ronaldodan 982-ci qol… - Video
Zirədəki 5 qol - Video
"Hücum xəttimizi gücləndirməliyik” - Rəşad Sadıqov
Kandido: “Bu, utancverici məğlubiyyətdir”
"Zirə" "Sumqayıt"a, "Qəbələ" "Araz-Naxçıvan"a qalib gəldi
Ronaldo 982-ci qolunu vurdu
PSJ – “Lion” matçı təxirə salındı
Azərbaycanın 3 boksçusu Avropa çempionatının finalında
"Qəbələ" 3 xalı bu qollarla qazandı - Video
Bekiri: “Qarabağ”dan öyrənəcəyimiz çox şey var”
