25.03.26
“Qarabağ”ın hücumçusu Mahir Mədətov Azərbaycan Premyer Liqasının 25-ci turunda “Keşlə”ni 3:0 hesabı ilə məğlub etdikləri qarşılaşmadan sonra Qol.az-ın müxbirinin də iştirak etdiyi brifinqdə jurnalistlərin suallarını cavablandırıb.
- Penalti epizodunu necə şərh edə bilərsən? Qarşı tərəf qərardan narazı idi.
- Rəqib ayağıma vurdu. Mən onun arxasından gəlirdim, ola bilsin ki, məni görməyib. Amma təmas var idi. Hakimin doğru qərar verdiyini düşünürəm.
- Hazırda “Neftçi” ilə xal fərqiniz 5-ə bərabərdi. Şansları necə dəyərləndirirsən?
- Mən həmişə öz komandama inanmışam. İnanıram ki, xal fərqini sonadək saxlaya biləcəyik. Bunun üçün çalışacağıq, vuruşacağıq. Sonda nə olacağı Allaha qalıb. Amma biz vicdanımız təmiz olsun deyə bilməliyik ki, var gücümüzü ortaya qoyduq.
- Son vaxtlar azarkeşlər və futbol ictimaiyyəti tərəfindən çox tənqid olundun. Bununla bağlı nə deyə bilərsən?
- Əvvəllər çox təsir edirdi. İndi isə izləmirəm tənqidləri. Kimin nə dediyi mənə maraqlı deyil. Əsas olan məşqçilərimin fikiridir. Düşünürəm ki, qol vurmadığıma görə tənqid olunurdum.
- Son oyunlarda sanki artım var...
- Hücum xəttində oynayırsansa, istər-istəməz top da itirəcəksən. Bunu Ronaldo da edir, Messi də. Çalışırsan ki, bir az kreativlik edəsən, bu da bəzən alınır, bəzən yox.
- Bəs sizdə necə alınır kreativlik?
- Məncə, pis alınmır. (gülür)
- Mövsümün sonunda Türkiyəyə gedəcəyin, Superliqa klubuna transfer olunacağın deyilir. Bu məsələ nə qədər realdır?
- Çox klubun adını eşidirik. Ancaq nə məşqçilər, nə də menecerlərim tərəfindən bu barədə mənə deyilmir. Özüm də bunu istəyirəm. Çünki çempionatın sonudur. Daha çox növbəti oyunlara köklənirəm. Mayda bu barədə qərar verəcəyik artıq.
- AEK barədə yayılan xəbərlər haqda nə deyə bilərsən, Yunanıstan Superliqasında oynamağın alınarmı?
- Açığı, Yunanıstan liqasını izləmirəm. Avrokuboklardakı oyunlarına baxmışam. AEK-dən real təklif var idi, sadəcə bu haqda düşünmürdüm.
- Legioner həyatı yaşamağın vaxtı çatdığını düşünürsən?
- Düzü, çox istəyirəm legioner olmaq, Avropada özümü göstərmək. Lakin, dediyim kimi, bu tək mənim verəcəyim qərar deyil. Mənim üzərimdə əziyyəti olan insanlar çoxdur, xüsusən də Qurban müəllim başda olmaqla “Qarabağ”ın. Onlar nə desələr, elə də olacaq.
- AEK-dən təklif aldığın ərəfədə Qurban Qurbanov nə məsləhət gördü?
- Həmin vaxt “Neftçi” ilə oyuna 3 gün qalmışdı. Qəti cavabım yox idi. Mümkün olan bir şey deyildi. Özümə söz vermişdim ki, bütün təklifləri kənara qoyub komandama kömək edəcəyəm. Çünki bu il bizim üçün çox ağır il oldu. İstəyirəm ki, sonda çempion olaq.
- “Keşlə”nin qapıçısı Şahinlə toqquşmandan sonra burnu qırıldı və xəstəxanaya aparıldı. Ona zəng etməyi düşünürsənmi?
- Bu haqda bilirəm. Artıq nömrəsini də almışam. Özünə də yaxınlaşıb üzr istədim. Bilərəkdən etməmişəm. İmkan tapsam, onu ziyarət edəcəyəm.
Millətlər Kubokunun matç qaydalarına dəyişikliklər ediləcək
Noyer geri dönür
Ofsayd qərarları artıq "robot"lara həvalə olunur
İtaliya klubu tarixinin ən pis mövsümlərindən birini keçirir
Azərbaycan millisinin məşqindən - Şəkillər
“Qaradağ Lökbatan”ın 7 qollu qələbəsindən - Video
“Qarabağ”ın xanım azarkeşləri üçün giriş pulsuz olacaq
Belarus yığması Ermənistana qalib gəldi
Xavi "Barselona"ya qayıda bilməyəcək
"Tanımadığımız rəqiblərlə oynamaq yaxşıdır" - Ayxan Abbasov
“Tottenhem” baş məşqçisini istefaya göndərdi
CAF-in baş katibi istefa verdi
Azərbaycan çempionatında mükafat qazandılar
"Qolum sınsa da, döyüşməyə davam etdim" - Tofiq Musayev
Yalnız “Quba” və “Qaradağ Lökbatan” qələbəyə sevindi
AFFA nümayəndələri RFİ-nin tədbirində iştirak ediblər
Neymar səfər matçlarından imtina etdi
UEFA-dan Babək Quliyevə yeni təyinat
"Hakimlər "Real"a kömək edir" - "Barselona"nın prezidenti
Kosovo - Türkiyə matçının hakimləri açıqlandı
Mirça Luçesku huşunu itirdi, xəstəxanaya yerləşdirildi
Karyerasının son oyununda qol vurdu
Bu şərti qəbul etsə, "Barselona"da qalacaq
Klopp “Enfild”ə qayıtdı - Video
Bu yarışda qalib Medina-Montiel cütlüyü oldu - Video
Kasemiro bu kluba keçir
Futbol tarixində ən bahalı qadın oyunçu oldu
"Qarabağ"ın azarkeşi vəfat edib
Tofiq Musayev UFC-də ilk qələbəsini qazandı
“Dinamo”dan 6 qollu qələbə
Azərbaycan güləşçiləri Estoniyada 5 medal qazanıblar
Dünya çempionatı üçün 400 minlik evini satdı
Hökumətə etiraz etdi, millidən uzaqlaşdırıldı
Bu stadionda tribunalardan biri Messinin adını daşıyacaq
"Qızıl top" mükafatı qaydalarında dəyişiklik olunacaq
Entoni Qordon "Nyukasl"dan gedir?
Salah A Seriyasına qayıda bilər
Vinisius millinin matçını buraxa bilər
"Marsel" ÇL-ə vəsiqə qazanmasa, klubdan ayrılacaq
