02.11.24
"Komandamı yaxşı oyuna görə təbrik edirəm. Rəqib zəif deyildi. Bizim üçün ağır oyun oldu. Topa və oyuna nəzarət edirdik. Rəqib uzun ötürmələrlə qol vurmaq istəyirdi. Qapımız qarşısında təhlükəli vəziyyətlər oldu. Ancaq biz qola imkan vermədik. Bir xal qazanmışıq. Bu, ədalətli nəticədir".
Qol.Az-ın Osloya ezam olunmuş müxbirinin verdiyi məlumata görə, bu sözləri millimizin baş məşqçisi Robert Prosineçki "Avro-2016"nın seçmə mərhələsində səfərdə Norveçlə 0:0 bərabərə qaldıqları oyundan sonra keçirilən mətbuat konfransında deyib.
Xorvatiyalı mütəxəssis Bakıda Avropa Oyunlarının start götürdüyü bir gündə Norveçdə yaxşı nəticə qazanmağa borclu olduqlarını bildirib:
"Bu gün Azərbaycanda vacib gün idi. Avropa Oyunlarının açılışı oldu. Artıq Avropa oyunlarına start verilib. Azərbaycan tarixində böyük hadisədir. Bu gün uduza bilməzdik. Üzərimizdə təzyiq var idi. Ancaq komandam vəzifənin öhdəsindən gəldi. Oyun ərzində komandanı dəstəkləyən azarkeşlərimizə təşəkkür edirəm. Bu gözəl oyunla 1 xalı Azərbaycan xalqına həsr edirəm. Belə nəticə ilə ölkəyə qayıtmaq çox xoşdur.
- Əfran İsmayılov bu dəfə ona doğma olan sağ cinahda oynadı və bu, uğurlu alındı. Gələn görüşlərdə də Əfranı həmin mövqedə oynadacaqsınız?
- Gələn oyunları deyə bilmərəm. Növbəti oyunumuz Xorvatiya ilə olacaq. Rəqib çox güclüdür. Bəli, düz vurğuladınız ki, Əfran bu gün çox yaxşı oynadı.
- Cavid Hüseynov adətən, hücumçuların arxasında oynayır. Ancaq bu dəfə Rahid Əmirquliyevi öndə, Cavid nisbətən arxada oynadı.
- Sizinlə razı deyiləm. Çünki Cavid bu gün öz mövqeyində oynadı. Hansı ki, Malta ilə görüşdə də həmin mövqedə çıxış etmişdi. Onun oyunundan razı qaldım.
- Komandamız 4-5-1 sistemi ilə oynadıqda hücumda olan bir futbolçu o qədər də effektli olmur. Bundan sonra həmin mövqeyə yeni futbolçu axtaracaqsınız, yoxsa, sistemdə hansısa dəyişiklik edəcəksiniz?
- Biz bu gün yaxşı oyun nümayiş etdirdik. Üstəlik 4-5-1 yox, 4-1-4-1 sistemi ilə oynadıq. Norveçin bütün səfər matçlarına və ev oyunlarını izləmişəm. Rəqib evdə yaxşı çıxış edir. Bəli, bizdə hücumçu problemi var. Hücum mövqeyinə yeni futbolçu axtarıram. Ancaq Ruslan bu gün yaxşı oynadı. Oyun ərzində çox qaçdı. Qol epizodu da oldu. Təəssüf ki, bundan yararlana bilmədi.
- Martin Edeqor haqda fikirləriniz necədir? O, yüksək səviyyəli futbolçu ola bilərmi?
- Müasir futbolun ən istedadlı oyunçulardandır. Mən Norveçin İsveçlə yoldaşlıq görüşünə baxdım. Meydanda ən yaxşılardan idi. Bu gün 2 futbolçu ona qarşı oynayırdı. Buna görə də, İsveçlə matçdakı oyununu göstərə bilmədim.
_22.01.19.jpg)
"Real"da şok itki
MEDİA müsabiqə elan edib
Mikelsin yubiley qolu
"Sumqayıt"ın "Şamaxı" üzərində qələbəsi - Video
Ayxan Abbasov: "Çempionat gərgin keçəcək"
Ronaldo "Fənərbaxça"ya keçir, ya yox? - Mourinyo danışdı
"Sumqayıt" "Şamaxı"ya qalib gəldi
"Turan Tovuz" - "Sabah" matçında vurulan qollar - Video
"Turan Tovuz" "Sabah"la heç-heçə etdi
"Sumqayıt" - "Şamaxı": Heyətlər
Azərbaycanın basketbol millisi İsveçrəyə uduzdu
"Turan Tovuz" - "Sabah": Heyətlər açıqlandı
