02.11.24
Bakının “İnter” klubu sabah Topaz Premyer Liqanın 23-cü turunda çempionatın lideri “Qarabağ”ı qəbul edəcək. Komandanın müdafiəçisi Ruslan Əmircanov oyunqabağı Qol.Az-ın suallarını cavablandırıb.
- Son turda “Kəpəz”ə qalib gəldiniz. Uzun fasilədən sonra meydanda 90 dəqiqə mübarizə apardın. Durumundan razı qaldın?
- Hələ bir neçə tur əvvəl də meydana çıxmağa hazır idim. Sadəcə, baş məşqçimizin mənə şans verməyini gözləyirdim. Son oyunda bu şansı qazandım və 90 dəqiqə meydanda oldum. Deyə bilmərəm ki, super oynadım, ancaq komandamın qələbə qazanmasında mənim də payım oldu. Hər şey qaydasındadır, ağrılarım yoxdur. Məşqlərdə çox çalışıram. Əvvəlki formamı bərpa etmək üçün bir az vaxt lazımdır. Getdikcə formaya düşəcəm.
- Deyəsən, komandanız da indi-indi formaya düşür. Qış fasiləsindən sonra ilk qələbənizi qazandınız.
- Təlim-məşq toplanışı zamanı yaxşı formada idik. Sadəcə, qalib gəlməli oyunlarda xallar itirdik. Bəlkə də oyunumuzu indi tapırıq. Bəxtimiz də gətirmirdi. Bizə bir qələbə lazım idi ki, onu da “Kəpəz”lə oyunda bacardıq. Gördüyünüz kimi, “Kəpəz” son turlarda rəqiblərinə aman vermirdi. Bu qələbə bizə hava və su kimi lazım idi.
- Qarşıdan “Qarabağ”la oyun gəlir. Bu görüş haqda nə düşünürsən?
- Rəqibimiz haqda danışmağa ehtiyac yoxdur. Hamı “Qarabağ”ın gücünə bələddir. Biz də zəif komanda deyilik. Bəli, “Qarabağ”ın təkcə adı bizə bəs edir ki, oyuna məsuliyyətlə yanaşaq. Ancaq rəqibdən çəkinmirik. “Qarabağ”ın güclü olması o demək deyil ki, onlardan qorxuruq. Komandamızda yaxşı ab-hava var. Onu da bilirik ki, əvvəlki oyunlardakı səhvləri bu dəfə də etsək, məğlub olacağıq. Çünki “Qarabağ” səhvi bağışlamır. Çalışacağıq ki, səhvsiz oynayaq.
- “Qarabağ” da son vaxtlar sabit oynamır. “İnter” indiki vaxtda bu rəqibinə qalib gələ bilər?
- Çempionat elə gedir ki, kimin qalib gələcəyini bilmək olmur. Yəni aşkar favorit göstərmək çətindir. Heç kim deyə bilməzdi ki, AZAL “Qarabağ”a qalib gələcək. Məncə, zəif komanda yoxdur, zəif hazırlıq var. Rəqibi yaxşı analiz edəcəyik.
- “İnter” hər zaman çempionluğa oynayıb. İndi əsas hədəf nədir? Çempionluq, yoxsa ilk “üçlük”də qərarlaşmaq?
- Heyətimiz zəif deyil. Hər şey komandanın özündən asılıdır. Rəhbərlik də əlindən gələni edir ki, futbolçuların heç bir qayğısı olmasın. Hazırda heç bir problemimiz yoxdur. Düzdür, köhnə borclar var, ancaq bu barədə danışmağa dəyməz. Klbubun vəziyyətini nəzərə alırıq. Nəticəni futbolçular qazanır. Biz komandanı uçuruma da apara bilərik, zirvəyə də. Komandamızda elə futbolçular cəmləşib ki, hər biri mübariz keyfiyyətə malikdir. Meydanda sona qədər can qoyuruq ki, komandamızın əvvəlki imicini qoruyaq. Biz həmişə çempionluğa oynamışıq. Yüksək yerlər uğrunda oynamaq üçün indi də potensialımız var.
Ramiq AĞAMƏMMƏDOV
_22.01.19.jpg)
"Real"da şok itki
MEDİA müsabiqə elan edib
Mikelsin yubiley qolu
"Sumqayıt"ın "Şamaxı" üzərində qələbəsi - Video
Ayxan Abbasov: "Çempionat gərgin keçəcək"
Ronaldo "Fənərbaxça"ya keçir, ya yox? - Mourinyo danışdı
"Sumqayıt" "Şamaxı"ya qalib gəldi
"Turan Tovuz" - "Sabah" matçında vurulan qollar - Video
"Turan Tovuz" "Sabah"la heç-heçə etdi
"Sumqayıt" - "Şamaxı": Heyətlər
Azərbaycanın basketbol millisi İsveçrəyə uduzdu
"Turan Tovuz" - "Sabah": Heyətlər açıqlandı
Məşhur hücumçunun oğlu İngiltərə klubunda
Azərbaycan cüdoçularından 4 medal - Avropa kuboku
"Arsenal" Premyer Liqada qələbə sayında 2-ci oldu
U-18 Qəbələdə toplanır
İlk dəfə Sudamerikana kubokunu qazandılar
Gələn həftə Bakıya gələcək "Lion"dan heç-heçə
