21.02.26
"Qarabağ"ın futbolçusu Coni Montiel Çempionlar Liqasının pley-off mərhələində "Nyukasl"a qarşı keçirəcəkləri cavab oyunu haqda danışıb.
QOL.az xəbər verir ki, 27 yaşlı yarımmüdafiəçi görüşdən əvvəl təşkil olunan mətbuat konfransında ilk oyundakı səhvlərə toxunub və cavab matçında yaxşı nəticə əldə etməyin mümkün olduğunu deyib:
"İlk oyunun 1-ci hissəsində çox uğursuz, bizə yaraşmayan şəkildə oynadıq. 2-ci hissədə isə daha yaxşı idik. 1-ci hissədə də belə oynamalı idik. Amma bu yarışın səviyyəsi hər kəsə bəllidir. Artıq həmin oyunu unutmalı, cavab matçı barədə düşünməliyik. Əgər ilk oyunun 2-ci hissəsindəki kimi mübarizə aparsaq, düşünürəm ki, yaxşı nəticə əldə edə bilərik".
C.Montiel geridə qalan Liqa mərhələsini dəyərləndirib: "Ümumilikdə Çempionlar Liqasının səviyyəsi məni təəccübləndirmədi. Hər hansı bir oyunun çox asan keçdiyini xatırlamıram. Bu da normaldır, Çempionlar Liqasıdır. Gözləntilərimə qaldıqda isə Azərbaycanın ən böyük klubu olaraq "Qarabağ"dan gözləntilər həmişə yüksəkdir. Biz də bacardığımız qədər bu gözləntilərin qarşılığını verməyə çalışırıq".
İsaniyalı futbolçu "Daha çox 10 nömrə möveyində özünüzü sərbəst hiss edirsiniz. Lakin bəzi matçlarda sağ cinahda oynamaq məcburiyyətində qalırsınız. Hansı mövqedə daha çox qol vracağınızı düşünürsünüz" sualını belə cavablandırıb: "Xoşbəxtlikdən müxtəlif mövqelərə tez adaptasiya oluram. Müxtəlif mövqelərdə çıxış etmək bacarığım var. Amma özümü "10 nömrə" mövqeyində daha yaxşı hiss edirəm. Düşünürəm ki, bu mövqedə öz bacarığımı daha rahat göstərə və komandaya faydalı ola bilərəm. Lakin bilirəm ki, o mövqedə oynaya biləcək başqa futbolçular da var. Ona görə də lazım gələrsə, başqa mövqelərdə də oynamağa həmişə hazıram".
O, vətəni İspaniyada da "Qarabağ"ın uğurlu nəticələri haqda danışıldığını deyib: "Buraya gələndən bəri İspaniya mətbuatına bir neçə müsahibə vermişəm. Həmişə demişəm ki, burada olmaqdan məmnunam və çox xoşbəxtəm. Komanda üçün əlimizdən gələnin ən yaxşısını etməyə çalışırıq. Burada bizə belə dəyərlər aşılanır. Tələblər də yüksəkdir. Mən də demişəm ki, tələblər yüksək olduğu kimi biz də uğurlu olmaq üçün əlimizdən gələni edirik".
Qeyd edək ki, “Nyukasl” – “Qarabağ” oyunu Mərkəzi Avropa vaxtı ilə fevralın 24-ü, saat 21:00-da, Bakı vaxtı ilə fevralın 25-i, saat 00:00-da start götürəcək. Komandaların Bakıda keçirilən ilk oyununda "Nyukasl" 6:1 hesabı ilə qalib gəlib.
Ozobiçdən 70-ci qol
Davit Volkov 100-ə çatdı
"Milan"da ağır itki
“Beşiktaş”dan darmadağın
Messidən skandal hücum - Video
"Qarabağ"ın "Nyukasl"a qarşı hazırlıq məşqindən - Şəkillər
Qış Olimpiya Oyunlarına yekun vuruldu
"Yuventus"un baş məşqçisinin taleyi 2 matçdan asılıdır
PSJ onunla müqaviləni yeniləyir
"Barselona" "Levante"yə şans vermədi - 3 cavabsız qol
"Liverpul" son dəqiqələrdə vurduğu qolla qələbə qazandı
Kazemiro və Messi komanda yoldaşı olacaq?
"O, işlədiyim ən peşəkar futbolçudur"
"Kəpəz"ə qol vurmaq məndə özünəinam yaradıb" - Parris
"Sabah"ın qələbəsindən - Video
“Hansı məqsədlə "Qarabağ"ın əleyhinə şüarlar səsləndirdilər, bilmirəm” - Azər Bağırov
ÇL matçlarında VAR sistemindən istifadə qaydaları dəyişdi
"Trabzonspor"dan möhtəşəm geri dönüş - 5 dəqiqədə 3 qol
"Sabah"dan qələbə, "İmişli" - "Şamaxı" matçında heç-heçə
Mahir Emreli 3 ay sonra oyuna çıxdı
"Şamaxı” komandasına söz atdı - “Tempi aşağı salırdı"
Kenan Yıldız "Qalatasaray"la oyunu buraxa bilər
"İmişli" - "Şamaxı" matçından - Video
Karyerasında ilk dəfə Azərbaycan çempionu oldu
Fransa klubu baş məşqçisi ilə sağollaşmağa hazırlaşır
Qırmızı vərəqə aldı, klubdan ayrılmaq qərarı verdi
