13.04.26
"Sumqayıt"ın yarımmüdafiəçisi Əfran İsmayılov Qol.az-a müsahibə verib. Komandada qalıb-qalmayacağı ilə bağlı danışan futbolçu milliyə dəvət almaması məsələsinə və sabah Bakıda keçiriləcək Avropa Liqasının final oyununa da toxunub.
- Mövsümün sonunda "Sumqayıt"la müqavilən başa çatdı. Gələcəyinlə bağlı qərar vermisən?
- "Sumqayıt"la məsələm açıq qalır. Klubdan bildiriblər ki, sponsorlarla hələ görüş olmayıb. Avroliqanın finalına görə baş qarışıqdır. Gələn həftənin ortası rəhbərliklə görüşəcəyik. Ondan sonra qərarlar bilinəcək. Hazırda istirahət edirəm. Hələ gözləyirəm. Görək, "Sumqayıt"dan nə deyirlər. Alınacaq, lap yaxşı. Alınmasa da, futboldur.
- Başqa təkliflərin var?
- Var, amma açıqlamaq istəmirəm. “Sumqayıt”ın qərarını gözləyirəm. Burada baş məşqçi amili də var. Onunla da məsləhətləşdikdən sonra qərarımı verəcəyəm.
- “Sumqayıt”da pis təsir bağışlamasan da, milliyə dəvət almadın. Bu barədə nə deyə bilərsən?
- Həmişə demişəm ki, millidə oynamağa hazıram. Çağıracaqlar, gedəcəyəm, çağırmayacaqlar, getməyəcəyəm. Baş məşqçidən asılı olan bir şeydir. Qərara hörmətlə yanaşmaq lazımdır. Yəqin ki, layiq olanları çağırıblar.
- Milli komandamız gələn ay Avro-2020-nin seçmə mərhələsində Bakıda 2 oyun keçirəcək. Əvvəlcə Macarıstan, ardınca isə Slovakiya ilə oynayacaqlar. Şansları necə qiymətləndirirsən?
- Əlbəttə, hər ikisi çətin oyundur. Mümkün qədər xal qazanmalıyıq. Çünki bunu edə bilməsək, daha böyük çətinliklə üzləşəcəyik. Səfərdə bizə daha ağır olacaq. Şanslarımızı sıfıra endirə bilərik.
- Sabah Bakı Olimpiya Stadionunda Avropa Liqasının final oyunu keçiriləcək. Bu cür möhtəşəm matçın Bakıda keçirilməsinə münasibətini bilmək maraqlı olardı...
- Bu, həqiqətən böyük uğurdur. Bütün dünyanın gözü Azərbaycanda olacaq. Sevindirici haldır. İnanıram ki, bundan da mötəbər yarışlara ev sahibliyi edəcəyik. Belə yarışları keçirmək ölkəmizin üstünlüyüdür. Azərbaycan getdikcə inkişaf edir və dünyada daha çox tanınır. Ölkəni tanıdan amillərdən biri də bu cür oyunlar, mötəbər yarışlardır.
- “Qarabağ”ın heyətində avrokuboklarda hər iki finalçıya – həm “Çelsi”, həm də “Arsenal”a qarşı oynamısan. Favoritin kimdir?
- Bəli, hər iki komanda ilə üzləşmişəm. Əvvəllər Məsut Özilə görə “Arsenal”ın udmağını istəyirdim. Mxitaryan söhbətinə görə isə “Çelsi”yə azarkeşlik edəcəyəm.
- Proqnoz verə bilərsən?
- “Çelsi”nin qalib gələcəyini gözləyirəm. Məncə, 2:1 udacaqlar.
Elnur SALAHOV
Alleqri və Poçettino...
Gözəl seyvlər, son dəqiqə qolu - Video
Vitali Vernidub: "Son dəqiqələr haqda danışmaq istəmirəm"
Zirədəki qalmaqaldan - Video
AFFA bu komandanı yarışdan kənarlaşdırdı
“Neftçi” Zirədə qələbəni son anda əldən verdi
Vadjinin qolu, Batistanın dublu - Video
"Zirə"nin futbolçusu mükafatlandırıldı
DÇ-2026-nın ən bahalı biletlərinin qiyməti açıqlandı
Andrey Demçenko: "Məsuliyyəti üzərimə götürürəm"
Kurban Berdıyevdən qələbə şərhi
"Mütləq qalib gəlməliyik" - Siyasət Əsgərov
"Zirə" - "Neftçi": Heyətlər
"Çelsi" Kaysedo ilə müqaviləni uzatdı
Hidayət Heydərov finalda uduzdu - Avropa çempionatı
Azərbaycan millisi Gürcüstana da məğlub oldu
"Araz-Naxçıvan" - "Turan Tovuz": Heyətlər açıqlandı
AFFA -da Premyer Liqa klubları üçün seminar
“Liverpul” köklü islahata hazırlaşır
Mundiallar tarixində ilk - İnfantino açıqladı
Rusiyanın rəqibləri arasında Azərbaycan millisi də var
"Qarabağ" azarkeşlərə müraciət etdi
"Barselona" qərar verib, Flik "gözlə" deyir
"Braqa"dan əla geridönüş - Video
Arda Turandan möhtəşəm uğurdan sonra açıqlama
Konfrans Liqasının bütün yarımfinalçıları
Avroliqa: Yarımfinala hansı klublar adladı?
Turun mərkəzi oyunundan - Video
Konfrans Liqasının ilk yarımfinalçısı müəyyənləşdi
"Çelsi" Kaysedonun müqaviləsini yeniləyir
“Mingəçevir”in qələbəsindən - Video
"Barselona" yenidən UEFA-ya şikayət etdi
