17.06.26
Azərbaycan hazırkı avrokubok mövsümünü UEFA əmsallar cədvəlində 27-ci pillədə başa vuracaq.
QOL.az bu barədə haqqin.az saytına istinadən xəbər verir.
Bu, dünən gecə Bolqarıstanın “Ludoqorets” klubunun Avropa Liqasından kənarlaşdırılmasından sonra tam dəqiqləşib. Məhz Bolqarıstan Azərbaycanı 27-ci pillədən sıxışdırıb çıxara biləcək yeganə ölkə idi.
Ötən mövsümü 30-cu sırada başa vuran ölkəmiz üç pillə irəliləyib. Bir il ərzində həm Bolqarıstanı, həm Slovakiyanı, həm də avrokuboklardan kənarlaşdırılmasına baxmayaraq hər il UEFA-dan 4,333 xal alan Rusiyanı qabaqlamışıq.
Azərbaycan cədvəldə yüksəlişini əsasən “Qarabağ”ın Çempionlar Liqasındakı uğurlu çıxışı sayəsində reallaşdırıb. Ölkəmiz avromövsümü 22,937 xalla tamamlayır. Bu, Azərbaycan klublarının son beş mövsümdə – 2021/22-dən 2025/26-ya qədər topladığı ümumi xaldır. 22,937 xal Azərbaycanın avrokuboklardakı iştirakı tarixində rekord göstəricidir.
Bundan əvvəl ən yaxşı beşillik nəticə 2023/24 mövsümünün yekununa əsasən qeydə alınmış 20,125 xal idi. Həmin mövsümdə “Qarabağ” Avropa Liqasında 1/8 finala yüksəlmişdi.
Cari mövsümdə Azərbaycan 5,812 xal toplayıb. 2023/24 mövsümündəki rekord göstəricidən (5,875) cəmi bir heç-heçə uzaqda qalmışıq.
Toplanan 5,812 xalın bölgüsü belədir:
4,687 – “Qarabağ”
0,625 – “Sabah”
0,375 – “Araz-Naxçıvan”
0,125 – “Zirə”
Hazırkı UEFA əmsallar cədvəli 2027/28 mövsümündə avrokuboklara vəsiqələrin bölgüsünü müəyyənləşdirir. Ötən mövsüm tutduğumuz 30-cu yer bu yay Azərbaycan klublarının start mövqeyini zəiflədəcək. Komandalarımızdan biri Konfrans Liqasına mübarizəyə 2-ci yox, 1-ci təsnifat mərhələsindən başlamağa məcbur olacaq.
Bu mövsüm isə vəziyyəti düzəltmişik. Deməli, UEFA formatı dəyişməzsə, 2027-ci ilin yayında Konfrans Liqasındakı hər iki Azərbaycan təmsilçisi yenidən 2-ci təsnifat mərhələsindən yarışa başlayacaq.
Klub reytinqinə gəlincə, “Qarabağ” bu mövsüm şəxsi rekordunu müəyyənləşdirərək 13,750 xal toplayıb. Son beş mövsümdə Azərbaycan çempionu 42,750 xal yığıb və hazırda 60-cı pillədə qərarlaşıb. Müqayisə üçün, Çempionlar Liqasında ağdamlıları mübarizədən kənarlaşdıran “Nyukasl” 28,750 xalla 74-cü sıradadır.
Çalhanoğlu üzr istədi
"Barselona"nın sabiq kapitanı İtaliya klubundan ayrıldı
Azərbaycan boksçuları Dünya Kubokunda yarımfinala yüksəldi
PFL onları mükafatlandırdı
"İmişli"də 5 ayrılıq - Yenilənib
"Neftçi" legioneri ilə yollarını ayırdı
Kavani ilə müqavilə ləğv edildi
Caner Erkin karyerasını bitirdi
"Atletiko" onun transferini bitirir
Aydının Maqnus Karlsenə qalib gəldiyi o an - Video
"Barselona" peşmandır
İngiltərə Premyer Liqasında yeni mövsüm - İlk turun təqvimi
"Şəfa"da daha bir müqavilə
Azərbaycanlı şahmatçı Maqnus Karlsenə qalib gəldi
"Araz-Naxçıvan" xorvatiyalı futbolçu transfer etdi
Ansu Fati müğənniliyə başladı
Ölkəsində qəhrəman oldu, nəhəng təsviri hazırlandı - Video
Mundialda ilk turun ən yaxşı oyunçuları müəyyənləşdi
"Rəqibin kimliyi əhəmiyyətli deyil" - Dambrauskas
Messinin atasının ölüm xəbərini yaydı - İşdən çıxarıldı
Kukurelyadan "Barselona" azarkeşlərinə cavab
FİFA Tuhelin şikayətindən sonra fotoqrafların yerini dəyişdi
İran qadağalardan narazıdır - FİFA-ya şikayət edir
Əşrəf Hakimi məhkəmə qarşısına çıxacaq - Şok ittiham
“Qarabağ”la oyunlarını ləğv etdilər
Svanadze: “Zirə”ni Kutaisidə dolu tribunalar gözləyir”
Dünya Çempionatı 2026
Xəbərlər
Təqvim
Cədvəl