17:14
“Çox pis oynadıq. Hesab da bunu deyir. İlk yarıda hesab açılmasa da, rəqibin 2-3 qol şansı var idi. Komandamın oyun nizam-intizamı məni narahat edir”.
Qol.Az-ın Futbolxeber.az-a istinadən yaydığı xəbərə görə, bu sözləri U-19 millimizin baş məşqçisi Nazim Süleymanov Avropa çempionatının seçmə mərhələsində Ukraynaya 0:4 hesabı ilə uduzduqları görüşdən sonra deyib.
Təcrübəli mütəxəssis bildirib ki, komandası bu oyunla mərhələ adlaya bilməz: “Belə oyunla qrupdan çıxmaq çətindir. Amma bu, 3 oyunluq turnirdir. Qarşıda hələ 2 matçımız var. Tələsmək lazm deyil. Bu gün buraxdığımız qolları gördünüz. İkinci hissədə oyun nizam-intizamını əldən verdik. Arxaya çox oynayırlar. Futbolu geriyə yox, irəliyə oynamaq lazımdır. Meydana 2 dayaq yarmmüdafiəçisi buraxmışıq, onlar da gəlir müdafiəçilərin yanına. Biz tapşırığı veririksə, futbolçu bunu yerinə yetirməlidir. Futbolçunun fikri meydanda olmalıdır, başqa yerdə yox. Futbol ağıl oyunudur. Kim ağıllıdırsa, o da yaxşı oynayır”.
N.Süleymanov hücumçu problemi yaşadıqlarını bildirib:
“Hücumçularımızdan İlkin Sadıqov zədəlidir, Qara Qarayev də həmçinin. Futbolçu peşəkar olmalıdır. Seçmə mərhələyə 1 il ərzində hazırlaşmaq lazımdır. Bəzi oyunçular daxildən buna hazır deyillər. Qara Qarayev “Malaqa”da oynayır. Amma həftədə cəmi 2 dəfə məşq edir. Bura gəlib, deyir ki ayağım ağrıyır, çıxır məşqə zədələnir”.
Nazim Süleymanov yenilgiyə görə azarkeşlərdən üzr istəyib: “Öz adımdan, komandamın adından futbolsevərlərdən üzr istəyirəm. Uduzmaq olar. Sadəcə, mübarizə aparmaq lazımdım. Futbol sərt oyundur”
Musanın yubiley qolu
İnyesta Mərakeş millisinə rəhbərlik edəcək?
İki Premyer Liqa klubunun hədəfinə düşdü
"Ayaks"ın yeni hücumçusu matçın 2-ci dəqiqəsində zədələndi
"Atletiko"dan gözlənilməz məğlubiyyət
Ramon Maçadonun qolu, "Araz-Naxçıvan"ın qələbəsi - Video
Baş məşqçidən sonra idman direktoru da klubdan ayrıldı
"Avrokuboklar uğrunda mübarizə aparacağıq" - Saşa İliç
Yığma Millətlər Liqası matçına azarkeşlərsiz çıxacaq
"Araz-Naxçıvan" "Sumqayıt"a, "Neftçi" "Kəpəz"ə qalib gəldi
Hakim kobud səhvə yol verdi, komitə sədri üzr istədi
Şahruddindən Nərimana: “Tez ol, get!” - Video
