14.09.25
"Keşlə"nin qapıçısı Kamal Bayramov Qol.az saytına müsahibə verib.
- Ötən gün Premyer Liqanın 21-ci turunda "Qarabağ"la qarşı oyunun son dəqiqələrində qol buraxaraq qələbəni əldən verdiniz. Oyun haqda nə deyə bilərsiniz?
- "Qarabağ"ın illərdir oturuşmuş heyəti var, onlara qarşı oynayan bütün komandalar çətinlik çəkir. Biz də öz növbəmizdə çalışdıq ki, məşqçilərin tapşırığını maksimum yerinə yetirək. Hardasa ona nail olduq, çünki erkən qol vurduq. Dediyim kimi, "Qarabağ"a qarşı oynamaq çətindir, top onlarda çox olur. Topsuz işləmək çətindir. Bu amil futbolçulara psixoloji cəhətdən çətinlik yaradır. Qələbədən bizi 1-2 dəqiqə ayırdı. Səhv etdik, sonunda qol buraxdıq. Səhvsiz futbol olmaz. Qarşıdakı oyunlara hazırlaşırıq.
- Yenə son dəqiqələrdə qol buraxdınız...
- Komanda şəklində çalışırıq ki, son dəqiqələrdə yüksək konsentrasiya ilə mübarizə aparaq. Futboldur, düşünmürəm ki, 100 faizlik penalti epizodu idi. Amma hakimin verdiyi qərara da hörmətlə yanaşıram.
- Demək olar bütün klublar hakimlikdən narazıdır. Sizin fikriniz necədir?
- Hakimlərə bağlı nəsə deyə bilmərəm. Onlar da insandır, onlar da bizim kimi səhv edə bilər. Bunların hamsını normaldır, futbolun içində olan məqamlardır. Hakimliklə bağlı mənfi fikr söyləmək istəmirəm.
- Uzun zamandan sonra meydana qayıtdınız. Çıxışınızı necə dəyərləndirirsiniz?
- Həqiqətən də çətindir, ilk oyunumu "Sabah"a qarşı oynamışdım. Sonra 4-5 aydan sonra "Sumqayıt"a qarşı oynadım. Hiss edirsən ki, yavaş-yavaş irəliləyiş olur. Bundan qabaqkı oyunlarda çətinlik çəkirdim, oynamayan futbolçu üçün həmişə belə problem olur. Oyun praktikası olmayanda çətinlik yaranır. 1 il ərzində 1-2 oyuna çıxmışdım. Bu, həqiqət futbolçu üçün mənfi haldır. Əvvəl 1 ay oynamırdın, sonra oynayanda geriləmə hiss olunmurdu. İndi 1 il oynamırsan, sonra oynayanda vəziyyət göz önündə olur. Amma buna rəğmən yaxşı çıxış edib komandama kömək edəcəyəm.
- Əvvəlki formanızı qaytarmaq çətin olmayacaq?
- Futbolçu formasını bərpa etmək istəyirsə, ancaq oynamalıdır. Meydanda olan oyunçu səhv edir, ehtiyatda oturan futbolçu necə səhv edə bilər? Futbolçu oynayıb səhv edəndə, sonra səhvlərini düzəldərək inkişaf edir. Daim meydanda olmaq üçün mübarizə aparıram. Oynayıb, klubuma kömək etmək istəyirəm. Ola bilər çətinlik olsun, 1 il az müddət deyil. Amma o maneəni aşa biləcəm.
- Mövsümün sonunda "Keşlə" ilə müqaviləniz bitir. Gələcək planınız nədir?
- Hələ davam etmək istəyirəm, karyeramı hələ bitirmək istəmirəm. Buna gücüm də var. Ağır zədədən sonra futbola qayıtdım. Ayağımdan əməliyyat olunmuşdum. Hazırda hər şey qaydasındadır, gücüm var. Bu gün işlədiyim məşqçilər də, klub rəhbərliyi də mənə dəstək olur. Davam edəcəm inşallah.
Ağa Dadaşzadə
"Çelsi"də yeni müqavilə
"Real"ın şikayəti rədd edildi
"Mingəçevir" "Cəbrayıl"a belə qalib gəldi - Video
“Qarabağ” UEFA reytinqində irəlilədi
4 qol vuruldu, "Mingəçevir" qalib gəldi
"Benfika" Mourinyo ilə danışıqlarda irəlilədi
“Mançester Siti" mənim yeganə seçimim idi”
2-ci liqada oyunların vaxtı açıqlandı
"Qalatasaray"da ciddi itki
AFFA-dan "Neftçi"yə rədd cavabı
Elxan Səmədovdan "Qarabağ"a təbrik
Azərbaycan kubokunun püşkü atıldı
Azərbaycan kubokunun finalı bu stadionda
Aleksander-Arnoldun durumu açıqlandı
Alleqri cəzalandırıldı
“Real” Çempionlar Liqasının tarixinə düşdü
Qol vurandan bir neçə dəqiqə sonra vəfat etdi
0:2 uduzarkən "Qarabağ"ın qələbə əmsalı 76 olub!
"Benfika"nı da gətirin qoyaq Qənimətlər Parkına
Kamilo Duran: "Hesabda geri düşsək də, təslim olmadıq"
