19.01.24
Çempionatın son turunun ən böyük intriqası bombardirlik yarışıdı. "Mövsümün ən yaxşı legioneri Filip Ozobiç həm də ən yaxşı bombardir ola biləcəkmi?" sualının cavabını gözləməyə çox vaxt qalmayıb. Ozobiçin bombardirliyini əlindən almağa ən real namizəd isə Rauf Əliyevdi. "Son 10 ildə ölkənin ən yaxşı hücumçusu kimdi?" sualını versək, əminəm ki, azarkeşlərın böyük əksəriyyətindən "Rauf Əliyev" cavabını alarıq.
Karyerasındakı ən böyük səhvi "Qarabağ"dan getmək yox, hara getməsi idi. "Qarabağ"ı hansısa xarici kluba dəyişsəydi, bəlkə də Türkiyənin özündə heç kimə lazım olmayan Dəniz Yılmaz kimi əcnəbiləri yığmaya yük etməzdilər...
Raufun yaşayıb-yaşamaması sual altında olan "İnter"i tərk edəcəyinə şübhə yoxdu. Yeganə sual "Qarabağ"dan gedəndə buraxdığı səhvi yenidən təkrarlayıb-təkrarlamayacağıdı... Artıq 28 yaşı var. Bir futbolçu üçün ən gözəl yaş sayılırr. İndi xaricə getməsə, bəlkə də bir daha belə şansı olmayacaq...
Onun deyək ki, elə Emin Mahmudovun "Boavişta"sında və ya Portuqaliya çempionatının üç nəhəndi xaric hər hansı başqa klubunda özünü göstərmək üçün hər şeyi var. Rauf nəinki Portuqaliyada, başqa bir normal Avropa klubunda oynamaq üçün hücumçuya lazım olan bütün parametrlərə sahibdi. Çempionatın bombardiri olmaq isə futbolçunun reytinqini qaldırar və daha yaxşı klublara keçidinə səbəb ola bilər. 
Raufun adı İslam Oyunları üçün açıqlanan heyətdə də var. Düzdü, Yaşar Vahabzadə hələ yekun heyəti açıqlamayıb. Amma “süzgəcdən keçməyənin” Rauf olmayacağına zərrə qədər də şübhəm yoxdu. Çünki onun İslam Oyunlarının da bombardiri olmaq potensialı var ki, bu da həm milli üçün çox önəmlidi. Mümkün bombardirlik həm də karyerasına müsbət təsir edə bilər.
İstənilən halda Rauf Azərbaycandan getməlidi! Axı, bu onun son şansı ola bilər...
Azərbaycanda qalacağı təqdirdə isə onun səviyyəsində iki klub var - "Qarabağ" və "Qəbələ". Mətbuatda Raufun "Qarabağ"a qayıdışı müzakirə olunur. Bu həm futbolçu, həm də klub üçün çox yaxşı variantdı.
Bu gün "Qarabağ"ın Raufa, Raufun isə "Qarabağ"a ehtiyacı var! İnanıram ki, Rauf Azərbaycanda qalmağa üstünlük versə, "Qarabağ" da keçmişdəki bütün inciklikləri unudub, onu öz övladı kimi bağırlarına basacaqlar. Necə ki Əfran İsmayılovu bağırlarına basdılar...
"Qarabağ"ı ÇL-in qrupunda görməyi və Raufun da o heyətdə oynamasını nə qədər arzulasam da, yenə də futbolçunun özü üçün ən yaxşı variantın xaric olduğu qənaətindəyəm...
O yığmanın xaricdə oynayan başqa hücumçularından daha üstündü. Düzdü, Prosineçki bunu qəbul etmir və deyilənə görə, xorvat məşqçinin Şimali İrlandiya ilə oyun ərəfəsində İslamiadada iştirakına icazə vermədiyi futbolçuların siyahısında məhz bu səbəbdən Raufun adı olmayıb. Bu isə forvarda həm çempionatın, həm də İslam Oyunlarının bombardiri olmaq yolunda əlavə stimuldu. Prosineçki "Rauf özünü yaxşı tərəfdən göstərsə, yenidən milliyə dəvət alacaq" demişdi. Zənnimcə, dünya çempionatının seçmə mərhələsində Şimali İrlandiyanın qapısına qol vurmaq təcrübəsi olan hücumçu artıq bu işin öhdəsindən gəlib. Qalır karyerasındakı boşluqları doldurmaq. "Ölkənin son 10 ildə ən yaxşı forvardı dediyimiz" biri nə qədər təzadlı görünsə də, indiyəcən çempionatın bombardiri olmayıb...
Ümid edək ki, bu təzad son turda aradan qalxacaq. Raufun "İnter"də və bəlkə elə "İnter"in də klub kimi tarixdə son oyununu unudulmaz etmək forvardın öz əlindədi!
Anar ŞABANOĞLU
“Heç vaxt təslim olmayan “Barselona” görmək istəyirəm”
"Zirə" "Araz-Naxçıvan"ı belə məğlub etdi - Video
"Bütün baş verənlər bizim səhvlərimizin nəticəsi idi"
"Zirə" "Araz-Naxçıvan"a, "Kəpəz" "Sumqayıt"a qalib gəldi
Kamilo Durandan “Qarabağ”a xoş müjdə
Azərbaycan boksçusu erməniyə qalib gəldi
"Barselona"da qalır
"Kəpəz" - "Sumqayıt" oyunundakı 3 qol - Video
"Rəhbərlik komandaya yaxşı motivasiya verir" - Azər Bağırov
"Belə bəsit qollar buraxdığımıza inana bilmirəm" - Saşa İliç
D lisenziyalı məşqçi kursları yekunlaşıb
Konfrans Liqasında 1/8 final mərhələsinin püşkü atıldı
"Qarabağ"dan Kamilo Duranla bağlı açıqlama
"Araz-Naxçıvan" - "Zirə": Heyətlər
Avropa Liqasında 1/8 final cütlükləri müəyyənləşdi
Çempionlar Liqasında 1/8 finalın püşkü atıldı
"Neftçi" basketbol komandası baş məşqçisini göndərdi
Premyer Liqa klubundan baş məşqçisinə yeni müqavilə
"Kəpəz" - "Sumqayıt": Heyətlər açıqlandı
Azərbaycan klubları avrokuboklarda qol rekordunu təkrarlayıb
Bu qış Azərbaycandan ayrıldı, "Valensiya"ya keçdi
“Qarabağ”ın hücumçusundan 2 ölkə üçün rekord
"Yuventus" qapıçısı ilə müqaviləni uzatdı
Azərbaycan boksçusu 1/4 finala yüksəldi
Demiçelis La Liqa klubunun baş məşqçisi təyin edildi
Bu qələbə "Fənərbaxça"ya kifayət etmədi - Video
Azərbaycan UEFA reytinqində 3 ölkəni qabaqladı - Yeni rekord
Rusiyada 9 futbol hakiminə cinayət işi açıldı
Konfrans Liqası: "Samsunspor" davam edir
Cəbrayıl Hacıyev bürünc medal qazandı
Qəza keçirən futbolçu yaşıl meydanlara qayıtmağa hazırlaşır
"Traktor" liderliyə yüksəldi
İngiltərə klubları Murilloya göz dikdi
Premyer Liqa klubu baş məşqçisi ilə anlaşdı
"Arsenal" "Real"ın təklifini geri çevirdi
ÇL-də həftənin rəmzi komandasında kimlər var?
Tudor "Tottenhem"lə işləməyin çətin olduğunu etiraf etdi
Vinisiusla bağlı yeni qalmaqal - Şəkil
Premyer Liqa klubunun vəziyyəti daha da ağırlaşdı
