11:00
"Rudar"ın kapitanı Nedelko Vlahoviç Çempionlar Liqasının II təsnifat mərhələsində "Qarabağ"a uduzduqları oyundan sonra Qol.Az saytının suallarını cavablandırıb.
- Çətin və maraqlı oyun idi. “Qarabağ” bizim gücümüzə görə komanda olmasa da, əlimizdən gələni etdik. Düşünürəm ki, uduzsaq da, layiqli mübarizə apardıq.
- Səncə, “Qarabağ” səddini keçə bilməməyinizin səbəbi nə idi?
- Bunun çox sadə cavabı var. İki oyunda bir qol belə vura bilmədik. Bakıdakı oyunudan fərqli olaraq doğma meydanda bunun üçün çalışdıq. Bacardığımız qədər yaxşı hücumlar qurmaq istədik. Bəlkə də bir qədər aqressiv oynasaydıq və dəqiq uzun ötürmələr verə bilsəydik, hesab fərqli olardı. Yəni qapımızdan top buraxsaq da, fərqlənə də bilərdik.
- Etiraf edək ki, Monteneqroda da topa “Qarabağ” nəzarət edirdi.
- Bəli, “Qarabağ” Bakıda olduğu kimi cavab matçında da yalnız qələbə üçün oynayırdı. Rəqib səfərdə də cütün favoriti idi. Çünki komandanız güclüdür və özünə güvənirdi. Onlar bizdən çox üstün komandadır.
- Oyun günü "Qarabağ"ın təmsil etdiyi Ağdam şəhərinin ermənilər tərəfindən işğalının 22-ci ildönümü olduğunu bilirdin?
- Azərbaycan torpaqlarının ermənilər tərəfindən işğal olunduğunu bilirdim. Amma bu barədə ətraflı məlumatım yoxdur.
- “Qarabağ”ın növbəti mərhələdəki rəqibi Şotlandiyanın “Seltik” klubudur. Bu matç haqda nə deyə bilərsən?
- “Qarabağ” və “Seltik” arasında çətin və mübarizəli bir matç olacaq. Çünki iki müxtəlif oyun üslubuna malik böyük klublar qarşılaşacaq. Düşünürəm ki, hər iki matç gözəl alınacaq.
- Bəs “Qarabağ” - “Seltik” duelində hansı komandaya azarkeşlik edəcəksən?
- Mən “Qarabağ”ı dəstəkləyəcəm. Çox istərdim ki, növbəti mərhələyə Azərbaycan klubu yüksəlsin.
- Səncə, “Qarabağ” Çempionlar Liqasının qrup mərhələsində oynaya bilər?
- Niyə də oynamasın? Bu mümkündür. Onların səviyyəli futbolçuları var. Həm də möhtəşəm təşkilatçılığı olan bir klubdur. Belə bir klubun Çempionlar Liqasında oynamağı onlar üçün xoşbəxtlik olar.
Ergün SEYİD
"Turan Tovuz"un "Qəbələ" üzərində qələbəsindən - Video
"Milli komandada yerli baş məşqçi işləsə, daha yaxşı olar"
"Gözlədiyimiz kimi ağır oyun oldu" - Kurban Berdıyev
"İmişli" - "Sumqayıt" matçından - Video
"Turan Tovuz" "Qəbələ"yə qalib gəldi
"Komandamla qürur duyuram" - "İmişli"nin baş məşqçisi
“İmişli”yə texniki məğlubiyyət veriləcək
“Qarabağ”ın 4 oyunu İTV-də
"Turan Tovuz" - "Qəbələ": Heyətlər
Flik İspaniya millisinə gileyləndi
