02.11.24
"Bütün azarkeşlərimizdən xahişimiz odur ki, "Qarabağ"ı tək qoymasınlar"
“Qarabağ” klubunun direktoru Əmrah Çəlikəlin Qol.Az saytına müsahibəsi
- Komandanız Çempionlar Liqasının III təsnifat mərhələsinin “Seltik”lə ilk oyununu keçirdi. Əvvəlcə Qlazqoda baş tutan görüşlə bağlı təəssüratlarınızı bilmək istərdik.
- “Seltik”in 60 minlik stadionu tam dolu idi. Azarkeşlər 90 dəqiqə dayanmadan öz komandalarını qələbəyə səslədilər. Bu, komandamız üzərində böyük basqı yaratmışdı. Ancaq şükürlər olsun ki, futbolçularımız çox soyuqqanlı oldu və matçın sonuna qədər üstün oyun sərgilədi. Bu, tək mənim deyil, oyuna baxan hər kəsin fikridir. Sevindirici haldır ki, “Qarabağ” bu cür komandalara qarşı öz oyununu nümayiş etdirə bilir. Rəqibin kimliyi hamıya bəllidir. “Seltik” köklü komandadır. Biz onlara qarşı belə mübarizə aparırıqsa, deməli, böyük iş görmüşük.
- Oyundan əvvəl “Seltik” favorit sayılırdı, onların çox güclü olduğu deyilirdi. Dünənki qaşılaşmadan sonra rəqibin heç də favorit olmadığını düşünmək olar?
- Bu cür danışmaq həm rəqibə hörmətsizlik olar, həm də komandamızda motivasiyanı azaldar. Dünənki matçı məşqçilərimiz daha yaxşı analiz edə bilər. Favorit onlar yox, bizik demək düzgün olmaz. Rəqib çox güclüdür. Bunu onların əvvəlki oyunlarına əsasən demək olar.
- Sırf dünənki qarşılaşmanı nəzərdə tuturam.
- Biz azarkeş, futbol həvəskarı kimi deyə bilərəm ki, “Qarabağ” “Seltik”lə başabaş mübarizə apardı, layiqli müqavimət göstərdi.
- “Seltik” hesabı açarkən futbolçularımız hakimə etiraz etdi. Onlar rəqibin qol epizodunda qapıçımız İbrahim Şehiçə qarşı qayda pozuntusunun olduğunu iddia edir. Siz nə düşünürsünüz?
- Bəli, rəqibin qayda pozuntusu hesabına qol vurduğunu deyirlər. Ancaq mən həmin epizodun təkrarını görməmişəm. Buna görə də qol epizodu ilə bağlı fikir bildirmək istəmirəm. Yəqin ki, baş məşqçimiz bu haqda bizə məlumat verəcək.
- “Qarabağ”ın növbəti mərhələyə yüksəlmək şansını necə dəyərləndirirsiniz?
- Əslində biz Qlazqona həm də böyük bir azarkeş ordusuna qarşı mübarizə apardıq. Burda həmin atmosferi biz onlara yaşatmağa hazırlaşırıq. Bütün azarkeşlərimizdən xahişimiz odur ki, "Qarabağ"ı tək qoymasınlar. Avropanın diqqəti həmin oyunda olacaq. Biz də əlimizdən gələni edəcəyik ki, “Seltik”lə oyunda yaxşı nəticə qazanaq.
- Sizcə, Respublika stadionunda “Seltik Park”dakı kimi atmosfer yaratmaq olacaq?
- Niyə də yox? Daha da yaxşısını bacararıq.
- “Qarabağ”dan yeni transfer gözlənilir, yoxsa artıq bu işlər yekunlaşıb?
- Bununla bağlı qərarı baş məşqçimiz Qurban müəllim verəcək. Belə bir istəyi olsa, məsləhətləşəcəyik. Ancaq hazırda gündəmimizdə transferlə bağlı bir şey yoxdur. İndi heç bir futbolçu ilə danışıqlar aparmırıq. Ancaq transfer işlərini hələ ki, yekunlaşdırmamışıq.
Ramiq AĞAMƏMMƏDOV
_22.01.19.jpg)
"Real"da şok itki
MEDİA müsabiqə elan edib
Mikelsin yubiley qolu
"Sumqayıt"ın "Şamaxı" üzərində qələbəsi - Video
Ayxan Abbasov: "Çempionat gərgin keçəcək"
Ronaldo "Fənərbaxça"ya keçir, ya yox? - Mourinyo danışdı
"Sumqayıt" "Şamaxı"ya qalib gəldi
"Turan Tovuz" - "Sabah" matçında vurulan qollar - Video
"Turan Tovuz" "Sabah"la heç-heçə etdi
"Sumqayıt" - "Şamaxı": Heyətlər
Azərbaycanın basketbol millisi İsveçrəyə uduzdu
"Turan Tovuz" - "Sabah": Heyətlər açıqlandı
