19.01.24
Samir Ələkbərov futbola yaraşırdı. “Qafqaz texnikası” deyilən bir şey varsa, onun ən parlaq nümayəndəsi idi. Samirin oyunu futbol estetleri üçün göydəndüşməydi. Ondan daha texnikalı və daha çox sevilən ikinci azərbaycanlı futbolçu görmədim. Samirin futbolunu izləmək sadə azarkeşlərə ləzzət verirdi. Azərbaycan futbolunun ən çətin günlərində Samirin oyunundan aldıgımız həzzlə yanaşı, ona baxıb “biz də futbol oynaya bilərik” deyirdik. Samir bütün tay-tuşlarımızın kumiri, görmək istədiyimiz gerçək texnikalı azərbaycanlı futbolçu obrazı idi.
Samirin futbolçuluğu qədər şəxsiyyəti də gözəldi. AFFA-nın əks fikir qəbul etməyən sabiq prezidenti məhz buna görə onun karyerasını məhv etmək istədi. Amma buna heç qismən də nail olmadı, tam əksinə, o xarakterinə görə daha çox sevildi. Samirin oyunu yaddaşlarda əbədi iz buraxıb. Xatirələr çoxdu, rəqiblərin sayına-hesabına baxmadan başına dolamaqlarından hər zaman danışılır. Heç vaxt unutmayacağım bir hadisə isə Sofiya “Lokomotiv”i ilə Bakıdakı oyunun son dəqiqələrində baş verdi.
Qurban Qurbanov Samirə ötürmə verməyib əlverişli imkandan yararlanmadı. Samir həmin an göz yaşlarına hakim ola bilmədi. Bu oyunun sonluğu bizim üçün yaxşı bitdi, növbəti epizodda Yaşar Vahabzadə qələbə qolumuzu vurdu. Həmin dövr üçün böyük uğur idi.
Bundan əvvəl və sonra bir qol anı boşa verildiyinə görə ağlayan futbolçu görmədim. Samirin futbolçuluğundan çox kişiliyinin göstəricisiydi bu epizod.
Azərbaycan futbolunda şəxsiyyət probleminin olduğu çeynənmiş mövzudu. Bir əlin barmaqlarıyla sayılacaq qədər istisnalar var ki, onlardan birincisi Samirdi. Bəlkə də buna görə şəxsiyyətsiz futbolumuzda Samir kimi əfsanə illərdir işsizdi…
Samir 100 dollardan ötrü oliqarxların yanında əyilən klassik azərbaycanlı futbol veteranı tipində biri deyil. O “torba tikməklə”, kiminsə ayağının altını qazmaqla, kiminsə çörəyinə bais olmaqla bu adı qazanmayıb. Samir azarkeşlərin ürəyində özünə əbədi taxt quran bir KİŞİ FUTBOLÇUdu. Belə birisinin azərbaycanlı olması ikiqat fərəhlidi.
Aydın Bağırovla Elçin Cəlilovun Samir haqda köşələrini oxuyandan sonra mövzunu davam etdirmək qərarına gəldim. İnanıram ki, başqa həmkarlarım da estafetə qoşulacaq. Çünki bu bizim Samirdi, qəlblərimizin əbədi fatihi, əbədi kumirimiz…
Samir Azərbaycan futbolunun dəyəridi. Jurnalistlər anlasa da, başı yeyintiyə və tullantı əcnəbiləri yallamağa qarışan futbol məmurlarımız bunu çətin anlaya…
Anar ŞABANOĞLU,
“Futbol+” qəzeti
Haaland “Real”a keçir?
“Ukrayna bu görüşə final kimi yanaşır” - Ayxan Abbasov
Elvin Cəfərquliyev: “Rəqibi analiz etmişik”
“Kayserispor”un yeni baş məşqçisi müəyyənləşdi
“Fənərbaxça”nın iki futbolçusu əsas heyətdən kənarlaşdırıldı
Sergey Rebrov: “Xallar bizə Azərbaycandan daha çox lazımdır”
“Reyncers” Cerrardı razı sala bilmədi
Vlahoviç “Bavariya”nın transfer hədəfində
“Fərdi ustalıqda bizi qabaqlayırdılar” - Elxan Abdullayev
U-19 millimiz Özbəkistana məğlub oldu
"Kəpəz" onu yenidən transfer etdi
Avropa çempionu karyerasını başa vurdu
Türkiyə millisində ciddi itki
Suaresdən 600-cü qol
Ukrayna millisinin düşərgəsini tərk etdi
"Qarabağ" dünya reytinqində 14 pillə irəlilədi
Haaland futbol tarixinə düşdü
Serbiya millisinin baş məşqçisi istefa verdi
Norveç millisi İsraili belə darmadağın etdi - Video
Türkiyədən Bolqarıstana 6 qol - Video
"Monako"nun yeni baş məşqçisi açıqlandı
Türkiyədən darmadağın, Portuqaliya və İspaniyadan qələbə
