12:59
"Çalışıram və məşq edirəm. Ən yaxşı formamı yığmaq üçün mənə bir neçə matç lazımdır".
Qol.az xəbər verir ki, bu sözləri "Yurqorden"də çıxış edən Musa Qurbanlı "Forum 1891"ə müsahibəsində deyib.
"Komandaya uyğunlaşmağa çalışıram. Bu, mənim üçün tamamilə fərqli bir liqa və yeni komandadır. Düşünürəm ki, zaman keçdikcə daha da yaxşılaşacaq. Mən çox narahat deyiləm, əksinə çox çalışıram" - deyə o bildirib.
Azərbaycan millisinin üzvü bildirib ki, İsveçdə mövsümün ortası olduğu üçün ona bir az çətin olub: "Ona görə də futbolçular yüksək formadadırlar, amma mən mövsümöncəsi təlim-məşq toplanışından gəlmişəm. Mən bura gəldim, müqavilə bağladım, Bakıya qayıtdım və özüm məşq edərkən komanda ilə on günlük məşqdən kənarda qaldım. Deməli, ən yaxşı formama qayıtmaq üçün mənə bir az vaxt lazımdır. Hər şey yaxşı gedir. Amma düşünürəm ki, daha yaxşısını edə bilərəm və bunun üzərində işləyirəm. Ən yaxşı formama tez bir zamanda qayıtmağa çalışıram".
M.Qurbanlı Konfrans Liqasının 2-ci təsnifat mərhələsində "Lütsern"ə uduzaraq mübarizəni dayandırmaları haqda da danışıb: Çox istəyirdik ki, Konfrans Liqasında iştirakımıza davam edək. Amma təəssüf ki, belə olmadı. Biz çalışmağa davam edəcəyik və başımızı dik tutacağıq. Biz Allsvenskanda qarşıdakı matçları səbirsizliklə gözləyirik.
Düşünürəm ki, "Lütsern"lə matçda daha yaxşı oynaya bilərdim. Öz performansımdan nadir hallarda razıyam, həmişə "ac qalıb" inkişaf etməyə çalışıram. Hətta bir neçə qol vurduğum matçlar olsa belə, həmin oyununun çətin keçdiyini düşünürəm".
21 yaşlı hücumçu "Yurqorden"də start heyət uğrunda rəqabət barədə deyib: "Rəqabət həmişə yaxşıdır. Bu, bizə oyunçu kimi inkişaf etməyə kömək edir. Yaxşı oyunçular çox olduqda, hər zaman ən yaxşı şəkildə çıxış etməyə tətiklənirsiniz. Düşünürəm ki, rəqabət əyləncəlidir. Bu, oyunçu və komanda kimi inkişaf etməmizə kömək edə bilər".
M.Qurbanlı İsveç və Stokholmu bəyəndiyini söyləyib: "Hava yaxşı hiss olunur. Bəzən yağış yağır, amma bu havanı xoşlayıram. Məşq edəndə yağışın yağması yaxşıdır. Eşitmişəm ki, qış çox soyuqdur. - İsveç çox gözəl ölkədir. İnsanlar mehribandır, qonaqpərvərdir, mənə gülümsəyirlər. Buna görə də çox xoşuma gəlir, şəhər heyrətamizdir. Əvvəllər qeyd etmişdim ki, bizim məşq bazamız, futbolçular da çox yaxşıdır. Komanda yoldaşlarım mehriban və gülməli insanlardır. Ona görə də burada olmaqdan çox həzz alıram.
Azərbaycanda yayda 40 dərəcəyə qədər isti olur. Qış olduqca soyuqdur, lakin İsveçdəki kimi soyuq deyil. Düşünürəm ki, bura çox yaxşı uyğunlaşdım".
O, boş vaxtlarında nə etdiyi ilə bağlı deyib: "Bəzən şəhərə çıxıb bir fincan qəhvə içirəm və ya bir az alış-veriş edirəm. Deyərdim ki, mən kifayət qədər adi sadə həyat yaşayıram".
“Milan” “Barselona”nın futbolçusuna göz dikdi
“Futbolu daha çox sevməyimə səbəb oldun”
“Beşiktaş”ın zədəli futbolçusundan xəbər var
UEFA araşdırmalara başladı
Prezidenti seçildi, sonra vəzifəsindən uzaqlaşdırıldı
“Tariximizin ən yaxşı nəticəsini əldə etdik” - Rəşad Eyyubov
Milli komandanın rekordunu yenilədi
Stas Pokatilovun yığması heç-heçə etdi
Azərbaycan millisindən böyükhesablı qələbə
Qanunsuz oynadı, FİFA tədbir görmədi
AFFA klub rəsmisini cəzalandırdı
Rəşid Məmmədəliyev bürünc medal qazandı - Dünya çempionatı
Azərbaycanın U-20 millisi Yaponiyaya qalib gəldi
Arda Gülerdən daha bir ilk
Di Mariyadan Messi üçün duyğusal vida
"Qarabağ"dan Sefasın durumu ilə bağlı - Açıqlama
Fernandinyodan “Mançester Siti” ilə bağlı şok sözlər
Mançini Türkiyə üzərində qələbədən danışdı
Millətlər Liqasında bunu bacaran ilk futbolçu oldu
1-ci liqada həftənin hakimləri məlum oldu
Arda Güler və Kenan Yıldız "Arsenal"ın hədəfində
Baş məşqçinin istefası qəbul olunmadı
"Son 10 ildə nə vaxt dincəldiyimi bilmirəm" - Yankoviç
Millətlər Liqasının oyunlarını yayımlayacaq kanallar
Rafinya "Barselona" ilə müqaviləni uzadıb
Azərbaycanın 5 boksçusu mərhələ adladı
"Bavariya" Keynlə razılaşdı
Türkiyə millisindən ardıcıl 4-cü məğlubiyyət - Video
