23.03.26
Medianın İnkişafı Agentliyinin layihəsi
İnsanlarda belə bir fikir formalaşıb ki, idmanla məşğul olan gənclər təhsillərinə davam edə bilməzlər. Bəzən valideynlər məhz bu səbəbdən uşaqlarının idmanla, xüsusilə də futbolla məşğul olmasına icazə vermirlər. Nəticədə isə uşaqlar sevdikləri idman növündən uzaqlaşmış olurlar.
Lakin artıq son illərdə həmin fikirləri təkzib edən gənclərimiz ortaya çıxıb. Onlardan biri də "Zirə"nin U-19 komandasının üzvü Əbülhəsən Məmmədovdur. Ə.Məmmədov builki qəbul imtahanında 696 bal toplamağı bacarıb. Gənc oyunçunun seçimi isə Bakı Ali Neft məktəbi olub.
Bugünkü məhsöhbətimiz də məhz Əbülhəsən Məmmədovdur.
O, əvvəlcə futbola marağının necə yarandığını açıqlayıb. Əbdülhəsən uşaq yaşlarından futbol oynadığını deyib: "Bildiyiniz kimi, hal-hazırda "Zirə"nin U-19 komandasında oynayıram. Futbola marağım baxdığım matçlarla, həyətdə futbol oynamaqla yaranıb. Uşaq yaşlarımdan futbolla məşğul olmaq istəmişəm. İlk dəfə evimizin yaxınlığında yerləşən Sərhədçi İdman Mərkəzində futbola başlamışam".
Ə.Məmmədov həm futbol, həm də təhsil yolunda irəliləməyin çətinliklərindən söz açıb. Həmsöhbətimiz vurğulayıb ki, insan qarşısına hədəf qoyaraq irəliləsə, istədiyi hər şeyi bacarar: "İki yola eyni anda davam etmək çətindir. Amma mən aşağı siniflərdən də dərslərə yaxşı hazırlaşırdım. Ona görə də artıq 10-11-ci sinifdə bütün gün dərs oxumağıma ehtiyac qalmırdı. Müəyyən vaxtlarda dərs oxuyurdum, müəyyən vaxtlarda da məşqlərə qatılırdım. Çətinliklər bunlar olub ki, səhər evdən çıxırdım, evə gecə qayıdırdım. Evdə çox az vaxt keçirirdim. Fərqli yerlərə gedirdim: hazırlıqlara, məşqlərə, məktəbə. Eyni anda hamısına vaxt çatdırmaq çətin idi".
Gənc futbolçu valideynlərinin, müəllimlərinin və dostlarının ona dəstək olduğunu bildirib: "Bu yolda mənə ən çox valideynlərim dəstək olublar. Daha sonra isə müəllimlərim, dostlarım. Bəzi müəllimlərim təhsili seçməyimi istəyirdi, bəziləri isə futbola davam etməyimi".
Ə.Məmmədov gələcək planları ilə bağlı sualları da cavablandırıb. O, hələlik hansı yolu seçəcəyinə qərar vermədiyini söyləyib: "Hal-hazırda hansı yolu seçəcəyimi bilmirəm. Hələ ki, davam edirəm. Hansında daha uğurlu olsam, o yola davam edəcəyəm".
Ə.Məmmədov onu da qeyd edib ki, təhsilə görə futbolu dayandırmaq düzgün seçim deyil: "Futbolla məşğul olan uşaqlara əsas məsləhətim budur ki, təhsil alsınlar. Təhsilə görə futbolu dayandırmasınlar. Hər ikisini davam etdirmək mümkündür. Düzdür, çətindir. Amma insan istəyəndə bunu da bacarır".
"Zirə"nin futbolçusu sonda Azərbaycan futbolunun hazırkı durumuna toxunub: "Bildiyimiz kimi, Azərbaycan futbolunda problemlər var. Xüsusilə də milli komandamızda. Ümid edirik ki, hər ötən ildə daha keyfiyyətli futbolçular yetişəcək və millimizin səviyyəsini yüksəldəcəklər".
Nur Zeynalova
Yazı Azərbaycan Respublikasının Medianın İnkişafı Agentliyinin maliyyə dəstəyi ilə çap olunub
Xusanov ata oldu - Video
"Sevilya"nın yeni baş məşqçisi bəlli oldu
Zədəli ayağı əvəzinə sağlam dizini müayinə ediblər!
Yeniyetmələrdən elit liqaya qədər korrupsiya qalmaqalı
Hakimi "Real"a keçir?
Zədələrə rəğmən "Bayer" ona güvənir
Yamal İspaniya millisinin məşqini buraxdı
Zədə səbəbindən millinin düşərgəsini tərk etdi
ABŞ klubundan Nərimanla bağlı yeni paylaşım - Video
Türkiyə yeni mövsüm avrokuboklarda necə təmsil olunacaq?
Qrizmannın MLS-də oynayacağı rəsmiləşdi
"Atletiko"dan "Arsenal"a keçə bilər
Modriçə sabiq klubundan təklif var
Tudorun “Tottenhem”dən ayrıldığı bildirilir
Depay 1 ay oynamayacaq
"Tottenhem"də baş məşqçi vəzifəsinə iki namizəd
Mbappe bu xəbəri yalan adlandırdı
4 min dollara bilet olar? - FİFA-dan şikayət edildi
Muslera yenidən Uruqvay millisində
Fransa millisindən kənarlaşdırıldı
"Apreldəki oyunlar üçün yekun heyəti müəyyənləşdirməliyik"
Vaqner Lav 41 yaşında karyerasını başa vurdu
Azərbaycan millisi apreldə daha iki oyun keçirəcək
“Qarabağ” Sinenkonu transfer edir? - Menecerdən açıqlama
Messi “Qızıl top”u akademiyaya apardı - Video
Tanınmış futbolçu karyerasını başa vurdu
Milliyə çağırılmadı, saatlarla qumar oynadı
Qrizmanın yeni klubundakı qazancı bilindi
“Yuventus”un müdafiəçisi “Barselona”nın hədəfində
Fransa millisində Deşamı Zidanın əvəzləyəcəyi dəqiqləşdi
Matçları qanunsuz izləyənlər cərimələnəcək
Uğursuz çıxış etdi, baş məşqçidən xəbərdarlıq aldı
