"Mançester Siti"dən çempion olaraq ayrılmaq istəyirəm"

"Mançester Siti"dən çempion olaraq ayrılmaq istəyirəm"
GÜNDƏM 15 Mart 2016 / 00:01 3688
-  A +

"Mançester Siti"nin baş məşqçisi Manuel Peleqrini Çempionlar Liqasının 1/8 finalında "Dinamo" (Kiyev) ilə qarşılaşacaqları cavab görüşü haqda danışıb.

Qol.az-ın Britaniya mətbuatına istinadən verdiyi məlumata görə, çilili mütəxəssis mövsümün sonunda komandadan çempion olaraq ayrılmaq istədiyini bildirib:

"Mənim üçün mövsümün sonunda komandadan ayrılmaq və ya ayrılmamaq arasında heç bir fərq yoxdur. Üzərimdə eyni məsuliyyəti hiss edirəm. Komandadan ayrılmağım hədəfimi dəyişmir. Çempionlar Liqası mənim, klub və azarkeşlər üçün çox önəmlidir. Bu səbəbdən "Dinamo" ilə görüşdən sərfəli nəticə ilə ayrılaraq yolumuza davam etməyə çalışacağıq. Gedərkən də komandanı zirvədə buraxmaq istəyirəm. Bunun da ən yaxşı yolu çempion olaraq komandadan ayrılmaqdır".

Qeyd edək ki, 2013-cü ildən "Mançester Siti"ni çalışdıran Peleqrinini mövsümün sonunda Pep Qvardiola əvəzləyəcək. 

Daha çox


Son xəbərlər