Medianın İnkişafı Agentliyinin layihəsi
Eldar Axundzadənin 17 yaşı var. O, Avstriyanın Vyana şəhərində doğulub. 2009-cu ildən indiyədək Almaniyanın Berlin şəhərində yaşayır. Uşaqlıqdan futbola böyük marağı olan Eldar yaşadığı ölkədə bu idman növü ilə məşğul olmağa başlayıb. 2019-cu ildən etibarən o, üzvü olduğu Berlinin “Şarlottenburq” klubunun U-9 komandasında baş məşqçi kimi fəaliyyətə başlayıb. E.Axundzadə ilə qısa söhbətimizdə onun futbol fəaliyyətinə nəzər salmağa çalışdıq.
- Bir azərbaycanlının Almaniya kimi futbol ölkəsinin uşaq komandasında məşqçi işləməsi nadir rast gəlinən faktlardandır. Əvvəlcə bilmək istərdik ki, necə oldu ki, yeniyetməlik yaşınızda məşqçilik fəaliyyətinə başladınız? Bu sahədə neçənci ildən fəaliyyət göstərirsiniz?
- Mən artıq 10 yaşından etibarən özüm Berlinin “Charlottenburg” (Şarlottenburq) uşaq futbol komandasında müdafiəçi və yarımüdafiəçi kimi oynamağa başlamışam. Yaxşı nəticələr göstərdiyim üçün 5 ildən sonra məşqçim mənə və bir almaniyalı komanda dostuma 8-9 yaşlı (U 9) uşaq futbol heyətini hazırlamağı təklif etdi. Beləliklə, 2019-cu ildən etibarən, “Charlottenburg” (U-9) uşaq futbol komandasına rəhbərlik edirəm.
- Bəs niyə erkən yaşda futbolçu deyil, məşqçi olmağı seçdiniz?
- Əslində məşqçilik də futbolçu fəaliyyətinin davamıdır. Məşqçi fəaliyyətim ilə yanaşı mən eyni zamanda öz klubumun gənclər (U-18) yaşlı futbol komandasında oynayıram. Məşqçi kimi də tez-tez aşyaşlı uşaqlar ilə məşqlər keçirirəm və futbolçu kimi təcrübəmi bölüşürəm.
- Məşqçi kimi UEFA kurslarında iştirak etmək fikriniz varmı?
- Hazırda belə bir planım yoxdur. Amma gələcəkdə bu istisna deyil.
- Ümumiyyətlə, Almaniyada uşaq komandalarında işləmək üçün məşqçilərdən hansı sənədlər tələb olunur?
- Almaniyada uşaq klubunda məşqçi işləmək üçün gələcək məşqçi ilk növbədə özü hər hansı bir futbol klubunun üzvü olmalıdır. İşləmək üçün klub rəhbərliyin müsbət rəyi və razılığı alınmalıdır.
- Alman uşaqlarla işləmək sizin üçün rahatdırmı? Nəzərə alaq ki, özünüz azərbaycanlısınız...
- Ümumiyyətlə, uşaqlarla işləmək asan deyil. Fiziki, texniki məşqlər ilə yanaşı uşaqların valideynləri də tərbiyəvi baxımdan məşqçi ilə bir çox məsələlərdə həmrəylik nümayiş etdirməlidirlər. Azərbaycanlı olmağım isə məşqçisi kimi fəaliyyət göstərməyimə hər hansı bir maneə yaratmır. Əksinə əslən digər ölkə nümayəndəsinin olması uşaqlarda marağı daha da artırır.
- Azərbaycanda bəzən valideynlər uşaq futbol məşqçilərinin və ya oyunlar zamanı hakimlərin işinə müdaxilə edirlər. Bu da bəzən uşaqların futbolçu kimi inkişafına mənfi təsir edir. Bəs, Almaniyada belə faktlar qeydə alınırmı? Alman valideynlər məşqlər və oyunlar zamanı özlərini necə aparırlar?
- Bu suala yuxarıda bir qədər toxundum. Əlavə qeyd edim ki, Almaniyada da valideynlər uşaqlarının oyununu həssaslıqla izləyirlər. Klublararası yarış zamanı bəzi hallarda hakimin və məşqçinin fəaliyyəti ilə bağlı valideynlər öz fikir və iradlarını bildirilər. Lakin məşqçilərin fəaliyyətinə müdaxilə kimi hallara çox nadir hallarda rast gəlinir.
- Almaniyada uşaq futbol məktəblərinin infrastrukturu necədir?
- Almaniyada idmana və xüsusən də futbola böyük diqqət yetirilir. Məsələn, Berlin şəhərində 30 yaxın futbol klubu fəaliyyət göstərir. Hər klubun özünə məxsus 1-2 meydançası, klub binası, geyim otaqları var. Meydançaların işıqlandırılması, yaşıl ot və ya suni örtüyün qorunması nəzarətçilər tərəfindən həyata keçirilir.
- Uşaqların yetişdirilməsində əsasən nəyə fikir verirsiniz: atletik, yoxsa texnikalı futbola?
- Əslində hər ikisi vacibdir. Atletik hazırlıq olmadıqda texniki baxımdan yaxşı oynayan futbolçu oyun zamanı mübarizəni uduza bilər. Amma futbol komanda oyunu olduğundan mən daha çox texniki amilə üstünlük verirəm. Çalışıram ki, yetirmələrim daha çox kollektiv oyun nümayiş etdirsinlər, texniki imkanlarını daha təkmilləşdirsinlər.
Nuriyə ZEYNALOVA
Yazı Azərbaycan Respublikasının Medianın İnkişafı Agentliyinin maliyyə dəstəyi ilə çap olunub
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu
PFL hakim təyinatlarını açıqladı
Klopp üzr istədi
Kroos: "Ançelotti bizə yalan danışdığını dedi"
"Yayda nələr olacağını birlikdə görəcəyik" - Musa Qurbanlı
İndi ən vacib xəbərlər telefonunuza gələcək!
Finalda təkrarlanan 6-cı cüt
“Qarabağ” “Neftçi”yə çatdı
Azərbaycan kubokunda yeni rekord
"Barselona" Xavi ilə bağlı qərarı açıqladı
İtaliya kubokunda 2-ci finalçı da bilindi
"Liverpul"a çempionluq yolunda zərbə
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov
"Qarabağ" - "Neftçi" oyunundakı 5 qol - Video
Azərbaycan kubokunda finalçılar müəyyənləşdi
"Qəbələ"də 300-cü oyun
"Təəssüf ki, vəziyyətimiz çox üzücüdür" - Kaxaber Sxadadze
"Zirə"ni finala yüksəldən qələbə - Video
"Qarabağ" - "Neftçi": Heyətlər