Medianın İnkişafı Agentliyinin layihəsi
Uşaqlar, yeniyetmələr və gənclər arasında idmanın təbliği ilə bağlı növbəti həmsöhbətimiz 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin cüdo idman növü üzrə məşqçi müəllimi, əməkdar məşqçi Adil Sadıqovdur.
A.Sadıqov əvvəlcə Uşaq-Gənclər İdman Məktəblərində cüdo məşqlərinin keçirilməsi haqda danışıb: "Uşaq-Gənclər İdman məktəblərində cüdo məşqlərinin keyfiyyətini, yeniyetmələrinin Avropa və Dünya birinciliklərində iştirakı və qazandıqları mükafatlar ilə qiymətləndirmək olar. Bugünkü gün bu nəticə çox yüksəkdir. Məsələn, 13 nömrəli İxtisaslaşdırılmış Olimpiya Ehtiyatları Uşaq Gənclər- İdman Məktəbinin yetirmələrindən Vüsal Qələndərli, Nizami İmranov gənclər üzrə dünya çempionatında, Ramazan Əhmədov, Əbil Yusifov, Məhəmməd Məmişov, Vüsalə Hacıyeva yeniyetmələrin Avropa birinciliyində, Rüfət Şövlətov isə açıq Asiya birinciliyində uğur qazanıb".
O, qeyd edib ki, cüdo məşqləri peşəkar məşqçilər tərəfindən keçirilir: "Məşqlər ali təhsilli və sırf peşəkar məşqçilər tərəfindən aparılır. Cüdo dərsləri ibtidai hazırlıq qrupları üçün həftədə 3 dəfə, təlim-məşq qrupları üçün isə həftədə 5-6 dəfə keçirilir".
A.Sadıqov məşq zamanı hər bir tələbəyə individual yanaşdıqlarını söyləyib: "Asan məşq olmur. Hər bir idmançıya individual yanaşılmalıdır. İdmançının götürə biləcəyi yükü başa düşüb, onu inandırmaq və ruhlandırmaq lazımdır. O zaman məşq asan və maraqlı olur".
Əməkdar məşqçi bunu da vurğulayıb ki, 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbində tələbələr üçün bütün lazımi şərait yaradılıb: "2011-ci ildə məktəbimiz əsaslı təmir olunmuşdur. Hər il mütəmadi olaraq bəzi təmir işləri aparılır. Məşq meydançası və idman zalları isə lazımlı avadanlıqlarla təmin olunmuşdur".
O, orta məktəblərdə fiziki tərbiyə fənninin daha yaxşı səviyyədə tədris olunmasının lazım gəldiyini deyib: "Ümumiyyətlə, orta məktəblərdə fiziki tərbiyə fənninə daha çox fikir verilməlidir. Bizə sağlam və möhkəm gənclər lazımdır".
A.Sadıqov Azərbaycanda uşaqların, yeniyetmələrin və gənclərin idmana olan marağının ildən-ilə artdığını da bildirib: "Vətənimizdə keçirilən mötəbər turnir və yarışlar uşaqların idmana olan marağının artmasına səbəb olur. Bu, böyük təsirdir. Bu tədbirlərin keçirilməsi çox vacib və faydalıdır".
O, qeyd edib ki, öz tələbələri arasında Respublika çempionları, Avropa kuboku və Avropa çempionatının qalibləri, İslam Həmrəyliyi Oyunlarının qalibi, beynəlxalq yarışların, Asiya çempionatlarının mükafatçıları da var: "Mənim tələbələrim arasında uğur qazananlar çoxdur. Məsələn, Respublika çempionu, Avropa kubokunun, Avropa cempionatının qalibləri, İslam Həmrəyliyi Oyunlarının qalibi, beynalxalq yarışların, Asiya çempionatının mükafatçıları var".
Həmsöhbətimiz ölkədə cüdoya olan marağın daha da artması üçün dövlət səviyyəsində işlərin görüldüyünü vurğulayıb: "Başda cənab Prezidentimiz, Milli Olimpiya Komitəsi olmaqla, Gənclər və İdman Nazirliyi, Azərbaycan Cüdo Federasiyası, nəinki cüdoya, bütün idman növlərinə marağın artması üçün lazımlı addımları atıblar. Bu göz qabağındadır".
A.Sadıqov cüdo ilə əlaqədar müxtəlif aksiyaların təşkil olunduğunu, məşhur idmançılarımızın gənclərlə görüşdüyünü dilə gətirib: "Azərbaycan Cüdo Federasiyasının “Qızlara ağ yaraşır” aksiyası, dünyada güləşmiş idmançılarımızın açıq dərs keçirmələri, təlim-məşqlərə qoşulmaları buna sübutdur".
Əməkdar məşqçi öz tələbələrinə necə motivasiya verdiyini də açıqlayıb: "Tələbələrimin hər birinin uğuru qiymətləndirilir. Adi bir şirniyyat süfrəsi də onlar üçün motivasiyadır. Ad günlərini bir yerdə keçirmək artıq ənənə halına çevirilib".
O, sonda idmançının həm də savadlı bir fərd olaraq yetişməsi üçün məşqçinin, məktəbin və valideynin ortaq iş görməli olduğunu deyib: "Profesonal idmanla məşgul olmaq, çox cətin bir yoldur. Bu işdə məşqçi, valideyn, məktəb birləşməsi vacibdir. Bu üçlük bir olsa, heç bir çətinlik olmur".
Nur Zeynalova
Yazı Azərbaycan Respublikasının Medianın İnkişafı Agentliyinin maliyyə dəstəyi ilə çap olunub
"Şamaxı" serbiyalı futbolçu transfer etdi
Olimpiadanın açılış mərasimindən - Şəkillər
Azərbaycan nümayəndə heyəti paraddan keçdi - Paris-2024
"Turan Tovuz" Türkiyə toplanışını başa vurdu
"Zaqatala"dan ayrıldı, Belarus klubuna keçdi
"Kəpəz" 4 qolla qalib gəldi
Hummelsə rəsmi təklif göndərdilər
Bentekedən növbəti dubl, "Şamaxı"dan qələbə
Parisdə 500 min avroluq qarət
"Çelsi"nin futbolçusu Fransa klubuna keçdi
"Mançester Siti" yeni formasını təqdim etdi - Şəkillər
UEFA-dan azərbaycanlı FİFA referisinə yeni təyinat
"Sabah" legioneri ilə yolları ayırdı
Drondan istifadə etdi, istefaya göndərildi
"İmişli"dən ayrılan futbolçu 2-ci liqa klubunda
"Napoli"dən "Everton"a
UEFA Superkuboku oyununun hakimi bilindi
AFFA Hakimlər Komitəsinə əcnəbi mütəxəssis sədr təyin olundu
"Atletiko"ya qayıtdı, amma komandadan ayrı məşq edəcək
“Fehervar”dan heç də zəif deyilik" - Rövlan Muradov
"Barselona" böyük transferlər edə bilər"
Pepe karyerasını başa vurur
"Arsenal" PSJ ilə danışıqlara başladı
"Bizi səfərdə çox çətin oyun gözləyir" - Eldar Quliyev
Bu gün 33-cü Yay Olimpiya Oyunlarının açılışı olacaq
Boksçularımızın Paris-2024-dəki ilk rəqibləri bilindi
“Sabah”ın möhtəşəm qələbəsinin - Videosu
Azərbaycan UEFA reytinqində irəlilədi
Sumqayıtda 1 qırmızı vərəqə, 3 qol - Video
“Sabah”ın potensial rəqiblərinin oyununda irlandlar sevindi
"Zirə"dən 4 cavabsız qol - Video
“Zirə”nin potensial rəqiblərinin oyununda 6 qol vuruldu
“Hələ heç nə həll olunmayıb” - “Sabah”ın baş məşqçisi
"Sabah"ın qələbəsi - Şəkillər
"DAK 1904"ün baş məşqçisi üzr istədi
"Rəqib amansız mübarizə aparacaq" - Rəşad Sadıqov
"Fehervar"ın baş məşqçisi: "Rahat qələbə qazanmadıq"
"Sabah" "Makkabi"yə böyük hesabla qalib gəldi
"30 faizlik şansımızdan bərk yapışacağıq" - Samir Abasov
"Zirə" Konfrans Liqasına darmadağınla başladı
"Sumqayıt" "Fehervar"a uduzdu
Azərbaycanın daha bir millisi Ermənistanı məğlub etdi
"Makkabi" - "Sabah" oyunu üçün heyətlər açıqlandı
Azərbaycan millisi Ermənistana qalib gəldi