01.12.25
“Turan Tovuz”un yarımmüdafiəçisi Ayxan Hüseynovun QOL.az saytına müsahibəsi
- Ölkə kubokunun 1/8 finalında “Şahdağ Qusar”ı 2:1 hesabı ilə məğlub etdiniz. Matça erkən qolla başladınız və bundan sonra hamı böyükhesablı qələbə olacağını düşünürdü. Yekunda isə çətinliklə qələbə qazandınız. Niyə belə alındı?
- Kubok oyunları həmişə maraqlı keçir. Aşağı liqa komandaları meydana yüksək motivasiya ilə çıxırlar. Özlərini sübut etmək istəyirlər. Rəqib yaxşı oynadı, yaxşı mübarizə apardı. Bir qədər çox kobud oynayırdılar. Bütün bunlara baxmayaraq, qələbə qazandıq. İrəli gedirik.
- Ola bilərmi ki, rəqib I Liqa təmsilçisi olduğu üçün meydana arxayın çıxmışdınız?
- Deməzdim. Çalışırdıq öz oyunumuzu oynayaq, rəqibin kimliyinə fikir verməyək. Hava şəraiti bir qədər oyuna təsir etdi. Tam istədiyimiz kimi çıxış edə bilmədik. Bu cür matçlarda istəyi daha çox olan qalib gəlir.
- Növbəti mərhələdə rəqibin hansı komanda olmasını istərdiniz: “Kəpəz”, yoxsa “Araz-Naxçıvan”?
- Məncə, həmin cütdə şanslar bərabərdir, kim daha güclüdürsə, o da keçəcək. Rəqibə fikir vermirik. Kubokda ümumiyyətlə zəif rəqib yoxdur. Hamısı yaxşı komandalardır. İstənilən rəqiblə düşsək, çətin olacaq. Amma onu deyə bilərəm ki, “Araz-Naxçıvan”ın işi heç də asan olmayacaq.
- “Turan Tovuz”un qarşısına çempionluq hədəfi qoyulub. Bəs kubok komanda üçün nə dərəcədə önəmlidir?
- Kubok da vacibdir. Mümkün qədər irəli getməyə çalışacağıq. Alınsa, final oynamaq istərdik.
- Hazırkı heyət hər iki cəbhədə sona qədər mübarizə aparmağa imkan verir?
- Hazırda bir qədər zədəlilərimiz var. Həm də fasiləyə yaxındır. Yüklənmə çoxalır və belədə zədəlilərin sayı artır. Əgər komandada itki olmasa, bütün futbolçular hazır vəziyyətdə olsa, bəli, heyətimiz yetərlidir.
- Çempionatda son 3 turda qələbə qazana bilməmisiniz. Bunu qeyd etdiyiniz səbəblə - heyətdəki itkilərlə əlaqələndirmək olar?
- Bəzi insanlar başa düşmürlər, ya da başa düşmək istəmirlər ki, çempionat uzun marafondur. Hər bir komanda mövsüm boyu ideal formada ola bilməz. Çətin dövrlər də olur. Həm də son turlarda xal itirdiyimiz komandalar hamısı iddialılardır. “Neftçi” ilə matçda qol vurmaq üçün şanslarımız var idi. Məncə, son oyunlarda bəxtimiz gətirmir.
- Qarşıdan “Qəbələ” ilə səfərdə çempionat oyunu gəlir. Həmin matçda uğursuz gedişata son qoymaq mümkün olacaq?
- Əlimizdən gələni edəcəyik. Meydana 3 xal üçün çıxacağıq. Qələbə qazanmaq üçün darıxmışıq. İnanıram ki, uğursuz gedişata həmin matçda son qoya biləcəyik.
Ronaldo, Benzema...
Son 68 ildə ilk dəfə
33 illik seriya qırıldı
Haalanddan tarixi nəticə
“Mançester Siti”nin qapıçısı klubdan ayrıla bilər
"Bu, komandamıza yaraşan bir hərəkət deyil" - Rəşad Sadıqov
"Turan Tovuz"un qələbəsindən - Video
Azərbaycan kubokunda ilk iki 1/4 finalçı müəyyənləşdi
Vinisiusun müqavilə danışıqları yenə uzadıldı
“Arsenal” zədə problemlərinə görə Maynoya yönəldi
“Neftçi”nin baş məşqçisi vəzifəsinə daha bir namizəd
"Real"ın futbolçusu yenidən sıradan çıxdı
“Ayaks”ın yarımçıq qalan oyunu başa çatdı
"Xankəndi", "Şəmkir" və "Ağdaş"dan evdə qələbə
Millimiz FİFA turnirinin qalibi oldu
İspan mətbuatı Ardanı niyə tənqid edir?
Superliqa klubunda yeni baş məşqçi
"Zirə" - "Neftçi": Heyətlər
Kurban Berdiyevdən Ayxan Abbasova cavab
Azərbaycan idmançılarının yeni reytinq sıralaması
Azarkeş hücumundan sonra oynamaq istəmirlər
"Qarabağ"a qol vuran futbolçu mövsümün ən yaxşısı seçildi
İngiltərə millisinin sabiq üzvü həbs edildi
İbrahimoviç Olimpiadanın məşəldarı oldu
Bundesliqa klubu baş məşqçi ilə yolları ayırdı
