19.05.26
“Sumqayıt” futbol klubunun yeni transferi Sedrik Badolonun QOL.az saytına müsahibəsi
- “Sumqayıt”a keçidiniz necə baş tutdu?
- “Sumqayıt” çox yaxşı komandadır. Burada olduğum üçün şadam. Əvvəldən klub haqda müəyyən məlumatım var idi. Düşünürəm ki, bu keçid mənim xeyrimə olacaq.
- Bəs klubla bağlı ilkin təəssüratlarınız necədir?
- Hər şey yaxşıdır. Klubun şəraiti ürəyimcədir. Komandada çox yaxşı qarşılandım. Artıq ilk günlərdən düzgün seçim elədiyimi başa düşdüm.
- “Araz-Naxçıvan”la matçda yeni klubunuzun heyətində debüt etdiniz...
- Bəli, matçın sonlarında meydana daxil oldum. Təəssüf ki, debütum uğurlu alınmadı. Komandamız uduzdu. Təbii ki, debütumu qələbə ilə qeyd etmək istərdim. İnanıram ki, növbəti matçlar bizim üçün daha yaxşı olacaq.
- Sonuncu dəfə ötən ilin sonunda Burkina-Faso millisinin heyətində Afrika Millətlər Liqasında meydana çıxmışdınız. Optimal formaya düşməyiniz üçün nə qədər zamana ehtiyac duyursunuz?
- Bir qədər zaman ehtiyacım var. Hələ ki, ideal formamdan bir qədər uzağam. Lakin mən tənbəl oyunçu deyiləm. Məşqlərdə tam gücümlə çalışacağam. Məşqçilərimizin də köməkliyi ilə əlimdən gələni edəcəm ki, ən qısa zamanda yaxşı forma yığım və komandama kömək olum.
- “Sumqayıt”dakı hədəfləriniz nədir?
- İlk növbədə formamı bərpa etmək istəyirəm. Əsas məqsədim komandama faydalı olmaqdır. Əlimdən gələni edəcəm ki, “Sumqayıt” qarşıya qoyulan hədəfə çata bilsin.
- Komandanın hədəfi avrokuboklara vəsiqə qazanmaqdır. Sizcə, bu, mümkün olacaq?
- Təbii ki, şans həmişə mövcuddur. Qarşıda 13 tur var. Rəqabət güclüdür, bir neçə klub avrokuboklar uğrunda mübarizə aparır. O cümlədən də “Sumqayıt”. Lakin indidən konkret fikir bildirmək çətindir. Mövsümün sonunda hər şeyi birlikdə görəcəyik.
- “Araz-Naxçıvan”a qarşı oynadığınız stadion (“Liv Bona Dea Arena” - red.) sizə tanış gəldi?
- Bəli, bu stadionu xatırlayıram. Burada Avroliqanın təsnifat mərhələsində “Şerif”in heyətində “Zirə”yə qarşı oynamışdım (2024-cü ilin 18 iyulunda - red.).
- Dramatik oyun alınmışdı...
- Elədir. İlk matçda uduzsaq da, burada qələbə qazandıq. Penaltilər seriyasında mərhələ adlamışdıq.
***
Artıq ən vacib xəbərlərin bildirişi telefonuna gələcək!
QOL.az-ı "İOS"dan yüklə...
QOL.az-ı "Android"dən yüklə...
Slot gedir, o gəlir
"Sumqayıt"dan gözəl təəssüratlarla ayrılıram" - Saşa İliç
Qurban Qurbanovdan transfer açıqlamaları
A seriyasında mövsümün ən yaxşı məşqçisi odur
"Qarabağ" "Sumqayıt"a, "Sabah" "Turan Tovuz"a qalib gəldi
"Sabah" "Turan Tovuz"u belə məğlub etdi - Video
Rəsmi: "Real"dan gedir
"Bizə olan hörmətsizlik qəbuledilməzdir" - Dambrauskas
“Mingəçevir” pley-off-da! - Yenilənib
"Sumqayıt" - "Qarabağ": Heyətlər
Messinin dodaq uçuqladan sərvəti
AFFA-nın baş katibi Ombudsmanla görüşüb
"Etihad"ın şimal tribunası Qvardiolanın adını daşıyacaq
1-ci liqaya vəsiqə uğrunda pley-off oyununun yeri bilindi
"Turan Tovuz" - "Sabah": Heyətlər açıqlandı
"Mançester Yunayted" Kerriklə yeni müqavilə imzaladı
"Mançester Siti" Qvardiolanın gedəcəyini açıqladı - Rəsmi
Ulduz futbolçular DÇ-2026-ya aparılmır - İngiltərənin heyəti
Byelsa Uruqvay millisindən gedir
Arbeloa "Real"dan ayrılacağını açıqladı
Aspilikueta karyerasını başa vurur
Pedronun ayrılıq qərarı açıqlandı
Norveç millisinin DÇ-2026 üçün yekun heyəti
