“Nazarovun milliyə gəlməməsi başadüşülən idi” - Əməkdar məşqçi

“Nazarovun milliyə gəlməməsi başadüşülən idi” - Əməkdar məşqçi
MÜSAHİBƏ 24 Mart 2022 / 11:50 3804
-  A +

Azərbaycanın Əməkdar məşqçisi, AFFA Məşqçilər Komitəsinin üzvü Ağasəlim Mircavadov Dmitri Nazarovu  ("Ertsgebirge, Almaniya) uzun müddət sonra yenidən milli komandamıza çağırılmasına münasibət bildirib. 

Mircavadov Qol.az saytına açıqlamasında baş məşqçi Canni de Byazinin sözügedən futbolçuları yoldaşlıq görüşündə sınamaq niyyətində olduğu üçün belə bir addım atdığını deyib: 

“Baş məşqçi istəyib, çağırıb. Bu barədə nə demək olar ki? Dimitri Nazarov pandemiya vaxtı milliyə gəlmək istəməmişdi. Bu da başadüşülən idi. Həmin vaxt Almaniyadan bura gəlmək çətin idi. Yığmaya kim dəvət olunursa, bu, baş məşqçinin seçimidir. De Byazi yoldaşlıq görüşlərində həmin futbolçuları sınamaq istəyib. Bir şeyi də unutmayın ki, məşqçi məşqçinin tərəfini saxlayır”. 

Qeyd edək ki, Azərbaycan yığması martın 25-də Malta, 4 gün sonra isə Latviya ilə üz-üzə gələcək. Hər iki görüş Maltadakı Milli Stadionda keçiriləcək.

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı