10.05.26
“Turan Tovuz”un portuqaliyalı müdafiəçisi Xorxe Silva Misli Premyer Liqasının 27-ci turunda “Sumqayıt”ı 2:1 hesabı ilə məğlub etdikləri oyundan sonra jurnalistlərin suallarını cavablandırıb. QOL.az saytının əməkdaşının da iştirak etdiyi müsahibəni təqdim edirik:
- Qələbəni necə şərh edərdiniz?
- Oyun çox çətin olacağını bilirdik. Qarşılaşmaya istəkli başladıq. Bunun da nəticəsində erkən qol vurduq. İkinci hissəyə də eyni istəklə start verdik. Nəticədə yenidən fərqləndik. Lakin sonra tez-tez top itirdik. Rəqibə əks-hücumlar qurmaq şansı yaratdıq. Qapımızda qol gördük. Buna baxmayaraq, yekunda qalib gəldik və çox sevinirik.
- Yenilənmiş qazonu necə qiymətləndirirsiniz?
- Çox möhtəşəmdir. Tam istədiyimiz kimidir. Arzumuz da bu idi ki, doğma stadionumuza qayıdaq. Çünki burada oynamaq bizim üçün çox yaxşıdır. Tovuzda komandaya güclü dəstək var.
- Oyundan sonra mətbuat konfransında komandanızın baş məşqçisi Kurban Berdiyev bildirdi ki, futbolçularda ilk dəqiqələrdə həyəcan hiss olunurdu. Bu, nədən irəli gəlirdi?
- Baş məşqçimiz deyirsə, deməli, elədir. Çünki Kurban Berdiyev çox təcrübəli mütəxəssisdir. O, hər şeyi gözəl başa düşür. Həyəcanlı olmağımızın bir səbəbi uzun müddətdən sonra yenidən doğma meydana qayıtmağımızdır. Öz azarkeşlərimiz önündə oynayırdıq. Digər tərəfdən isə “Sumqayıt” da zəif rəqib deyil. Həyəcan həm də istəkli olmağımızdan irəli gələ bilər.
- Demək olar ki, “Turan Tovuz” artıq avrokubokların qapısını açıb?
- Çempionatın startından əsas hədəfimiz avrokuboklardır. Bu hədəflə də irəliləməyə çalışırıq. İnanırıq ki, məqsədimizə çatacağıq.
- Yarımfinalın ilk matçında “Zirə”yə 0:2 hesabı ilə uduzdunuz. Kubokdan əlinizi üzmüsünüz, yoxsa cavab matçında geridönüş edəcəyinizə inam qalıb?
- Futbolda hər şey mümkündür. “Turan Tovuz” da yaxşı komandadır. Heyətimiz güclüdür. Ona görə də düşünürəm ki, vəziyyəti dəyişə bilərik. Lakin hazırda kuboku düşünmürük. Əsas fikrimiz növbəti turda “Araz-Naxçıvan”a qarşı keçirəcəyimiz matça yönələcək. Həmin oyun da çətin keçəcək. Çünki rəqib yaxşı komandadır.
- Uzun məsafəyə aut atmağınızla seçilirsiniz. Hətta sizin üçün zarafatla “əllə qol ötürməsi verir” də deyirlər...
- Həqiqətən də aut atışlarım uğurlu alınır. Əvvəlki klubumda da belə idi. Məqsədim hər zaman komandama kömək etməkdir. Daim assist etmək istəyirəm, fərqi yoxdur, ayaqla, ya əllə. Əsas odur ki, komandama xeyrim dəysin.
- Bayaq azarkeşləri qeyd etdiniz. “Turan Tovuz” fanatlarından sosial şəbəkələr vasitəsi ilə mesajlar alırsınız?
- “Turan Tovuz”u seçməyimin səbəblərdən biri də azarkeşlərdir. Bilirdim ki, bu komandanı fanatlar daim dəstəkləyirlər. Mənə hətta transfer reallaşmamışdan qabaq yazan azarkeşlər də var idi. İndi də yazırlar. Əlbəttə, bu, bir futbolçu üçün sevindirici haldır. Hər zaman azarkeşlərin bu sevgisini cavablandırmağa çalışıram.
Premyer Liqa VAR-la bağlı yeni təklifi qəbul etmir
Mbappe ev oyunlarını boykot edə bilər
Osimhen millidən kənarda qaldı
Salah yenidən ərəblərin hədəfində
"Dünya çempionatında intizam ön plana çıxacaq"
Bəhruzun het-triki, "Xankəndi"nin qələbəsi - Video
"Real"ın zədəli futbolçusu karyerasını bitirir?
Avropa nəhəngləri onu hədəfə aldı
"Zirə"nin final hazırlığından - Şəkillər
Argentinanın DÇ-2026 üçün ilkin heyəti: Messi, Prestianni...
Son tur ərəfəsində üç klubun eyni xalı var
PSJ tarixi uğurunu təkrarlaya bilər
2-ci liqa: liderlərdən böyükhesablı qələbə
Çempionlar Liqasında final matçının hakimləri açıqlandı
Ləğv edilən qola görə şikayət edəcəklər
"Barselona" Fliklə razılıq əldə etdi
"Atletiko"nun müdafiəçisi mövsümü erkən başa vurdu
“Barselona” bu gün çempionluq paradı keçirəcək
PSJ üçün şad xəbər
Azərbaycanda bunu bacaran 2-ci ispaniyalı oldu
Misli Premyer Liqasında həftənin oyunlarının vaxtı açıqlandı
Azərbaycan millisi Gürcüstana uduzdu
Kubokda finala doğru: 10 mövsümün rekordu
40 il sonra gələn çempionluq
Rəhim Sadixov 200-ə çatdı
Mövsümdə 2-ci dəfə
Nəriman MLS-də növbəti oyuna çıxdı
“Neftçi”də hər şey məni qane edir” - Sessi D`Almeyda
“Turan”ın 32 il əvvəlki o tarixi oyunundan - Şəkillər
Çempionluq “El-Klassiko”sundan - Video
"Arsenal" çempionluğun bir addımlığında - Video
