03.02.26
“Qarabağ”ın futbolçusu İlqar Qurbanov Azərbaycan Premyer Liqasının XV turunda "İnter"ə 1:0 hesabı ilə qalib gəldikləri oyundan sonra Qol.Az saytının suallarını cavablandırıb.
- “İnter” yaxşı komandadır. Maraqlı oyun keçdi. Hər iki komanda gözəl oyun sərgilədi. “İnter” ağıllı futbol sərgiləyir, yaxşı müdafiə olunurdu. İlk hissədə bir qol vurmağı bacardıq və rəqibin fərqlənməsinə imkan vermədik. Ağır oyunlar ərəfəsində və ən əsası belə bir çətin matçda 3 xal qazanmağımız yaxşıdır.
- Turnir cədvəlində ikinci mövqedə qərarlaşan “Qəbələ” ilə aranızda 8 xal fərq var.
- Biz bunu düşünmürük. Ötən mövsümlər də 12-13 xal öndə olduğumuza halda, sona yaxın xal fərqi azalmışdı. Yəni aradakı 8 xallıq fərqə arxayın olmaq lazım deyil. Biz hər oyuna qələbə qazanmaq üçün çıxırıq. Digər komandalarla aramızda olan xal fərqinə fikir versək, biz də xal itirə bilərik.
- Deyə bilərikmi ki, hazırda Premyer Liqada “Qarabağ”a tam ciddi müqavimət göstərə biləcək rəqib azdır?
- Deməzdim ki, ciddi rəqib yoxdur. Bizə qarşı bütün komandalar yaxşı hazırlaşırlar. “Qarabağ”la oyunlarda rəqiblərimizin meydanda həvəsli oynadığını görürük. Bütün rəqiblərimiz çalışır ki, özlərini yaxşı tərəfdən göstərsinlər. Çempionat çox çətin keçir. Həm Avroliqa, Azərbaycan kuboku, həm də Premyer Liqada mübarizə aparmaq çətindir. Ona görə də deməzdim ki, başqa komandalar bizdən aşağı səviyyədədir.
- Demək olar ki, “Qarabağ”ın bütün futbolçuları açıqlamalarında rəqiblərin onlara qarşı yaxşı hazırlaşdığını bildirir. Səncə bu nədən irəli gəlir? “Qarabağ”dan bu qədər çəkinirlər?
- Yəqin ki, çəkinirlər. Ötən tur “Neftçi” ilə oyunda da gördünüz ki, nə qədər istəkli idilər. Qələbə qazanmaq üçün sonadək mübarizə apardılar.
- Səncə, “Qarabağ” yaxşı nəticələrini Avroliqada da davam edə biləcək? Yəni qrupdan çıxmaq şansınız varmı?
- Bu, “Qarabağ”ın hər bir futbolçusunun istəyidir. Amma bilirik ki, çətin olacaq. Çünki “Anderlext”i səfərdə mütləq məğlub etməliyik. Eyni zamanda “Monako” da “Tottenhem”lə oyunda xal itirməlidir.
- Ansi Aqollinin “Anderlext”lə oyunu buraxacağı ehtimal edilir. Həmin matçda səni meydanda görə biləcəyik?
- Qismət olsa oynayacam. Baş məşqçimiz şans versə, əlimdən gələni edəcəm.
- Amma Qurban Qurbanov Avroliqa oyunlarında demək olar ki, səni meydana buraxmır.
- Bu, baş məşqçimizin qərarıdır. Xüsusi bir səbəb yoxdur. Ehtiyac olanda mənə də şans verir. Mən də çalışıram ki, onun etimadını doğruldum. Bu barədə heç vaxt etirazımı bildirməmişəm. Təcrübəli futbolçu hər şeyə hazır olmalıdır.
Ergün SEYİD
"Kəpəz"dən yeni transfer
“Neftçi”də 3 legioner
5 qol vurdu, ayın ən yaxşısı oldu
"Barselona" Avropa Klublar Assosiasiyasına qayıtdı
Misli Premyer Liqasında 6 oyunun hakimləri
İngiltərədə yanvarın ən yaxşı məşqçisi seçildi
Mbappe sabah oynayacaq?
İqor Tudor “Tottenhem”ə gətirilir
Azərbaycan çempionatının son 1/4 finalçıları məlum oldu
Milli komandalarımızın yeni məşqçiləri açıqlandı
Emreli 3 ay sonra yenidən məşqdə - Şəkillər
2030-cu ilə qədər "Bavariya"da - Rəsmi
Azərbaycan millisi Avropa çempionatında iştirak edəcək
“Məni ən çox inkişaf etdirən futbolçu Messi olub” - Mourinyo
Simeonedən Yamala təxribatçı jest - Şəkil
UEFA-nın növbəti Konqresi Qazaxıstanda
"Sabah" hər ikisi ilə yolları ayırdı
"Onunla Azərbaycan millisinə dair danışacağam"
Azərbaycan millisinin oyunlarının təqvimi - Millətlər Liqası
Məşhur futbolçu "Əl-Hilal"la müqaviləni uzatdı
"Atletiko" "Barselona"ya 4 qolu belə vurdu - Video
Ançelotti heç yerə getmir
